ရေပေါ်မြို့လေး၊ အချစ်မြို့တော်၊ မျက်နှာဖုံးမြို့တော်စသဖြင့် အမည်တွင်တဲ့ ဗင်း နစ်မြို့လေးဟာ ကမ္ဘာပေါ်မှာ အလှဆုံးမြို့တွေထဲက တစ်မြို့ပါ။ တူးမြောင်းတွေ၊ တံတား တွေ၊ အဆောက်အအုံတွေနဲ့ မြို့လေးရဲ့ နေရာတိုင်းဟာ လေဟာပြင်ပြတိုက်လို ကြည့် လို့မကုန်နိုင်လောက်အောင် လှပါတယ်။ အီတလီနိုင်ငံအရှေ့မြောက်ဘက်မှာရှိတဲ့ ဗင်း နစ်မြို့က ရေပေါ်မြို့ဆိုပေမဲ့ ကမ်းခြေမြို့တော့ မဟုတ်ပါဘူး။ ပင်လယ်ထုံးအိုင်လို့ ခေါ် ရမယ့် ဗိမငအေငခ ပင်လယ်နဲ့ဆက်နေတဲ့ ရေပြာအိုင်ကြီးထဲမှာရှိနေတာပါ။ ဒါကြောင့်လည်း မြို့ထဲတူးမြောင်းတွေထဲ စီးဆင်းနေတဲ့ ရေတွေက ကြည်လင်လှတဲ့ စိမ်းပြာရောင်ပင် လယ်ရေတွေဖြစ်နေတာပါ။


ရေပေါ်မြို့ဆိုတဲ့အတိုင်း မြို့လေးဟာ လူလုပ်ကျွန်းပေါင်း ၁၁၈ ကျွန်းပေါ်တည် ထားတာဖြစ်ပြီး ကျွန်းတွေကို ဆက်သွယ်ပေးထားတဲ့ တံတားပေါင်း ၄၀၀ ကျော်ရှိပါ တယ်။ မြို့လေးမှာ ကားလမ်း၊ ရထားလမ်းဘာမှ မရှိပါဘူး။ တစ်နေရာနဲ့ တစ်နေရာသွား ချင်ရင် လမ်းလျှောက်ရင်လျှောက်၊ မလျှောက်ရင် ရေလမ်းကနေသွားမှရမှာပါ။ ကျွန်းတွေ ကြားမှာရှိတဲ့ တူးမြောင်းတွေကနေ လှေတွေ၊ စက်လှေတွေ၊ သင်္ဘောတွေနဲ့ သွားကြရပါ တယ်။ ဗင်းနစ်မြို့ကိုသွားချင်ရင် ကုန်းပေါ်ရှိမြို့ဘက်နဲ့ ကျွန်းကို ဆက်သွယ်ထားတဲ့ ရထားလမ်းရှိတော့ ရထားနဲ့သွားရပါတယ်။ ကုန်းပေါ်ရှိမြို့ဘက်အခြမ်းမှာတော့ လေ ဆိပ်ရှိပါတယ်။ ကျွန်မတို့သွားတုန်းကတော့နှစ်ခေါက်လုံး ရထားနဲ့သွားခဲ့တာပါ။


အကျယ်အဝန်းစုစုပေါင်း ၁၆၀ စတုရန်းမိုင်သာရှိတဲ့ ဗင်းနစ်မြို့ဟာ အခုချိန်မှာ အရမ်းကို ကဗျာဆန်တဲ့မြို့၊ ကမ္ဘာလှည့်ခရီးသည်တွေ အများအပြားလာရောက်တဲ့မြို့ ဖြစ်ပေမဲ့ မြို့စတည်ခဲ့တုန်းကတော့ ရည်ရွယ်ချက်ကတစ်မျိုးပါ။ လွန်ခဲ့တဲ့ နှစ်ပေါင်း ၁၅၀၀ ကျော်က ရောမအင်ပါယာအရေးနိမ့်လာတဲ့အခါ ရန်သူလက်ကပုန်းကွယ်တဲ့ အနေနဲ့ လူတစ်စုဟာ လူသူအရောက်အပေါက်နည်းတဲ့ ဒီဗင်းနစ်မြို့ဖြစ်လာမယ့်ကျွန်း ပေါ် ရွှေ့ပြောင်းလာခဲ့ကြတာပါ။ ရေထဲမှာရှိတော့ တော်ရုံလာတိုက်ခိုက်လို့လည်း မရနိုင် ဘူးဆိုပြီး အခြေချနေထိုင်ခဲ့ကြတယ်လို့ သိရပါတယ်။ အကြောက်တရားတွေနဲ့တည်ခဲ့တဲ့ မြို့က အခုအခါမှာတော့ အလှတရားတွေ ပေါင်းဆုံနေရာဖြစ်လို့နေပါတယ်။ နောက် ထပ်ထူး ခြားတာတစ်ခုက ဗင်းနစ်မြို့ဟာ ကျွန်းပေါ်ဒီအတိုင်း တည်ထားတာမဟုတ်ဘဲ သန်းချီတဲ့ သစ်လုံးတွေပေါ်မှာ မြို့တည်ထားတာပါတဲ့။ တကယ်ကို အံ့ဩဖို့ကောင်း ပါတယ်။ မူလကျွန်းပေါ်မှာ သစ်လုံးတွေကို စေ့နေအောင် ဒေါင်လိုက်စိုက်ထားပြီး အပေါ်ကနေရွှံ့ လောင်းကာ မြို့ကွက်ဖော်ပြီး အိမ်တွေဆောက်ခဲ့တာပါ။ ရေလမ်း အသုံးပြုရအောင် တူးမြောင်းတွေပါ မြို့ဖော်တဲ့အခါ ထည့်ဖော်ထားခဲ့တာပဲဖြစ်ပါတယ်။ ရန်သူတွေလာပါက မျက်စိလည်အောင်လည်း လမ်းတွေကို ရှုပ်ရှက်ခတ်အောင် ဖောက် ထားပါတယ်။ ကုန်းပေါ်ကလမ်းတွေကလည်းကျဉ်းပြီး လူနဲ့မြင်းလှည်းတွေသွားလို့ရ လောက်တဲ့အထိပဲ ကျယ်ပါတယ်။ ကမ္ဘာ့အကျဉ်းဆုံးလမ်းတောင် အဲဒီမှာရှိပါတယ်။ ဃallနအa လို့ ခေါ်ပြီး ၅၃ စင်တီမီတာ(တစ်ပေကိုးလက်မနီးပါး)သာကျယ်ပါတယ်။


