15-12-2017damm

ကမ္ဘာ့အကြီးဆုံး ရေအားလျှပ်စစ်ထုတ်လုပ်ရေးစီမံကိန်းမှာ ကမ္ဘာကျော် မြစ်ကျဉ်း သုံးသွယ်(Three Gorges) ရေအားလျှပ်စစ်စီမံကိန်းဖြစ်၍ တရုတ်နိုင်ငံယန်စီမြစ်ပေါ် တွင်တည်ဆောက်ထားပါသည်။ ကမ္ဘာ့တတိယအရှည်ဆုံးမြစ်ဖြစ်၍ ၃၉၁၅ မိုင်ရှည်သော ယန်စီမြစ်သည် အနောက်မှ အရှေ့သို့ ချုံကင်း၊ ယီချန်၊ ဝူဟန်နှင့် ရှန်ဟိုင်းမြို့တို့ကို ဖြတ်သန်းစီးဆင်းပြီး အရှေ့တရုတ်ပင်လယ်ထဲသို့ စီးဝင်သည်။ ချုံကင်းနှင့် ယီချန်မြို့ အကြား မိုင် ၄၁၀ ရှည်လျားသည့်အပိုင်းတွင် Qutang၊ Wu နှင့် Xiling စသည့် မြစ်ကျဉ်း နေရာသုံးခုရှိ၍ ယင်းတို့အနက် ၄၇ မိုင်ရှည်လျားသည့် ဌငူငညါ မြစ်ကျဉ်းသည် အရှည် ဆုံးနှင့်အကြီးဆုံးဖြစ်၏။ ယီချန်မြို့၏ မြစ်ညာပိုင်း Xiling မြစ်ကျဉ်းအတွင်း၌ ကမ္ဘာ ကျော်မြစ်ကျဉ်းသုံးသွယ် ရေကာတာကြီးတည်ရှိပါသည်။


ဟူဘေးပြည်နယ် ယီချန်မြို့၏ မြစ်ညာဘက် ၂၇ မိုင်အကွာရှိ Sandouping မြို့ငယ်တွင် ယင်းစီမံကိန်းကြီးတည်ရှိ၍ မကြာမီက စာရေးသူတို့အဖွဲ့သွားရောက် လေ့လာခွင့်ရရှိခဲ့ပါသည်။ ယင်းရေကာတာကြီးသည် ၆၀၇ ပေမြင့်၍ ၇၆၆၀ ပေ ရှည် လျားပြီး အမေရိကန်နိုင်ငံမှ ကမ္ဘာကျော် ဟူးဗားရေကာတာကြီးထက် ငါးဆကြီးသဖြင့် ကမ္ဘာ့အကြီးဆုံး ရေအားလျှပ်စစ်ထုတ်လုပ်သည့် ရေကာတာကြီးလည်းဖြစ်သည်။ မြေဆွဲအားသုံး ကွန်ကရစ်ရေကာတာအမျိုးအစားဖြစ်၍ အောက်ခြေတွင် ၃၇၇ ပေကျယ်၍ အပေါ်ဆုံးတွင် ၁၃၁ ပေကျယ်သည်။ ယင်း၏မြစ်အထက်ပိုင်း(မြစ်ညာ)နှင့် မြစ် အောက်ပိုင်းရေအမြင့်မှာ ၃၆၁ ပေခန့်ကွာခြား၍ ၂၀၁၀ ပြည့်နှစ်တွင် အမြင့်ဆုံးစံချိန် အဖြစ် ယင်း၏မြစ်ညာပိုင်းတွင် ၅၇၄ ပေအထိပင် ရေများကိုထိန်းထားနိုင်ခဲ့ကြောင်း သိရသည်။ ၁၉၁၉ ခုနှစ်ခန့်ကပင် စတင်၍တည်ဆောက်ရန် စဉ်းစားခဲ့ကြပြီး ၁၉၉၂ ခုနှစ် တွင် အစိုးရ၏ခွင့်ပြုချက်ရရှိကာ ၁၉၉၄ ခုနှစ်တွင် စတင်ဆောက်လုပ်ခဲ့ကြသည်။ ၂၀၀၆ ခုနှစ်တွင် ရေကာတာကြီး ဆောက်လုပ်ပြီးစီး၍ ၂၀၀၈ ခုနှစ်တွင် ရေအားလျှပ်စစ်စတင် ထုတ်လုပ်နိုင်ခဲ့ပြီး လျှပ်စစ်ထုတ်လုပ်ရေးစက်များအားလုံးမှာ ၂၀၁၂ ခုနှစ်တွင်မှ တပ်ဆင်ပြီးစီးခဲ့သည်။ စုစုပေါင်း အမေရိကန်ဒေါ်လာ ၂၈ ဘီလျံခန့်ကုန်ကျခဲ့သည့် ယင်း စီမံကိန်းတစ်ခုလုံးတွင် ရေကာတာ၊ ရေအားလျှပ်စစ်စက်ရုံများနှင့် တန် ၁၀၀၀၀ အထိ သင်္ဘောများသွားလာရေးအတွက် ရေတံခါးအဆင့်ဆင့်သာမက တန် ၃၀၀၀ ခန့် သင်္ဘော ကြီးများကို မçတင်နိုင်သည့် ဓာတ်လှေကားကြီး(Ship Lifter)လည်း ပါဝင်သည်။ ယင်းရေအားလျှပ်စစ်စက်ရုံများတွင် ၇၀၀ မဂ္ဂါဝပ်ခန့်စီထုတ်လုပ်နိုင်သည့် တာဘိုင် အကြီး ၃၂ လုံးနှင့် စီမံကိန်းလည်ပတ်နိုင်ရန် တာဘိုင်အသေး၂ ခု ရှိသည်။ ထို့ကြောင့် စက်တပ်ဆင်ထုတ်လုပ်နိုင်စွမ်း(Installed Capacity) စုစုပေါင်း ၂၂၅၀၀ မဂ္ဂါဝပ်ရှိ၍ ကမ္ဘာ့အကြီးဆုံး ရေအားလျှပ်စစ်စီမံကိန်းကြီးဖြစ်သည်။ နှစ်စဉ် လျှပ်စစ်ဓာတ်အား ပျမ်းမျှ ၈၈ဘီလျံ kwh (kilowatt per hour) ထုတ်လုပ်နိုင်၍ ၂၀၁၄ ခုနှစ်က ၁၀၀ ဘီလျံ kwh နီးပါးအထိ စံချိန်တင်ထုတ်လုပ်ခဲ့သည်။