ဗင်းနစ်မြို့ရဲ့ တူးမြောင်းပေါင်း ၁၇၇ ခုထဲမှာ တော်ဝင်တူးမြောင်းကြီးက အကြီးဆုံး ဖြစ်ပြီး မြို့ကိုနှစ်ခြမ်းခွဲထားပါတယ်။ တူးမြောင်းကြီးကိုဖြတ်တဲ့ အဓိကတံတားကြီး ၄ စင်းရှိပြီး Rငalအသ ဆိုတဲ့ တံတားကြီးကတော့ နာမည်အကြီးဆုံးပါ။ မြို့ရဲ့ စည်ကားတဲ့ နေရာမှာရှိသလို တံတားပေါ်ကမြင်ရတဲ့ ရှုခင်းကလည်း အလွန်လှပါတယ်။ ဗင်းနစ်မြို့ ရဲ့ သင်္ကေတကိုပြောပါဆိုရင် အလှတန်ဆာဆင်ထားတဲ့ မျက်နှာဖုံးတွေအပြင် Gသည-dသူa လို့ခေါ်တဲ့ လူလှော်လှေလည်းပါပါတယ်။ သစ်အမျိုးအစားရှစ်မျိုးနဲ့ အထူးပြုလုပ် ထားတဲ့ လှေကြီးရဲ့ ပုံသဏ္ဌာန်က ဗင်းနစ်မြို့ကို ကိုယ်စားပြုထားပြီး မြို့အနှံ့ တူးမြောင်း တလျှောက် ချောင်ကြိုချောင် ကြားနေရာတွေပါ လှော်ခတ်ပေးလို့ ဗင်းနစ်ရောက်သူတိုင်း မဖြစ်မနေစီးလေ့ရှိကြပါတယ်။ ဗင်းနစ်ရောက်ရင် မသွားမဖြစ်ကတော့ မြို့စတည်တဲ့ နေရာရှိ စိန့်မာကိုရင်ပြင် ကြီးပဲဖြစ်ပါတယ်။ ခန့်ညားထည်ဝါလှတဲ့ အဆောက်အအုံတွေ ဝန်းရံထားတဲ့ ရင်ပြင်ကျယ်ကြီးက တကယ်ကို ရင်သပ်ရှုမောဖွယ်ရာပါ။ ရင်ပြင်အလယ် က ခေါင်းလောင်းမျှော်စင်ကြီးက ဗင်းနစ်မြို့မှာ အမြင့်ဆုံးဖြစ်လို့ မျှော်စင်ပေါ်ကနေ တစ်မြို့လုံးကို လှမ်းမြင်ရပါတယ်။ ဒေါဂျီနန်းတော်ကြီးနဲ့ စိန့်မက်ခ်ဘုရားရှိခိုးကျောင်း ကြီးရဲ့ ဗိသုကာလက်ရာတွေကလည်း အံ့မခန်းဖွယ်ရာပါ။


ကမ္ဘာလှည့်ခရီးသည်တွေ တစ်နှစ်ကို ၁၅ သန်းကျော်လာပေမဲ့ မြို့နေလူဦးရေ ကတော့ နှစ်ပေါင်း ၅၀ အတွင်း ၁ သိန်း ၂ သောင်းကနေ ၆ သောင်းအထိ လျော့ကျလာ ပါတယ်။ ၂၀၃၀ ခုနှစ်လောက်ကျရင်တော့ ဒေသခံတွေမရှိသလောက် နည်းသွားပြီး ခရီးသည်တွေနဲ့ ခရီးသွားလုပ်ငန်းတွေပဲရှိတဲ့မြို့ဖြစ်လာမယ်လို့ ခန့်မှန်းထားကြပါတယ်။ ဒေသခံတွေ ဗင်းနစ်မြို့ကို စွန့်ခွာရတဲ့ အကြောင်းတွေကတော့ ရှေးဟောင်းအဆောက် အအုံတွေ ထိန်းသိမ်းရာမှာအကုန်အကျများခြင်း၊ ကမ္ဘာလှည့်ခရီးသည်တွေ အလွန် များခြင်းအပြင် မြို့ရေကြီးခြင်းကြောင့်လည်း ပါပါတယ်။ တစ်နှစ်ကို ၄ ကြိမ်ပင်လယ် ရေက ပုံမှန်ထက်ပိုမြင့်တက်လေ့ရှိပြီး အဲဒီအချိန်ကျရင် တစ်မြို့လုံးနီးပါး လမ်းတွေ ပေါ်ရေလျှံတတ်ပါတယ်။ ဒါ့အပြင် ပင်လယ်ရေမြင့်တက်လာမှုကြောင့် ဗင်းနစ်မြို့လေး ဟာ တစ်နှစ်ကို ၂ မီလီမီတာ ပင်လယ်ရေအောက် နိမ့်ဝင်နေပါသတဲ့။ ကာကွယ်ထိန်း သိမ်းမှုတွေသာမလုပ်ဘူးဆိုလျှင်ဖြင့် နောင်နှစ်ပေါင်းများစွာကြာလာတဲ့အခါ ဗင်းနစ်မြို့ လေး ရေအောက် ရောက်သွားမယ့်ကိန်းပါ။ ယခုအခါမှာ ရေလွှမ်းမိုးမှုဒဏ်မခံရအောင် ကြံဆလုပ်ဆောင် နေကြပြီဖြစ်လို့ ဗင်းနစ်မြို့ရဲ့ အနာဂတ်လေး သာယာလှပပါစေလို့ ဆုတောင်းလိုက်ရပါတယ်။

19-5-17Venice

 

ကမ္ဘာ့နိုင်ငံပေါင်း ၁၉၆ နိုင်ငံရှိတဲ့အနက် နယ်မြေဧရိယာအားဖြင့် အကြီးဆုံးနိုင်ငံ က ရုရှားနိုင်ငံဖြစ်ပြီး အသေးဆုံးကတော့ အီတလီနိုင်ငံ၊ ရောမမြို့ထဲရှိ ပုပ်ရဟန်း မင်းကြီးနေထိုင်တဲ့ ဗာတီကန်စီးတီး (Vatican City) နိုင်ငံလေးပဲဖြစ်ပါတယ်။ ဒုတိယ အသေးဆုံးနိုင်ငံကတော့ မိုနာကို(Monaco)နိုင်ငံဖြစ်ပြီး သူလည်းပဲ ဥရောပနိုင်ငံတစ်ခု ဖြစ်ပါတယ်။ ဥရောပအရှေ့တောင်ဘက်ရှိ French Riviera လို့ခေါ်တဲ့ ပြင်သစ်ကမ်းရိုး တန်းမှာရှိပြီး အရှေ့ဘက်မှာမြေထဲပင်လယ်နဲ့ ကျန်သုံးဖက်မှာ ပြင်သစ်နိုင်ငံကဝန်းရံ ထားတဲ့ ကမ်းခြေနိုင်ငံလေးပါ။ အရှေ့ဘက် ၅ မိုင်လောက်အကွာမှာ ပြင်သစ်အီတလီ နယ်စပ်ရှိလို့ အီတလီနိုင်ငံနဲ့လည်းနီးပါတယ်။ 

မိုနာကိုနိုင်ငံလေးက ဘယ်လောက်များသေးလဲဆိုရင် အကျယ်အဝန်းစုစုပေါင်း စတု ရန်းမိုင် ၁ ဒသမ ၂၄ သာရှိပြီး မြို့သေးလေးတစ်မြို့စာလောက်ပဲရှိတာပါ။ နိုင်ငံ တစ်ဖက် ကနေတစ်ဖက်ကို အရှေ့နဲ့အနောက်တည့်တည့် လမ်းလျှောက်မယ်ဆိုရင် တစ်နာရီပဲ ကြာလောက်တဲ့အထိ နိုင်ငံလေးကသေးငယ်ပါတယ်။ နိုင်ငံသေးတော့ လေယာဉ်ကွင်း တို့ ဘူတာရုံတို့မရှိပါဘူး။ မိုနာကိုကိုသွားမယ်ဆိုရင် အနောက်ဘက် ၁၂ မိုင်ကျော် အကွာရှိ ပြင်သစ်အပန်းဖြေကမ်းခြေမြို့ နိစ်(Nice)ကနေတစ်ဆင့်ခံသွားရမှာပါ။
နိုင်ငံကသေးငယ်ပေမဲ့ အချမ်းသာဆုံးနိုင်ငံထဲမှာပါတယ်။ လူဦးရေရဲ့ ၃၀ ရာခိုင် နှုန်းက သန်းကြွယ်သူဌေးတွေပါ။ အလုပ်လက်မဲ့ဦးရေက သုညလို့ သိရပါတယ်။ ကိုယ် ပိုင်ရွက်လှေတွေဆို ဆိပ်ကမ်းမှာအပြည့်။ ဟယ်လီကော်ပတာဆင်းဖို့ကွင်းတွေလည်း ရှိပါတယ်။ မိုနာကိုဟာကမ္ဘာ့လူဦးရေ အထူထပ်ဆုံးနိုင်ငံလည်းဖြစ်ပါတယ်။ နိုင်ငံက သေးတော့ လူဦးရေ ၃၈၀၀၀ ကျော်ပဲရှိတာတောင် အကျယ်အဝန်းနဲ့ယှဉ်လိုက်တဲ့အခါမှာ လူဦးရေထူထပ်သွားတာပါ။ လူဦးရေ ၄ သောင်းနီးပါးမှာ ၅ ပုံ ၁ ပုံကသာ ဒေသခံတွေဖြစ် ပြီး ကျန် ၄ ပုံက နိုင်ငံသားခံယူထားတဲ့ ပြည်ပက လာနေထိုင်သူတွေပါ။ လူဦးရေ နည်းပေမဲ့ ခရီးသွားဧည့်သည်ပေါင်း တစ်နှစ်ကို ၁ ဒသမ ၅ သန်းလာရောက်လည်ပတ်ကြပါ တယ်။ အဲဒီတော့ အဓိကစီးပွားရေးက ခရီးသွားလုပ်ငန်းပေါ့။ ဘဏ်လုပ်ငန်းနဲ့ ကာစီ နိုဝိုင်းတွေကလည်း ဝင်ငွေအများဆုံးရပါတယ်။ နှစ်ပေါင်း ၁၅၄ နှစ်သက်တမ်းရှိ Monte Carlo (မွန်တီကာလို)ကာစီနိုရုံက မိုနာကိုနိုင်ငံရဲ့ Landmark တစ်ခုပါ။ James Bond ဇာတ်ကား ၃ ကားတောင်လာရိုက်ခဲ့ရပါတယ်။ ဒါပေမဲ့ နိုင်ငံသားတွေကိုတော့ ကာစီနိုရုံထဲဝင်ကစားခွင့်မပေးပါဘူး။ နောက်ပြီး မိုနာကို Formula F 1ကားမောင်းပြိုင်ပွဲ Grand Prix ကျင်းပရာနေရာအဖြစ်လည်းနာမည်ကြီးပါသေးတယ်။ မိုနာကိုရဲ့ လမ်းကျဉ်းကျဉ်းလေးတွေ၊ ကမ်းခြေလမ်းတွေ၊ ဥမင်လှိုဏ် ခေါင်းတွေ ဖြတ်မောင်းရတဲ့ ဒီကားပြိုင်ပွဲကို ကမ္ဘာအနှံ့ကပရိသတ်တွေ လာရောက်အား ပေးကြလေ့ရှိပါတယ်။ တချို့လမ်းတွေမှာ ပြိုင်ကားမောင်းလို့ရအောင်လမ်းဘေးမှာ သံဗန်းတွေကာ ထားပေးတာတွေ့ရပါတယ်။


မိုနာကိုနိုင်ငံဟာ တော်ဝင်မိသားစုအုပ်ချုပ်ဆဲနိုင်ငံဖြစ်လို့ တော်ဝင်မိသားစုတွေ နေထိုင်နေဆဲ နန်းတော်တွေလည်းတွေ့ခဲ့ရပါတယ်။ မိုနာကိုနိုင်ငံက ရှေးခေတ်က ဩဇာကြီးခဲ့တဲ့ ဂျီနိုယာသမ္မတနိုင်ငံကနေ ၁၂၄၇ ခုနှစ်မှာ လွတ်လပ်ရေးရပြီး နိုင်ငံ တစ်ခုအဖြစ်ခွဲထွက်လာခဲ့တာပါ။ ဖွဲ့စည်းပုံအခြေခံဥပဒေနဲ့ညီတဲ့ မင်းသားအုပ်ချုပ်ခံနိုင်ငံဖြစ်ပြီး ဥရောပမှာရှေးအကျဆုံး Ruling House ဖြစ်တဲ့ ဂရီမယ်လ်ဒီ(Grimaldi)မိသားစုမျိုးဆက်ကနေ အုပ်ချုပ်နေတဲ့နိုင်ငံဖြစ်ပါတယ်။ ၂၀၀၂ ခုနှစ်မတိုင်ခင်ကတော့ ဂရီမယ်လ်ဒီမျိုးဆက်ကနေ အမွေဆက်ခံမယ့်သူမရှိတော့ပါက ပြင်သစ်နိုင်ငံရဲ့ ထိန်း ချုပ်မှုအောက်ရောက်သွားမယ်လို့ သိထားကြပါတယ်။ ဒါပေမယ့် ၂၀၀၂ ခုနှစ်ကချုပ်ဆို ခဲ့တဲ့ ပြင်သစ်-မိုနာကိုသဘောတူစာချုပ်အရ အမွေဆက်ခံမယ့်သူမရှိတော့ရင်လည်း မိုနာကိုဟာ လွတ်လပ်တဲ့နိုင်ငံအဖြစ် ဆက်ရှိနေဦးမှာပါ။