15-12-2017dam

မြစ်ညာပိုင်းမှဆင်း၍ မြစ်အောက်ပိုင်းသို့ ဝင်လာသည့် သင်္ဘောအချို့နှင့်အတူ

 


ဧရာမရေကာတာကြီး တည်ဆောက်ခြင်းဖြစ်သဖြင့် ယင်း၏အထက်ပိုင်းရှိ ဒေသခံ ၁ ဒသမ ၂ သန်းခန့်ကို ခေတ်မီအိမ်ရာများဆောက်လုပ်၍ စနစ်တကျပြောင်းရွှေ့ ပေးခဲ့ရသော်လည်း ယင်းစီမံကိန်းတွင် အဓိကအကျိုးကျေးဇူးသုံးရပ် ရရှိခဲ့ကြောင်းသိရ သည်။ ယင်းမှထုတ်လုပ်သည့် ရေအားလျှပ်စစ်ဓာတ်အားများစွာကို တရုတ်နိုင်ငံ၏ အရှေ့ ပိုင်း၊ အလယ်ပိုင်းဒေသများသာမက နိုင်ငံအနှံ့ဖြန့်ဖြူးနိုင်ခဲ့၍ စက်မှုလုပ်ငန်းများ ပိုမို ဖွံ့ဖြိုးတိုးတက်ကာ လူနေမှုအဆင့်အတန်းလည်း ပိုမိုမြင့်တက်လာခဲ့သည်။ ဒုတိယအ ချက်မှာ ယခင်က နှစ်စဉ်ရေလွှမ်းမိုးပြီး ဆယ်နှစ်လျှင်တစ်ကြိမ်ခန့် အကြီးအကျယ်ဒုက္ခ ရောက်စေခဲ့သည့် ယန်စီမြစ်အောက်ပိုင်း ရေလွှမ်းမိုးမှုများကို ကာကွယ်နိုင်ခဲ့ခြင်းဖြစ် သည်။ ၁၉၅၄ ခုနှစ်တွင် ဝူဟန်မြို့တွင် ယန်စီမြစ်၏ ရေလွှမ်းမိုးမှုကြောင့် လူပေါင်း ၃၃၀၀၀ ခန့် သေဆုံးခဲ့ကြရသည်။ ယခုအခါ ရေကာတာအောက်ပိုင်းရှိ ဝူဟန်၊ နန် ကျင်း၊ ရှန်ဟိုင်းတို့အပါအဝင် မြို့ကြီး ၁၃ မြို့၊ မြို့ငယ် ၁၄၀နှင့် ရွာပေါင်း ၁၃၅၀ တို့ ရေလွှမ်းမိုးမှုဒဏ်မှ လွတ်ကင်းနိုင်ခဲ့ကြောင်းသိရသည်။ တတိယအချက်မှာ ယခင်က မိုးရွာသီ၌သာ သင်္ဘောများကောင်းစွာသွားလာနိုင်ခဲ့သည့်အခြေအနေမှ ယခုအခါ မြစ် ညာရှိ ချုံကင်းမြို့မှ မြစ်အောက်ပိုင်း ရှန်ဟိုင်းမြို့အထိ ရာသီမရွေး သင်္ဘောကြီးများသွား လာနိုင်ခဲ့သည်။ ထို့ပြင် ရေကာတာအထက် ရေအိုင်ကြီးတစ်ဝိုက် သာယာလှပသည့် ရှုမျှော်ခင်းများကို နှစ်စဉ်လာရောက်ကြည့်ရှုကြသည့် နိုင်ငံခြားခရီးသည်အများအပြား ရှိလာကြောင်းလည်းသိရသည်။ ဆက်လက်၍ သဘာ၀ပတ်ဝန်းကျင် ထိန်းသိမ်းရေးအ တွက် ယန်စီမြစ်တစ်လျှောက်ရှိ ရှားပါးကုန်းနေရေနေသတ္တဝါများနှင့် သစ်ပင်များကို စနစ်တကျထိန်းသိမ်းမွေးမြူစိုက်ပျိုးထားသည့်နေရာများကိုလည်း စာရေးသူတို့ သွား ရောက်လေ့လာခဲ့ရပါသည်။
တရုတ်နိုင်ငံ၏ နေရာအနှံ့အပြားတွင် မီးရောင်စုံထိန်လင်း၍ စီးပွားရေးဖွံ့ဖြိုးတိုး တက်နေသည်ကိုမြင်တွေ့ခဲ့ရာ ယင်းသို့ဖြစ်ပေါ်စေသည့် အကြောင်းရင်းတစ်ရပ်မှာ ကုန်ဆုံးသွားခြင်းမရှိနိုင်သော ပြန်လည်ပြည့်ဖြိုးမြဲစွမ်းအင်များအနက် လေအားနှင့်နေ အား လျှပ်စစ်ထုတ်လုပ်ခြင်းများထက် ကုန်ကျစရိတ်သက်သာသည့် ရေအားကို ယခု စီမံကိန်းကြီးကဲ့သို့ စနစ်တကျအသုံးချ၍ လျှပ်စစ်ဓာတ်အား ထုတ်လုပ်လျက်ရှိနေခြင်း ပင်ဖြစ်မည်ဟု စာရေးသူသုံးသပ်ခဲ့မိပါတော့သည်။

 