အင်္ဂလန်နိုင်ငံကို တော်ဝင်မင်းသမီးဒိုင်ယာနာနဲ့တွဲသိကြသလို မိုနာကိုနိုင်ငံကို တော့ တော်ဝင်မင်းသမီးဂရေ့စ်ကယ်လီနဲ့တွဲသိကြပါတယ်။ ချောမောလှပလွန်းတဲ့ အမေရိကန်ရုပ်ရှင်မင်းသမီးဂရေ့စ်ကယ်လီဟာ မိုနာကိုနိုင်ငံမှာ ရုပ်ရှင်သွားရိုက်ရင်း ထိုစဉ်က မိုနာကိုတော်ဝင်မင်းသား ရိန်နီယာ III နဲ့ဖူးစာဆုံကာ ၁၉၅၆ ခုနှစ်မှာ ထိမ်း မြားလက်ထပ်ခဲ့ပြီး ရုပ်ရှင်မင်းသမီးဘဝကနေ တော်ဝင်မင်းသမီးဘဝကိုရောက်ရှိခဲ့ပါတယ်။ ကလေး ၃ ယောက်ဖွားမြင်ခဲ့ပြီး ဒုတိယသားဖြစ်တဲ့ တော်ဝင်မင်းသား အဲလ်ဘတ် II ဟာ အခုလက်ရှိ မိုနာကိုနိုင်ငံကို အုပ်ချုပ်နေသူပဲဖြစ်ပါတယ်။ လူအများ အားကျရခဲ့ပေမဲ့ မင်းသမီးဒိုင်ယာနာလိုပဲ မင်းသမီးဂရေ့စ်ကယ်လီရဲ့ဇာတ်သိမ်းက မလှပခဲ့ပါဘူး။ ၁၉၈၂ ခုနှစ်က ကားအက်ဆီးဒင့်နဲ့ ဆုံးပါးသွားခဲ့ရတာကြောင့်ပါ။


မိုနာကိုနိုင်ငံဟာ အကျယ်အဝန်းအားဖြင့်သေးငယ်ပေမဲ့ အတုယူစရာကောင်းပါ တယ်။ လူသားဖွံ့ဖြိုးမှုညွှန်းကိန်း ၁ အထက်မှာရှိတဲ့ တစ်ခုတည်းသောနိုင်ငံပါတဲ့။ အချမ်း သာဆုံးနိုင်ငံတွေထဲကတစ်ခုဖြစ်ပြီး ကမ္ဘာပေါ်မှာ ရာဇဝတ်မှုအနည်းဆုံး၊ မျှော်မှန်းလူ့ သက်တမ်းအမြင့်ဆုံးနိုင်ငံလည်းဖြစ်ပါတယ်။ စိတ်ဝင်စားစရာတွေနဲ့ပြည့်နှက်နေလို့ ဥရောပ ရောက်ရင်သွားလည်သင့်တဲ့ နိုင်ငံလေးတစ်ခုပဲဖြစ်ပါတယ်။

 13-5-17monaco

ထိုင်းနိုင်ငံ၊ ချင်းမိုင်မြို့မှ ချင်းရိုင်မြို့သို့ စာရေးသူသွားရောက်လေ့လာခဲ့၍ နေ့ လယ်ပိုင်းတွင် ချင်းရိုင်မှ တစ်နာရီခန့်ကားဖြင့်သွားခဲ့ပြီးနောက် မြန်မာ၊ ထိုင်းနှင့်လာအို နိုင်ငံတို့ဆုံရာ ကမ္ဘာကျော်ရွှေတြိဂံနယ်မြေသို့ ရောက်ခဲ့ပါသည်။ ရွှေတြိဂံနယ်မြေ၏ သုံးနိုင်ငံဆုံရာ ချင်းရိုင်ပြည်နယ် Sop Ruak ဒေသသို့ ကားဖြင့်သွားလျှင် Chiang Saen ရှေးဟောင်း မြို့မှ ၁၅ မိနစ်နှင့် မြန်မာနိုင်ငံ တာချီလိတ်တစ်ဖက်ကမ်းရှိ မယ်ဆိုင် မြို့မှလည်း ၄၅ မိနစ်အကြာတွင် ရောက်ပါသည်။ တရုတ်ပြည်မှ စတင်စီးဆင်းလာသည့် မဲခေါင်မြစ်ကြီးနှင့် Ruak မြစ်တို့ဆုံရာတွင် သုံးနိုင်ငံဆက်စပ်နေ၍ မဲခေါင်မြစ်၏အရှေ့ ဘက်တွင် လာအို၊ မဲခေါင်မြစ်၏အနောက်ဘက် Ruak မြစ်၏မြောက်ဘက်တွင် မြန်မာ နှင့် မဲခေါင်မြစ်၏အနောက်ဘက် Ruak မြစ်၏တောင်ဘက်တွင် ထိုင်းနိုင်ငံတို့တည်ရှိ သည်။ ထိုင်းနိုင်ငံဘက်ခြမ်းတွင် Golden Triangle မုခ်ဦးများ၊ မြေပုံများ၊ အထိမ်း အမှတ်ကျောက်တိုင်များ၊ ပြခန်းများဖြင့် စနစ်တကျပြသထား၍ အမှတ်တရဓာတ်ပုံရိုက်ကူး နေကြသည့် ကမ္ဘာလှည့်ခရီးသည်များဖြင့် စည်ကားနေသည်ကိုလည်းမြင်တွေ့ရပါသည်။
ယခင်က ကမ္ဘာပေါ်တွင် အဓိကဘိန်းစိုက်ပျိုးထုတ်လုပ်ရာ ဒေသများအဖြစ် အာဖဂန်နစ္စတန်၊ အီရန်၊ ပါကစ္စတန်တို့ပါဝင်သည့် ရွှေလခြမ်း(Golden Crescent) နယ် မြေ(အဓိကအားဖြင့် အာဖဂန်နစ္စတန်နိုင်ငံ)နှင့် မြန်မာ၊ ထိုင်း၊ လာအိုတို့ဆုံရာ ရွှေတြိဂံ (Golden Triangle)နယ်မြေတို့ ကျော်ကြားခဲ့သည်။ ယခုအခါတွင်မူ တောတောင် ထူထပ်၍ ၃၆၇၀၀၀ စတုရန်းမိုင်ကျယ်ဝန်းသည့် ရွှေတြိဂံနယ်မြေကြီး၌ ဘိန်းစိုက်ပျိုး ထုတ်လုပ်မှုလျော့နည်းသွားပြီး အခြားသီးနှံစိုက်ပျိုးရေးလုပ်ငန်းများနှင့် ကူးသန်းရောင်း ဝယ်ရေး၊ အပန်းဖြေရေးလုပ်ငန်းများထွန်းကားလာပြီး အဓိကအားဖြင့် ခရီးသွားလုပ်ငန်း များ အထူးဖွံ့ဖြိုးလျက်ရှိသည်။
မဲခေါင်မြစ်အတွင်း စက်လှေဖြင့် ကမ္ဘာလှည့်ခရီသည်များအား လိုက်လံပြသရာ ရှေးဦးစွာ ထိုင်းနိုင်ငံ ဘက်ဆိပ်ကမ်းအနီးတွင် ဧရာမလှေကြီးပုံစံပေါ်၌ တည်ထားသော ရွှေရောင်ဝင်းနေသည့် ထိုင်တော်မူ ရုပ်ပွားတော်ကြီးကို ကြည်ညိုဖွယ်ရာလှမ်းမျှော်ဖူးတွေ့ခဲ့ရပါသည်။ ထို့နောက် မြစ်၏မြောက်ဘက်ကို ဆန်တက်ရာ အနောက်ဘက်တွင် လူသူနေထိုင်ခြင်းမရှိသည့် မြန်မာပိုင်ကျွန်းငယ်ကို တွေ့မြင် ေကျော်ဖြတ်ခဲ့ပြီးနောက် မြန်မာဘက်ခြမ်းရှိ Paradise Resort အပန်းဖြေ အဆောက်အအုံကို ခမ်းနားစွာ တွေ့မြင်ရ၍ ယင်း၌ ထိုင်းနိုင်ငံမှ လာရောက်ကာ Casino လုပ်ငန်း ဖွင့်လှစ်ထား၍ ထိုင်းနိုင်ငံမှ ဧည့်သည်များ သွားရောက်ကြကြောင်း သိရပါသည်။ ယင်းနောက် စက်လှေ ကိုပြန်ကွေ့ပြီး မြစ်ကြောင်း အတိုင်းစုန်ဆင်းရာ အရှေ့ဘက်ခြမ်း လာအိုနိုင်ငံတွင် တရုတ် နိုင်ငံမှ လာရောက်၍ အထူးစီးပွားရေးဇုန် ဖွင့်လှစ်ကာ လုပ်ငန်းများဆောင်ရွက် နေသည်ကို တွေ့မြင်ရပါသည်။ ထိုင်းဆိပ်ကမ်းနေရာ ကိုကျော်ဖြတ်ခဲ့ပြီးနောက် မြစ်အောက်ဘက်ရှိ လာအိုနိုင်ငံပိုင် Don Sao ကျွန်းငယ်ပေါ်သို့ တက်ရောက် ေလေ့လာခွင့် ရရှိခဲ့ပါသည်။ ထိုကျွန်းပေါ်တွင် ခရီးသွားဧည့်သည်များအတွက် ဖွင့်လှစ်ထားသည့် ဈေးဆိုင် အများအပြားတွေ့မြင်ရ၍ မြန်မာနိုင်ငံမှ လာရောက်လုပ်ကိုင်နေသူအချို့ကို လည်း မြင်တွေ့ခဲ့ရပါသည်။ ယင်းနောက် ထိုင်းနိုင်ငံဘက်ခြမ်းကို ပြန်လာခဲ့ပြီး အစီအစဉ် အရ ထိုင်း-မြန်မာနယ်စပ်ရှိ မယ်ဆိုင်မြို့ကို ဝင်ရောက်ခဲ့ပါသည်။ ယခင်က တာချီလိတ် မြို့မှတစ်ဆင့် မယ်ဆိုင်မြို့သို့ ရောက်ခဲ့ဖူးသော်လည်း ယခုအကြိမ်၌မူ မယ်ဆိုင်မြို့ရှိ နယ်စပ်ချောင်းကူးတံတားထိပ်နေရာမှ အခြားကမ္ဘာလှည့်ခရီးသည်များ နှင့်အတူ မြန်မာ နိုင်ငံဘက်ကို လှမ်းမျှော်ကြည့်ရင်း မိတ်ဆွေများကို အမိနိုင်ငံအား ညွှန်ပြခဲ့မိပါသည်။ အချိန်မရသဖြင့် နယ်စပ်ဂိတ်များကိုဖြတ်ကျော်ပြီး တာချီလိတ်မြို့သို့ ဝင်ရောက်နိုင်ခဲ့ ခြင်းမရှိပါ။ မည်သို့ပင်ဆိုစေကာမူ မြန်မာနိုင်ငံမှ ဒေသထွက်ကုန်ပစ္စည်းများဖြင့် မယ်ဆိုင် မြို့ရှိ ဈေးဆိုင်ကြီးများမှာ ယခင်အတိုင်းစည်ကားလျက်ရှိသကဲ့သို့ ချင်းရိုင်၊ မယ်ဆိုင်နှင့် ရွှေ ကြိဂံနယ် မြေ၌လည်း ကမ္ဘာလှည့်ခရီးသွားလုပ်ငန်းများ လွန်စွာထွန်းကားအောင်မြင်လျက် ရှိသည်ကို ထင်ထင်ရှား ရှားမြင်တွေ့သိရှိခဲ့ရပါတော့သည်။