4-12-2017cambodia

နိုင်ငံတစ်နိုင်ငံသွားလည်တဲ့အခါ နိုင်ငံရဲ့ထိပ်ဆုံးကာလ၊ အကောင်းဆုံး၊ အမွန် အမြတ်အထားဆုံးနေရာတွေ သွားလေ့လာကြရတာများပါတယ်။ ဒါပေမဲ့ ကမ္ဘောဒီးယား မှာတော့ သူတို့နိုင်ငံရဲ့ အနိမ့်ကျဆုံးအခြေအနေကိုပါ လေ့လာနိုင်အောင်ပြသထားတာကိုတွေ့ခဲ့ရပါတယ်။ ကျွန်မအနေနဲ့ Cambodia ကိုရောက်တာ နှစ်ခါရှိပါပြီ။ နှစ်ခါလုံး မှာ ဒီအခြေအနေနှစ်မျိုးလုံးကို ကြုံတွေ့ခဲ့ရလို့ သံဝေဂတွေလည်းရခဲ့ပါတယ်။


“Forgive but not Forget” ''ခွင့်လွတ်လိုက်ပါ ဒါပေမဲ့ မမေ့လိုက်ပါနဲ့”တဲ့။ ကိုယ့်အပေါ်စော်ကားပစ်မှားတဲ့သူတွေ၊ မကောင်းကြံခဲ့တဲ့သူတွေကို ခွင့်လွှတ်လိုက်တာက ကိုယ့် ရင်ထဲက အစိုင်အခဲနဲ့ အမုန်းတရားတွေကို ဖြေဖျောက်ပေးပါတယ်။ ဒါပေမဲ့ ဖြစ်ပျက်ခဲ့တဲ့ အဖြစ်အပျက်တွေကိုတော့ မမေ့ပစ်လိုက်သင့်ပါဘူး။ ဒါကြောင့်လည်း နိုင်ငံတကာမှာ ဝမ်းနည်းစရာကောင်းတဲ့အဖြစ်အပျက်တွေကြုံတွေ့ခဲ့ရတဲ့ အောက်မေ့ ဖွယ်နေရာတွေ(Memorial Site))၊ အဆောက်အအုံတွေကို ဖြစ်ပျက်ခဲ့တဲ့အတိုင်း မဖုံးမကွယ်ဘဲ ထားရှိနေခဲ့ကြတာပါ။ ဥပမာပြောရရင် အမေရိကန်ရှိ World Trade Center ကို အကြမ်းဖက်သမားတွေ လေယာဉ်နဲ့ဝင်တိုက်ခဲ့တဲ့ ၉/၁၁ လိုကိစ္စမျိုးမှာ မီး လောင်ပြိုကျခဲ့တဲ့ မူလအဆောက်အအုံကို ပြန်မဆောက်တော့ဘဲ အထိမ်းအမှတ်ရေကန်ကြီး တည်ဆောက်ထားတာမျိုးပေါ့။ ဒီလိုပဲ Cambodia မှာလည်း ခမာနီလက်ထက်က လူသတ်ကွင်းတွေ၊ အကျဉ်းထောင်တွေဖြစ်ခဲ့တဲ့နေရာတွေကို နောင်လာနောက်သား တွေလေ့လာလို့ရအောင် ဖွင့်လှစ်ပြသထားတာကို တွေ့ခဲ့ရပါတယ်။
၁၉၇၅ ကနေ ၁၉၇၉ ခုနှစ်အထိ လေးနှစ်တာကာလဟာ ကမ္ဘောဒီးယားနိုင်ငံသား တွေအတွက် တကယ့်ငရဲလိုပါပဲ။ အာဏာရှင်ပိုပေါ့ခေါင်းဆောင်တဲ့ ခမာနီတွေ အုပ်စိုး တဲ့ကာလမှာ လူတန်းစားအားလုံး တပြေးညီဖြစ်အောင်ဆိုပြီး ချမ်းသာသူတွေ၊ ပညာတတ်တွေ၊ ရာထူးကြီးသူတွေ၊ နိုင်ငံရေးသမားတွေ၊ နိုင်ငံခြားသားတွေနဲ့ သူတို့စကားနား မထောင်သူတွေ အကုန်လုံးကို ညှင်းပန်းနှိပ်စက် သတ်ပစ်ခဲ့ကြတယ်။ လူတွေအကုန် အိုးအိမ်တွေကို စွန့်လွှတ်ပြီး သူတို့သွားခိုင်းရာ အရပ်လေးမျက်နှာကို ကိုယ်စီအဝတ်တစ်ထည် ကိုယ်တစ်ခုနဲ့ နေ့ရက်ပေါင်းများစွာ ခရီးနှင်ခဲ့ရတယ်။ ဒီလိုနဲ့သတ်မှတ်ထားတဲ့ စခန်းတွေရောက်တဲ့အခါ သူတို့ပြောစကားနားထောင်၊ သူတို့ ခိုင်းတာလုပ်၊ ကျွေးတာ စား အဲ့လိုပဲ အလိုက်သင့်နေခဲ့ကြရတာတဲ့လေ။