4-5-17goldtraingle

ကမ္ဘာ့အမြင့်ဆုံးတောင်ထိပ်များရှိရာ အရပ်ဟုဆိုလိုက်သည်နှင့် ဟိမဝန္တာတောင် တန်းများတည်ရှိရာ နီပေါနိုင်ငံကို မြင်ယောင်ကြမိမှာပါ။ ကမ္ဘာ့အမြင့်ဆုံးတောင် (သို့ မဟုတ်) အမြင့် ပေ ၈၈၄၈ မီတာ (၂၉၀၂၈ ပေ)ရှိသည့် ဧ၀ရက်တောင်အပြင် ကမ္ဘာ့ အမြင့်ဆုံးတောင် ၁၀ လုံးအနက် ရှစ်လုံးမှာ နီပေါနိုင်ငံတွင်တည်ရှိပါသည်။ နီပေါနိုင်ငံ သည် တောင်အာရှတွင်တည်ရှိပြီး အိန္ဒိယနိုင်ငံ၊ တရုတ်ပြည်သူ့သမ္မတနိုင်ငံတို့နှင့် နယ်နိမိတ်ထိစပ်နေသော ကုန်းတွင်းပိတ်နိုင်ငံဖြစ်သည်။ လူဦးရေ ၂၆ ဒသမ ၄ သန်း ခန့် နေထိုင်လျက်ရှိ၍ ရေခဲများလွှမ်းနေသည့်တောင်တန်းများဖြင့် အေးချမ်းသာယာ လှပသော နိုင်ငံဖြစ်ပါသည်။
ယခုအခါ နီပေါနိုင်ငံ၏မြို့တော် ခတ္တမန္တူနှင့် ရန်ကုန်သို့ အပတ်စဉ်သောကြာနေ့ တိုင်း Himalaya Airlines ဖြင့် တိုက်ရိုက်လေကြောင်းလိုင်းပြေးဆွဲလျက်ရှိရာသွား လာရေးများစွာလွယ်ကူသွားပါသည်။Himalaya Airlines နှင့် Nepal Tourism Board တို့၏ဖိတ်ကြားချက်အရ Himalaya Airlines ၏ ရန်ကုန် GSA လက်မှတ် အရောင်းကိုယ်စားလှယ်ဖြစ်သော UA Ticketing ဦးဆောင်သည့် မြန်မာမီဒီယာနှင့် အွန်လိုင်း Travel Blogger များအဖွဲ့သည် နီပေါနိုင်ငံသို့ မတ်လ ၁၇ ရက်မှ မတ်လ ၂၄ ရက်ထိ တစ်ပတ်လေ့လာရေးခရီးသွားရောက်ခဲ့ကြသည်။
နီပေါနိုင်ငံ၏မြို့တော် ခတ္တမန္တူတွင် လူဦးရေ ၁ ဒသမ ၄ သန်းနေထိုင်လျက်ရှိပြီး ခတ္တမန္တူချိုင့်ဝှမ်း၌မူ လူပေါင်း ၅ သန်းကျော်နေထိုင်သည်။ ပင်လယ်ရေမျက်နှာပြင် အထက် ပေ ၄၆၀၀ အမြင့်တွင်တည်ရှိသော ခတ္တမန္တူမြို့တွင် ဘာသာရေးဆိုင်ရာ အ ဆောက်အအုံများ၊ ရှေးယဉ်ကျေးမှုအမွေအနှစ်များ၊ ရာဇဝင်သမိုင်းများနှင့် ပြည့်နေ သည်။ နီပေါနိုင်ငံတွင် ဟိန္ဒူဘာသာကို အဓိကကိုးကွယ်ပြီး ကိုးကွယ်သူ ပေါင်းမှာ ၈၁ ဒသမ ၃ ရာခိုင်နှုန်းရှိရာ ဒုတိယကိုးကွယ်သည့်ဘာသာမှာ ဗုဒ္ဓဘာသာဖြစ်သည်။ တရုတ် နိုင်ငံတိဘက်ဒေသနှင့် နယ်နိမိတ်ချင်းထိစပ်နေသောကြောင့် ဗုဒ္ဓဘာသာဝင်များ လည်း နေထိုင်ကြသည်။ ခတ္တမန္တူမြို့တွင်တည်ရှိသော ကမ္ဘာ့အကြီးဆုံးဗုဒ္ဓပုထိုးတော် များ၌ တစ်ဆူဖြစ်သော ဗုဒ္ဓနတ်(Budhanath)စေတီဝင်းတွင် တိဘက်များအနေများ သောကြောင့် ထိုနေရာကို Little Tibet ဟုလည်း ခေါ်ဝေါ်ကြသည်။ ဗုဒ္ဓနတ်စေတီကို ၁၉၇၉ ခုနှစ်တွင် UNESCO က ကမ္ဘာ့အမွေအနှစ်နေရာအဖြစ် အသိအမှတ် ပြုခဲ့သည်။ ဗုဒ္ဓနတ်နှင့်အတူ ဆွေယံဘူနတ်(Swayambhunath)ကို UNESCO World Heritage Site အဖြစ် အသိအမှတ်ပြုခံရသည်။ ဆွေယံဘူနတ်ဘုရားကျောင်းသည် လည်း တိဘက်တွင်တည်ရှိသော ဗုဒ္ဓဘာသာစေတီများပုံစံနှင့်ဆင်တူပြီး တောင်ကုန်း ပေါ်တွင်တည်ရှိရာ ခန္တမတ္တူတစ်မြို့လုံးကို တောင်ပေါ်မှကြည့်ရှုနိုင်သည်။ အရှေ့ဘက် မှတက်လျှင် လှေကားပေါင်း ၃၆၅ ဆင့်ကိုတက်ရမှာဖြစ်ပြီး တောင်ဘက်မှဆိုလျှင် ကား ဖြင့် တောင်ထိပ်တက်၍ရမည်ဖြစ်သည်။ သဘာ၀အတိုင်း မပြုပြင်ဘဲထားသောကြောင့် မျောက်များ နေထိုင်လျက်ရှိပြီး Monkey Temple ဟုလည်း ခေါ်ဝေါ်ကြသည်။ ခတ္တမန္တူရောက် လျှင်မသွားမဖြစ်သွားသည့်နေရာမှာ ပရှူးပသိနတ်(Pashupatinath) ဘုရားကျောင်းပင်ဖြစ်သည်။ ထိုဘုရားကျောင်းမှာ ဟိန္ဒူဘာသာဝင်တိုင်း ဘ၀မှာ တစ်ကြိမ်ရောက်သင့်သည့် ဟိန္ဒူဘာသာဝင်များအထွတ်အမြတ်ထားရာနေရာဖြစ် သည်။ ဟိန္ဒူဘာသာဝင်များ သေဆုံးသည့်အခါ အလောင်းများကို ထိုဘုရားကျောင်းဘေး က ဘက်မာတီ(Bagmati)မြစ်ကမ်းတွင် မီးသင်္ဂြိုလ်လေ့ရှိပြီး ပြာများကို မြစ်ထဲမျှောချ လေ့ရှိသည်။ ထို့ပြင် ခတ္တမန္တူချိုင့်ဝှမ်းမြို့များတွင် ရင်ပြင်(Durbur Square)များရှိကြ သည်။ စာရေးသူတို့အဖွဲ့သည် Kathmandu Durbur Square နှင့် ခတ္တမန္တူမှ တစ် နာရီခွဲလောက် မောင်းရသည့် Bhaktapur Durbur Square သို့ သွားရောက်လေ့လာခဲ့ သည်။ Kathmandu Durbur Squareတွင် တစ်ခါတစ်ရံကုမ္မာရီနှုတ်ဆက်သည် ကိုလည်း တွေ့မြင်နိုင်သည်။ ကုမ္မာရီဆိုသည်မှာ ရွေးချယ်၍ အလေးအမြတ်ထားကြသည့် သက်ရှိထင်ရှား နတ်ဘုရားမဖြစ်သည်။  နီပေါနိုင်ငံတွင်မြို့တော်ပြီးလျှင် ဒုတိယအသွားများဆုံးမြို့မှာ အနာပူနာတောင် တန်းများဝန်းရံနေသည့် ပိုခါရာ(Pokhara)မြို့ဖြစ်သည်။ ပိုခါရာမြို့တွင် နာမည်ကြီး တောင်တက်ပြတိုက် International Mountain Museun? Davis Fall၊ Dလေငျ Fall ရေတံခွန်၊ နေထွက်ချိန်ကြည့်ရာ ဆာရန်ကော့တောင်(Sarangkot)၊ Phewa ရေကန်နှင့် အခြား လည်ပတ်စရာများစွာရှိပါတယ်။ ပိုခါရာမြို့သည် စိတ်လှုပ်ရှားဖွယ်ကောင်းသော Adventure မြို့ဖြစ်သည်။ Trekking နှင့် Hiking တို့လုပ်နိုင်သည်သာမက ရေခဲ တောင်တွေဆီအနီးကပ်ကြည့်၍ရသည့် Mountain Flight? Ultra Flight တို့ လည်းစီးလို့ရသည်။ ထိုမျှမက လေပေါ်တွင် ပျံဝဲကာလေဟုန်စီးနိုင်သော ဏမေaglငိငညါ လည်းလုပ်နိုင်သည်။ 

ဂေါတမမြတ်စွာဘုရားဖွားမြင်ရာ လုမ္ဗနီဥယျာဉ်သည်လည်း နီပေါနိုင်ငံ၏ အ နောက်တောင်ဘက်အခြမ်းတွင်တည်ရှိသည်။ လုမ္ဗနီဥယျာဉ်တွင် မြတ်စွာဘုရားမွေးဖွား ရာနေရာ၊ အင်ကြင်းပင်၊ မယ်တော်မာယာမီးဖွားခါနီး ကိုယ်လက်သန့်စင်ရာ၊ မီးဖွားပြီး သိဒ္ဓတ္ထမင်းသားကို ဆေးကြောရာ ရေအိုင်၊ အသောကမင်းကြီးတည်ထားခဲ့သည့် ကျောက်စာတိုင်၊ မြန်မာဘုန်းကြီးကျောင်းနှင့် အခြားနိုင်ငံများ၏ဘုန်းကြီးကျောင်းများ လည်းတည်ရှိသည်။ မြန်မာနိုင်ငံမှ ဘုရာဖူးများသည် အိန္ဒိယနိုင်ငံ၊ ဗုဒ္ဓဂယာမှတစ်ဆင့် ကားလမ်းဖြင့် နီပေါနိုင်ငံ၏ လုမ္ဗနီဥယျာဉ်သို့ သွားရောက်လည်ပတ်လေ့ရှိသည်။
ခန္တမတ္တူမြို့မှ နှစ်နာရီဝန်းကျင်မောင်းလျှင်ရောက်သော ချန်ဒရာဂီရိတောင်၏ တောင်ထိပ်သည်လည်း တောတောင်ရှုခင်းကြည့်ရန်ကောင်းသောနေရာဖြစ်သည်။ တောင်ထိပ်သို့ ကြိုးဆွဲရထား(Cable Car)ဖြင့်တက်ရပြီး ထိုကြိုးဆွဲရထားကို ၂၀၁၆ ခုနှစ်တွင်ဖွင့်လှစ်ခဲ့သည်။ နောက်ထပ်နေဝင်နေထွက်ကြည့်၍လှသော တောင်ပေါ် အပန်းဖြေမြို့လေးသည် နာဂါကော့မြို့ဖြစ်ပြီး မြို့တော်မှ တစ်နာရီကားမောင်းလျှင် ရောက်သည်။ ချစ်ဝန်ဆိုသည့်မြို့တွင်လည်း တောရိုင်းတိရစ္ဆာန်တွေကို ဘေးမဲ့ထိန်း သိမ်းထားသည့် Chitwon National Park  ရှိသည်။ နီပေါနိုင်ငံသည် စီးပွားရေးအရ ဖွံ့ဖြိုးတိုးတက်ရန်လိုအပ်သေးသော်လည်း ရေမြေတောတောင်သဘာ၀တရားများဖြင့် လွန်စွာသာယာလှပသည့်နိုင်ငံပင်ဖြစ်ပါတော့သည်။