4-12-2017cambodia1


Killing Field ဆိုတာကတော့ လူသတ်ကွင်းပေါ့။ ခမာနီလက်ထက်မှာ လူဦးရေ ၂သန်းကျော် သေဆုံးခဲ့ရတယ်ဆိုတော့ Cambodia မှာ လူသတ်ကွင်းတွေ အများကြီး ပေါ့။ ကျွန်မတို့သွားလေ့လာခဲ့ရတဲ့ လူသတ်ကွင်းကတော့ ဖနွမ်းပင်မြို့ကနေ ၁ နာရီ လောက်မောင်းရတဲ့ Choueng Ek Killing Field ပဲဖြစ်ပါတယ်။ အဲဒီက ခန့်ထည်တဲ့ အဆောက်အအုံကြီးအလည်က မှန်ဗီရိုကြီးထဲမှာ အရိုးခေါင်းတွေ မျက်စိတစ်ဆုံးပဲ။ ဒီလူသတ်ကွင်းထဲမှာ သတ်ဖြတ်မြှုပ်နှံထားတဲ့ အရိုးခေါင်းပေါင်း ၅၀၀၀ ကျော်တောင် ပြသထားတာ။ ခမာနီတွေကျဆုံးတုန်းက အဲ့ဒီမှာ အလောင်းပေါင်း ၉၀၀၀ နီးပါးတွေ့ခဲ့ရ တယ်တဲ့လေ။ သေဆုံးသွားသူတွေရဲ့ အဝတ်အစားအပိုင်းအစတွေ၊ လူသတ်ရာမှာ အ သုံးပြုခဲ့တဲ့ ဓာတုဆေးမှုန့်တွေထားရှိရာနေရာတွေ၊ လူသေအလောင်းတွေ စုပုံထားတဲ့ နေရာတွေ စသဖြင့် အရာရာတိုင်းက ခြောက်ခြားဖို့ကောင်းလှပါတယ်။
ခမာနီလက်ထက်မှာ ညှင်းပန်းနှိပ်စက်တဲ့စခန်းဖြစ်ခဲ့တဲ့ ဖနွမ်းပင်မြို့ထဲက စာ သင်ကျောင်းကိုတော့ အခုအခါမှာ S21 ပြတိုက်အဖြစ်ပြသထားတယ်။ တစ်ချိန်တုန်းက ကလေးသူငယ်လေးတွေရဲ့ စာအံသံလေးတွေနဲ့ပြည့်နေတဲ့ စာသင်ခန်းတွေက အဲဒီ ကာလမှာတော့ နာကျင်လွန်းလို့ အာခေါင်ခြစ်အော်တဲ့အသံတွေပြည့်ရာ အချုပ်ခန်းတွေ၊ နှိပ်စက်ခန်းတွေအဖြစ် ပြောင်းသွားခဲ့တယ်။ ပျော်ပျော်ပါးပါးဆော့ကစားခဲ့တဲ့ ကျောင်းကစားကွင်းဟာလည်း အခုအခါမှာတော့ အလောင်းတွေမြှုပ်နှံရာ အုတ်ဂူဖြူဖြူတွေ အစီအရီနဲ့လေ။ လူပေါင်း ၁၇၀၀၀ ကျော်ကို Killing Field မှာ မသတ်ခင် ဒီကျောင်း ထဲ ဖမ်းချုပ်နှိပ်စက်တာတဲ့။ နောက်ဆုံးခမာနီတွေ လက်နက်ချလိုက်တဲ့အချိန် အဲဒီ ကျောင်းကိုဝင်စီးတော့ အချုပ်ခန်းပေါင်း ၁၀၀၀ ကျော်မှာ အသက်ရှင်ကျန်ခဲ့တာ ၇ ယောက်ပဲရှိတော့တယ်တဲ့လေ။ ကျောင်းထဲက အချုပ်ခန်းတွေ၊ နှိပ်စက်ထားတဲ့ပုံတွေ၊ သေဆုံးခဲ့တဲ့သူပုံတွေ၊ နှိပ်စက်ခဲ့တဲ့ လက်နက်တွေပတ်ကြည့်ရင်း အတော်ကို စိတ်မ ကောင်းဖြစ်မိပါတယ်။ အဲဒီကျောင်းလို ငရဲခန်း၊ နှိပ်စက်စခန်းတွေ တခြားနေရာတွေမှာရှိ သေးပြီး တချို့ကိုတော့ ကျောင်းအဖြစ် ပြန်ဖွင့်ထားပါတယ်။
အဲဒီအဖြစ်အပျက်တွေပြီးဆုံးခဲ့တာ နှစ်ပေါင်း ၃၈ နှစ်တိုင်ခဲ့ပြီဖြစ်ပေမဲ့ ကမ္ဘော ဒီးယားလူမျိုးတွေရဲ့စိတ်ထဲ မနေ့တစ်နေ့ကလိုပါပဲ။ သူတို့မှာ အခုထိအကြောက်တရား တွေနဲ့ကြီးပြင်းခဲ့ရတယ်။ ကိုယ့်လူမျိုးအချင်းချင်း အစုလိုက်အပြုံလိုက် မျိုးတုန်းသတ်ဖြတ် ခြင်းခံရတဲ့နိုင်ငံ၊ လေးနှစ်တာကာလအတွင်း လူပေါင်း ၂ သန်းကျော် သေဆုံးခဲ့ရတဲ့နိုင်ငံ၊ တစ်နိုင်ငံလုံးအဆင့်အတန်းတူညီအောင် ပညာတတ်လူတန်းစား၊ သူဌေးသူကြွယ်မှန် သမျှ အကုန်ရှင်းပစ်ခံခဲ့ရတဲ့နိုင်ငံစတဲ့ နိမ့်ကျခဲ့တဲ့ အဆိုးဆုံးအခြေအနေတွေကနေရုန်းထွက် နိုင်ခဲ့တဲ့ ကမ္ဘောဒီးယားနိုင်ငံကိုလည်း ချီးကျူးမိပါတယ်။ 

25-11-2017manila

အရှေ့တောင်အာရှနိုင်ငံတစ်နိုင်ငံဖြစ်တဲ့ ဖိလစ်ပိုင်နိုင်ငံက တစ်ချိန်တုန်းက စပိန်ကိုလိုနီလက်အောက် ကျရောက်ခဲ့ဖူးပါတယ်။ ဖိလစ်ပိုင်နိုင်ငံမြို့တော် မနီလာမြို့ဟာ ၁၅၇၁ ခုနှစ်က စပိန်ကိုလိုနီလက်အောက် စတင်ကျရောက်ခဲ့စဉ်က နေရာအချက်အချာကျတာကြောင့် စပိန်ကိုလိုနီအစိုးရက Intramuros(အင်ထရာမူရော့စ်) မြို့တော်ကြီးကို မနီလာမြို့အတွင်း၌ တည်ထောင်ကာ မြို့တော်အဖြစ်သတ်မှတ်ခဲ့ကြပါတယ်။


Intramuros ဆိုတာ တံတိုင်းအတွင်းလို့ အဓိပ္ပာယ်ရတာကြောင့် တံတိုင်းခတ်မြို့ လို့လည်း အမည်တွင်ပြီး တံတိုင်အပြင်ဘက်မှာရှိတဲ့ ရပ်ကွက်နဲ့မြို့တွေကိုတော့ Etramurosလို့ ခေါ်ဝေါ်ခဲ့ကြပါတယ်။ စပိန်အင်ယာပါကြီးစိုးခဲ့စဉ်က အစိုးရရုံးထိုင်ရာမြို့ ဖြစ်ခဲ့ပြီး စပိန်ကိုလိုနီအစိုးရ အကြီးအကဲတွေရဲ့ မိသားစုတွေနဲ့ စည်ကားရာမြို့ကြီးဖြစ်ခဲ့ ပါတယ်။ နှစ်ပေါင်း ၄၀၀ အတွင်း ဖိလစ်ပိုင်နိုင်ငံရဲ့ ယဉ်ကျေးမှု၊ စီးပွားရေးနဲ့ ပညာရေး ဗဟိုအချက်အချာမြို့လည်း ဖြစ်ခဲ့ပါတယ်။ ပစိဖိတ်သမုဒ္ဒရာထဲနှစ်ပေါင်း ၂၅၀ ရွက်လွှင့် ခဲ့တဲ့ Manilla Galleons သင်္ဘောကြီးက Intramuros မြို့နဲ့ မြောက်အမေရိကတိုက်ရှိ မက္ကဆီကိုနိုင်ငံကြား အပြန်အလှန်ပြေးဆွဲကာ ကုန်ပစ္စည်း ဖလှယ်ခဲ့ကြတယ်လို့လည်း သိရပါတယ်။
မြို့ဟောင်းကြီးက ၀ ဒသမ ၆၇ စတုရန်းကီလိုမီတာ အကျယ်ရှိကာ စပိန်ကိုလိုနီ အစိုးရက တိုင်းတစ်ပါး ဝင်ရောက်တိုက်ခိုက်မှုကို ကာကွယ်နိုင်ဖို့ မြို့ပတ်ပတ်လည်ကို တံတိုင်းမြို့ရိုးကာရံကာ ခံတပ်များလည်း တည်ဆောက်ခဲ့ကြပါတယ်။ မြို့ဟောင်းက မနီလာပင်လယ်အော်နားမှာတည်ရှိပြီး Pasig မြစ်၀တောင်ပိုင်းမှာ ရှိခဲ့ပါတယ်။ ၂၀ ရာစုနောက်ပိုင်း မြို့ကိုချဲ့ပြီးမြေဖို့ခဲ့လို့ မြို့ဟောင်းက မနီလာပင်လယ်အော်နဲ့ ဝေး ကွာသွားခဲ့ရတာပါ။ Pasig မြစ်ကမ်းစပ်မှာရှိတဲ့ ဆန်တီယေးဂိုးခံတပ်ကြီးဟာ မြို့ ဟောင်းကိုကာကွယ်ပေးခဲ့တဲ့ အဓိကခံတပ်ပဲဖြစ်ပါတယ်။


၁၉၄၅ ခုနှစ်မှာဖြစ်ပွားခဲ့တဲ့ မနီလာစစ်ပွဲကြီးဟာ Intramuros မြို့ဟောင်းကြီးကို ပျက်စီးစေခဲ့ပါတယ်။ Intramuros ဟာ ဂျပန်တပ်တွေနောက်ဆုံးစတည်းချပြီး အ မေရိကန်စစ်တပ်နဲ့ ဖိလစ်ပိုင်ပြောက်ကျားတပ်ကို ခုခံတိုက်ခိုက်ခဲ့ရာနေရာလည်းဖြစ် ပါတယ်။ ဒုတိယကမ္ဘာစစ်အတွင်းမှာလည်း စပိန်ကိုလိုနီခေတ်က တည်ဆောက်ခဲ့တဲ့ ရှေးဟောင်းအဆောက်အအုံတွေနဲ့ ဘုရားကျောင်းများစွာပျက်စီးခဲ့ရပါတယ်။  ၁၉၅၁ ခုနှစ်မှာတော့ Intramuros ကို အမျိုးသား Landmark အဖြစ်အသိအ မှတ်ပြုပြီး ပျက်စီးခဲ့တာတွေ ပြန်လည်ပြုပြင်တည်ဆောက်ခဲ့ကြတယ်။ ခုခါမှာတော့ Intramuros မြို့ဟောင်းကြီးဟာ မနီလာမြို့အတွင်း ခရီးသွားဧည့်သည်တွေအများဆုံး လာလေ့လာရာနေရာဖြစ်လို့နေပြီး မြို့ရိုးတွေ၊ ခံတပ်တွေ၊ ဘုရားကျောင်းတွေ၊ စားသောက်ဆိုင်တွေ၊ ပြတိုက်တွေနဲ့ လေ့လာစရာများစွာရှိလို့နေပါတယ်။
မြို့ဟောင်းထဲ လမ်းလျှောက်လေ့လာနိုင်သလို ရှေးခေတ်တုန်းက အတိုင်း မြင်း လှည်းစီးပြီး လျှောက်လည်နိုင်ပါတယ်။ ဘေးတွဲဆိုက်ကား၊ သုံးဘီးကားလေးတွေနဲ့ လည်း လည်ပတ်နိုင်ပါတယ်။ ကျွန်မတို့ကတော့ မြို့လယ်က ပင်မရင်ပြင်ဖြစ်တဲ့ Plaza Roma ကနေ မြင်းလှည်းလေးစီးကာ Intramuros မြို့ဟောင်းတစ်ပတ် လေ့လာရေး ထွက်ခဲ့ကြပါတယ်။ မြို့ဟောင်းထဲ ရှေးအခါကကောလိပ်ကျောင်းတွေ တက္ကသိုလ်တွေ များစွာဖွင့်လှစ်ခဲ့တဲ့အနက် အခုအခါမှာတော့ ၁၆၂၀ပြည့်နှစ်က ဖွင့်လှစ်ခဲ့တဲ့ ကောလိပ် တစ်ခုသာ ဆက်လက်ဖွင့်လှစ်နေဆဲဖြစ်တာကိုတွေ့ခဲ့ရပါတယ်။ ရှေးဟောင်းစပိန်ရိုးရာ အိမ်တော်ဖြစ်ခဲ့တဲ့ Casa Manila အိမ်တော်ဝင်းအတွင်း ဧည့်ခံပွဲတွေလက်ခံကျင်းပနေ တယ်လို့သိရပြီး စားသောက်ဆိုင်များစွာလည်း ဖွင့်လှစ်ထားတာကို တွေ့ခဲ့ရပါတယ်။