ယခင်တစ်ပတ်မှ အဆက်
ရှန်းကျန့်မြို့၌ ရှန်ဟိုင်းနှင့်စင်ကာပူတို့ပြီးလျှင် ကမ္ဘာ့တတိယအကြီးဆုံးကွန်တိန် နာဆိပ်ကမ်းကြီးလည်းရှိ၍ Shenzhen Stock Exchange သည်လည်း အလွန် ထင်ရှားလှသည်။ မိုးမျှော်တိုက်ကြီးများနှင့် ခေတ်မီအဆင့်မြင့်အဆောက်အအုံအများအပြားဖြင့် ဖွံ့ဖြိုးတိုးတက်နေသည့် ရှန်းကျန့်မြို့၏စီးပွားရေးအဆင့်အတန်းမှာ ဟောင် ကောင်နှင့်တန်းတူဖြစ်နေသဖြင့် ၎င်းကို ''တရုတ်ပြည်မကြီး၏ ဟောင်ကောင်''ဟု လည်း တင်စားခေါ်ဝေါ်လေ့ရှိကြသည်။ ရှန်းကျန့်နှင့်ဟောင်ကောင်မြို့တို့အကြား ဖြတ်သန်းသွားလာနေသည့်ဝင်ပေါက်(Check Point) ၉ ခုရှိ၍ ၆ ခုမှာ ကုန်းမြေချင်း ဆက်စပ်နေပြီး ၃ ခုမှာရေကြောင်းလမ်းမှဖြစ်ကာ နေ့စဉ်ယင်းတို့အကြား ကားစီးရေ ၃၀၀၀၀ ခန့် ဖြတ်သန်းသွားလာလျက်ရှိကြောင်း သိရသည်။ ရှန်းကျန့်မြို့၌ အပြည် ပြည်ဆိုင်ရာ လေဆိပ်ရှိ၍ ၂၀၀၄ ခုနှစ်တွင် မြေအောက်ရထားလမ်းစတင်ဖွင့် လှစ်ခဲ့ရာ ယခုအခါ လိုင်းပေါင်းများစွာပြေးဆွဲလျက်ရှိပြီး တည်ဆောက်ဆဲမြေအောက်ရထား လမ်းများလည်းရှိသည်။ မြို့အနီး၌ စက်ရုံအလုပ်ရုံအများအပြားအပြင် နျူကလီးယားဓာတ်အားပေးစက်ရုံများလည်းရှိရာ တာ့ယာ့ပင်လယ်အော်ရှိ Daya Bay Nuclear Power Station နှစ်ခုသည် ထင်ရှားပါသည်။
မြို့မြောက်ပိုင်းရှိ သာယာလှပသည့် လင်ဟွားရှန် (Lianhuashan)ဥယျာဉ်တွင် ပေ ၅၀၀ နီးပါးမြင့်သည့် တောင်ကုန်းငယ်လေးရှိပြီး ယင်း၏ထိပ် ၌ ရှန်းကျန့်မြို့အပါအ ဝင် တရုတ်တစ်နိုင်ငံလုံးစီးပွားရေးဖွံ့ဖြိုးတိုးတက်မှုများ၏ လမ်းညွှန်ဗိသုကာဖြစ်သည့် ခေါင်းဆောင်ကြီးတိန့်ရှောင်ဖိန်၏ ရုပ်တုကြီးတည်ရှိ၍ ယင်း၏ရှေ့ ၌ အမှတ်တရ ဓာတ် ပုံရိုက်ကူးနေသူအများအပြားကို စာရေးသူမြင်တွေ့ခဲ့ရပါသည်။ ထို့ပြင် မြို့လယ်ရှိ ရှန်း ကျန့်ပြတိုက်၌လည်း တိန့်ရှောင်ဖိန်၏ရုပ်တုနှင့် သူစီးခဲ့သည့်ကားကို ဂုဏ်ယူစွာပြသ ထားသည်ကို တွေ့ရသည်။ ထိုမျှသာမက မြို့လယ်ရှိ Shennan ရိပ်သာ၌လည်း တိန့် ရှောင်ဖိန်၏ဧရာမပိုစတာကြီးနှင့်အတူ ရင်ပြင်တစ်ခုဖန်တီးထားကြောင်းလည်း သိရ သည်။ ရှန်းကျန့်မြို့၌ ကမ္ဘာကျော်ကုန်ပစ္စည်းများ၏ဗဟိုဌာနချုပ်များ (ဥပမာ-Huawei)၊ ပြတိုက်ကြီးများ၊ ကုန်သွယ်မှုလုပ်ငန်းဌာနချုပ်များ၊ အားကစားကွင်းနှင့် ရုံကြီးများ၊ မြန် နှုန်းမြင့်ရထားများပြေးဆွဲရပ်နားလျက်ရှိသည့် အဆင့်မြင့်ဘူတာရုံကြီးများ ရှိသည့် အပြင် ရေအောက်ကမ္ဘာအဏ္ဏဝါပြတိုက်၊ ရုက္ခဗေဒဥယျာဉ်၊ Disney World, Dis-ney Land တို့ကဲ့သို့ Happy Valley အပန်းဖြေဥယျာဉ်စသည့် ကမ္ဘာလှည့်ခရီး သည်များလေ့လာနိုင်သည့် နေရာအများအပြားလည်းရှိပါသည်။ ယင်းတို့အနက် ကမ္ဘာ အနှံ့ရှိ နိုင်ငံအသီးသီး၏ထင်ရှားသည့် အဆောက်အအုံများကို ပုံတူစုစည်းတည် ဆောက်ပြသထားသည့် Windows of World ဥယျာဉ် ကြီးသည် အလွန်ထင်ရှား၍ ယင်းသို့ ပြည်တွင်းပြည်ပခရီးသည် အများအပြားလာရောက်ကြည့်ရှုလေ့ရှိကြသည်။ ထိုနေရာ၌ မြန်မာနိုင်ငံ၏ ထင်ရှားကျော်ကြားလှသည့် ရွှေတိဂုံစေတီတော်ပုံတူကို တည်ဆောက်ပြသထားသည်ကိုလည်း မြင်တွေ့ခဲ့ရပါသည်။ ကျယ်ဝန်းလှသည့် တရုတ် နိုင်ငံအနှံ့ရှိ ပြည်နယ်အသီးသီးမှထင်ရှားသည့် အထိမ်းအမှတ်၊ အဆောက်အအုံ ပုံစံတူများကို စုစည်းတည်ဆောက်ပြသထားသည့် Splendid China အပန်းဖြေ ဥယျာဉ်ကြီးသည်လည်း ရှန်းကျန့်မြို့၏အဓိကလေ့လာစရာနေရာ တစ်ခုဖြစ်သည်။
တံငါရွာလေးမှ နှစ်အနည်းငယ်အတွင်း ကမ္ဘာ့အဆင့်မြင့်စီးပွားရေးမြို့တော်ကြီး တစ်မြို့ဖြစ်လာခဲ့သည့် ရှန်းကျန့်မြို့မှာ ယခုတိုင်စဉ်ဆက်မပြတ်ဖွံ့ဖြိုးတိုးတက်လျက်ရှိရာ ယင်းကို လေး၊ ငါးကြိမ်ခန့်ရောက်ခဲ့ဖူးသော်လည်း စာရေးသူအနေဖြင့် အတုယူ စရာ၊ ကြည့်ရှုလေ့လာစရာများမှာ မကုန်နိုင်လောက်အောင်ပင် ဖြစ်နေရပါတော့သည်။

5-4-17shenzen2

 

More Articles ...