25-11-2017soutephot


UNESCO က ကမ္ဘာ့အမွေအနှစ်အဖြစ်အသိအမှတ်ပြုထားတဲ့ San Augstin ဘုရားကျောင်းကြီးလည်း မြို့ဟောင်းထဲမှာ တည်ရှိနေပါတယ်။ ၁၆၀၇ ခုနှစ်ကတည် ဆောက်ခဲ့လို့ ဖိလစ်ပိုင်နိုင်ငံမှာ သက်တမ်းအရင့်ဆုံးဘုရားကျောင်းလည်း ဖြစ်ပါတယ်။ ခရစ်ယာန်ဘုရားကျောင်း ခြောက်ကျောင်းရှိခဲ့တဲ့အနက် San Augstin ဘုရားကျောင်း ကြီးတစ်ခုသာ စစ်အတွင်း မထိခိုက်မပျက်စီးခဲ့တာပါ။ ကျန်တဲ့ဘုရားကျောင်းတွေအနက် Manila Cathedral ကိုသာပြန်လည်တည်ဆောက်ခဲ့ပြီး ကျန်ဘုရားကျောင်းတွေကို တော့ မြို့ဟောင်းပြင်ပမှာသာ ပြန်တည်ဆောက်ခဲ့ကြကြောင်း သိရပါတယ်။ Intramuros မြို့ဟောင်းကြီးဟာ စပိန်ဗိသုကာလက်ရာတွေကို တစ်နေရာတည်းမှာ တစုတစည်းတည်း လေ့လာနိုင်မယ့် သမိုင်းဝင်နေရာတစ်ခုဖြစ်ကာ ဖိလစ်ပိုင်သမိုင်းမှာလည်း အရေးပါတာကြောင့် ဖိလစ်ပိုင်နိုင်ငံမြို့တော် မနီလာသို့ရောက်ခဲ့ပါက သွားရောက်လေ့လာသင့်ကြောင်း ညွှန်းဆိုလိုက်ပါတယ်။ 

 

18-11-2017-poland

ဥရောပတိုက် အရှေ့မြောက်ပိုင်းရှိ ပိုလန်(Poland) နိုင်ငံသည် အရှေ့ဥရောပတွင် ကမ္ဘာ လှည့်ခရီးသည်အများအပြား စိတ်ဝင်စားရာ နိုင်ငံတစ်နိုင်ငံဖြစ်ပါသည်။ ၁၀၂၅ ခုနှစ်တွင် ဘုရင့် နိုင်ငံအဖြစ် တည်ထောင်ခဲ့ကြောင်း မှတ်တမ်းများအရသိရှိရ၍ ဒုတိယကမ္ဘာစစ်အတွင်း ဂျူးလူမျိုးများအပါအဝင် ပိုလန်နိုင်ငံသား ခြောက်သန်းကျော် သေဆုံးခဲ့ရပြီးနောက် ၁၉၈၉ ခုနှစ် အထိ ဆိုဗီယက်ပြည်ထောင်စု၏ ဩဇာလွှမ်းမိုးမှုခံရသည့် ကွန်မြူနစ်နိုင်ငံဖြစ်ခဲ့သည်။ ၁၉၈၉ ခုနှစ်တွင် တော်လှန်ရေးပေါ်ပေါက်ခဲ့ပြီး ဒီမိုကရက်တစ်သမ္မတနိုင်ငံအဖြစ် ပေါ်ထွန်းလာခဲ့သည်။ ယခုအခါ ကမ္ဘာပေါ်တွင် စီးပွားရေးကောင်းမွန်၍ လူ့သက်တမ်းမြင့်မားပြီး အထူးသဖြင့် တက္ကသိုလ်ပညာကို အခမဲ့သင်ကြားနိုင်ကာ ပညာရေးအဆင့်အတန်းမြင့်မားသည့် ပိုလန်နိုင်ငံ သည် ဥရောပသမဂ္ဂ(EU)နှင့် နေတိုး(NATO) စစ်စာချုပ်အဖွဲ့ဝင်နိုင်ငံလည်း ဖြစ်သည်။ လူဦး ရေ ၃၉ သန်းခန့် နေထိုင်၍ ၉၅ ရာခိုင်နှုန်းမှာ ပိုလန်လူမျိုးများဖြစ်ပြီး ၈၈ ရာခိုင်နှုန်းမှာ ခရစ်ယာန် ဘာသာကိုးကွယ်ကြကာ ကိုယ်ပိုင်ငွေကြေး ဇူသအပ ကို သုံးစွဲကြသည်။


ပိုလန်နိုင်ငံ၏ အကြီးဆုံးမြို့နှင့်မြို့တော်မှာ ဝါဆော(Warsaw) မြို့ဖြစ်၍ ၁၃ ရာစုနှစ်က စတင်ကာ မြို့အဖြစ်သိရှိခဲ့ရပြီး ၁၃၂၃ ခုနှစ်တွင် မြို့တော်ဖြစ်လာခဲ့သည်။ သာယာလှပသဖြင့် အရှေ့ဥရောပ၏ ပဲရစ်မြို့ (Paris of East) အဖြစ် ကျော်ကြားသကဲ့သို့ ဒုတိယကမ္ဘာစစ်အပြီး တွင် ဥရောပအလယ်ပိုင်းနှင့် အရှေ့ဥရောပတွင် နေချင့်စဖွယ်အကောင်းဆုံးမြို့တစ်မြို့အဖြစ် ပြန်လည်ထူထောင်နိုင်ခဲ့သဖြင့် Phoneix City အဖြစ်လည်း ကျော်ကြားသည်။ Vistula မြစ် ဖြတ်သန်းစီးဆင်းရာ မြို့ပြဧရိယာအတွင်း လူသုံးသန်းကျော်နေထိုင်သည့် ယင်းမြို့တွင် အခြား ဥရောပတိုက်နိုင်ငံမြို့တော်များနည်းတူ ရဲတိုက်ကြီးများ၊ နန်းတော်၊ ပြတိုက်များ၊ ဘုရားကျောင်း များ၊ ကဇာတ်ရုံများ၊ ဥယျာဉ်များ၊ ရုပ်တုများနှင့် တက္ကသိုလ်များစုဝေးတည်လျက်ရှိသည်။ လွန်ခဲ့ သည့်နှစ်ပေါင်း ၇၀၀ ခန့်က စ၍စည်ကားခဲ့သည့် မြို့ဟောင်းနေရာတွင် ရင်ပြင်၊ ဘုရားကျောင်း၊ ရဲတိုက်၊ ဈေးနေရာနှင့် ရှေးခေတ်မြို့ရိုးတို့ရှိပြီး ၁၉၈၀ ပြည့်နှစ်တွင် ယူနက်စကို၏ ကမ္ဘာ့ယဉ်ကျေး မှုအမွေအနှစ်ဒေသအဖြစ် သတ်မှတ်ခြင်းခံခဲ့ရသည်။ ယင်းနေရာတွင် တော်ဝင်ရဲတိုက်၊ ရဲတိုက်ရင်ပြင်၊ King Sigismund III အထိမ်းအမှတ်ကျောက်တိုင်နှင့် ဈေးရင်ပြင်ရှိ ဝါဆောမြို့၏ အထိမ်းအမှတ်သင်္ကေတဖြစ်သည့် ရေသူမရုပ်တုတို့သည် ထင်ရှားလှပါသည်။ အချို့သောဒဏ္ဍာရီ များအရ ဂရိနတ်မင်း Triton ၏ သမီးတော်များဖြစ်သည့် ရေသူမနှစ်ဦးအနက်တစ်ဦး၏ ရုပ်တုမှာ ဒိန်းမတ်နိုင်ငံ ကိုပင်ဟေဂင်မြို့၌တည်ရှိ၍ အခြားတစ်ဦးကို ဝါဆောမြို့တွင် ထားရှိကြောင်း သိရသည်။ လူသိများသော မှတ်တမ်းအရမူ တစ်ချိန်က ဆွီဒင်တို့၏ ကျူးကျော်မှုကို တွန်းလှန်ကာကွယ်ရင်း ဝါဆောမြို့၌ ကျဆုံးခဲ့သော Griffin သူရဲကောင်း၏ ချစ်သူဖြစ်သည့် ရေသူမလေးက ဆက်လက်တွန်းလှန်ကာကွယ်ခဲ့သည်ကို အမှတ်တရအဖြစ် ရုပ်တုပြုလုပ် ထားရှိကြောင်းသိရသည်။ ဝါဆောမြို့ကို စောင့်ရှောက်သူအဖြစ် ကျော်ကြားသည့် မူလရုပ်တုကို မပျက်စီးစေရန် ဝါဆောမြို့သမိုင်းပြတိုက်တွင်ထားရှိ၍ ၁၈၅၅ ခုနှစ်တွင် ထုလုပ်ခဲ့သည့် ယင်းနှင့်ပုံစံတူ ကြေးရုပ်တုမှာမြို့ဟောင်း၏ ဈေးရင်ပြင်တွင် ယခုကဲ့သို့တည်ရှိနေပြီး ကမ္ဘာလှည့် ခရီးသည်များအကြားတွင် လွန်စွာရေပန်းစားလျက်ရှိပါသည်။ အလားတူ ဓားနှင့်ဒိုင်းကိုင်ဆောင် ထားသည့် ရေသူမရုပ်တုတစ်ခုမှာလည်း Vistula မြစ်ကူးတံတားတစ်စင်းအနီးတွင် တည်ရှိ နေပါသည်။

18-11-2017warsaw
ယင်းမြို့၏ အမြင့်ဆုံးအဆောက်အအုံဖြစ်သည့် ယဉ်ကျေးမှုနှင့်သိပ္ပံနန်းတော်သည် ပေ ၇၈၀ ခန့် မြင့်၍ ၄၄ ထပ်ရှိပြီး အခန်းပေါင်း ၃ç၀၀၀ ကျော်နှင့် ရုပ်ရှင်ရုံ၊ ပြတိုက်၊ ကဇာတ် ရုံများလည်းပါဝင်ကာ ဆိုဗီယက်ခေတ်၏ ဗိသုကာလက်ရာအဖြစ် ထင်ရှား၍ ယခင်ဆိုဗီယက် ပြည်ထောင်စုပြည်သူများ၏ လက်ဆောင်အဖြစ် မြို့လယ်တွင် ထင်ရှားစွာတည်ရှိနေသည်ကို မြင်တွေ့ခဲ့ရပါသည်။ ထို့ပြင် ပိုလန်တေးရေးစာဆိုနှင့် စန္ဒရားဆရာကြီး Fryderyk Chopin (1810-1894)အထိမ်းအမှတ်ပြတိုက်နှင့်ရုပ်တု၊ ၁၃၉၀ ပြည့်နှစ်က တည်ထားခဲ့သည့် St. John ဘုရားကျောင်း၊ နက္ခတ်တာရာပြခန်းကြီးပါဝင်သည့် ကမ္ဘာကျော်သိပ္ပံပညာရှင် Copernicus သိပ္ပံပြတိုက်၊ ၁၆၂၄ ခုနှစ်တွင် ဖွင့်လှစ်ခဲ့၍ ကမ္ဘာ့အစောဆုံးနှင့် အကြီးဆုံးစာကြည့်တိုက်များတွင် အပါအဝင်ဖြစ်သည့် Zaluski စာကြည့်တိုက်ကြီး၊ အမျိုးသားပြတိုက်၊ ဝါဆောကုန်သွယ်မှု ဗဟိုဌာနနှင့် ၄၄ ထပ်ရှိသည့် ဝါဆော Trade Tower တို့သည်လည်း ဝါဆောမြို့၏ သွားရောက် လေ့လာစရာနေရာများလည်းဖြစ်ကြသည်။ ထိုကဲ့သို့ စိတ်ဝင်စားစရာ၊ လေ့လာစရာများလှ သဖြင့် ဝါဆောမြို့နှင့် ပိုလန်နိုင်ငံသို့ ယခင်နှစ်က ကမ္ဘာလှည့်ခရီးသည် ၁၈ သန်းနီးပါးလာရောက် ခဲ့သည်ဟုဆိုခြင်းကို စာရေးသူ ယုံကြည်လက်ခံမိခဲ့ပါတော့သည်။

9-11-17ngapali

မြန်မာနိုင်ငံက ကမ်းခြေတွေထဲ အလှဆုံးလို့ သတ်မှတ်ထားတဲ့ ငပလီက မြန်မာနိုင်ငံ အနောက်ဘက်ခြမ်းရှိ ရခိုင်ပြည်နယ် ဘင်္ဂလားပင်လယ်အော်မှာတည်ရှိပြီး အိန္ဒိယသမုဒ္ဒရာ ကြီးကိုမေးတင်ထားပါတယ်။ ငပလီကမ်းခြေက ကမ္ဘာပေါ်မှာ အဋ္ဌမမြောက်အလှဆုံး ကမ်းခြေနဲ့ အာရှတိုက်ရဲ့ အလှဆုံးကမ်းခြေအဖြစ် Trip Advisor အသုံးပြုသူတွေရဲ့ ၂၀၁၆ ခုနှစ် စစ်တမ်းအရ ရွေးချယ်သတ်မှတ်ခံထားရပါတယ်။ ရခိုင်ပြည်နယ် ဗြိတိသျှ ကိုလိုနီလက်အောက်ကျရောက်ခဲ့စဉ်က အိမ်လွမ်းနာကျနေတဲ့ အီတလီလူမျိုးတစ်ယောက် က အီတလီနိုင်ငံ နေပယ်(စ်) (Naples) မြို့နဲ့ တူတယ်ဆိုပြီး Napoli လို့ခေါ်ဝေါ်ခဲ့ရာကနေ ငပလီလို့ အမည်တွင်ခဲ့တယ်လို့သိရပါတယ်။ အချို့ကလည်း ငါးပါနီထွက်တဲ့ကျေးရွာကနေ ငပနီရွာလို့ အသံထွက်ရာကနေ ကာလကြာလာတဲ့အခါ ငပလီလို့ ပြောင်းလဲသွားတာလို့ လည်း ဆိုကြပါတယ်။ ကောဇာသက္ကရာဇ်(၃၈)ခုနှစ် တတိယဓည၀တီရခိုင်ပြည်မှာ သူရိယ ဇေဋ္ဌမင်းကြီးလက်ထက် ဒွါရာ၀တီသံတွဲမြို့မှာ သီရိဝိဇယဗိုလ်မင်း မြို့စားအဖြစ် အုပ်ချုပ်ခဲ့ စဉ်က ငပလီကမ်းခြေမှာ အရသာရှိတဲ့ ငါးပါနီတွေပေါများခဲ့ပြီး အခြားဒေသတွေဆီတင်ပို့ရ တဲ့အထိ တွင်ကျယ်ခဲ့တယ်လို့လည်း သိရပါတယ်။


ကမ်းခြေအရှည် နှစ်မိုင်ကျော်ရှိတဲ့ ငပလီကမ်းခြေမှာ တမျှော်တခေါ်ရေပြင်ကျယ်ကြီး ရယ်၊ ကမ်းစပ်ကိုပုတ်ခတ်လာတဲ့လှိုင်းလုံးကြီးတွေရယ်၊ ကမ်းစပ်က ဖြူလွလွသဲတွေရယ်၊ စိမ်းညို့နေတဲ့ အုန်းပင်တန်းကြီးတွေနဲ့ သဘာ၀အလှအပက စာဖွဲ့လို့ မမှီနိုင်ပါဘူး။ ငပလီ ကို သဘောကျတာက သဘာ၀ကို သဘာ၀အတိုင်း အရှိအရှိအတိုင်း ခံစားနိုင်တာကြောင့်ပါ။ ငပလီက သဲသောင်တွေက အမှိုက်မရှိဘူး။ ကမ်းခြေမှာ ဈေးသည်လုံး၀ပေးမရောင်းဘူး။ ဆိုင်ကယ်တို့ စက်ဘီးတို့လည်း မောင်းလို့မရဘူး။ ရေထဲမှာလည်း Water Activities တွေမရှိဘူး။ သဘာ၀ကို သဘာ၀အတိုင်းခံစားနိုင်ပါတယ်။ ငပလီမှာ အပန်းဖြေအနားယူစရာ ဟိုတယ်တွေလည်းများစွာရှိလို့နေပါတယ်။ ကမ်းခြေနားတလျှောက် ဟိုတယ်အလုံးပေါင်း ၂၇ လုံးခန့် ရှိပါတယ်။
ကမ်းခြေမှာ ရေကူးတာတို့ လှိုင်းစီးတာတို့အပြင် ကမ်းခြေကနေလှမ်းမြင်ရတဲ့ ပုလဲ ကျွန်းကို စက်လှေနဲ့သွားနိုင်ပါတယ်။ ငပလီကနေ ၁၀မိနစ်လောက်သွားရပြီး တစ်စီးကို ၃သောင်းကျပ်နဲ့ ၆ယောက်စီးလို့ရပါတယ်။ အဲ့ကျွန်းရဲ့သဲသောင်ပြင်က ငပလီဘက် ပင် လယ်ထဲရှည်မျောမျော ထိုးထွက်နေတာဆိုတော့ ဘေးနှစ်ဖက်စလုံးက ရေပြင်ကျယ်ကြီးနဲ့ သဘောကျစရာကောင်းပါတယ်။ ရေနက်ပိုင်းရောက်နေတာဆိုတော့ ရေတွေက စိမ်းပြာ ရောင် ကြည်လင်လိုက်တာများ သိပ်ကိုလှတာပဲ။ ကြည်လွန်းတော့ အဲ့မှာ ရေငုပ်မျက်မှန်တပ် ပြီး ရေအောက်က ငါးတွေကို ကြည့်တဲ့ Snorkeling လုပ်လည်းရပါတယ်။ ဒါ့အပြင် ပင် လယ်နဲ့ မြစ်ချောင်းတွင်းမှာ Kayak လှေလည်းလှော်နိုင်ပါတယ်။ ဆင်စခန်းသွားကြည့်တာ တို့၊ Trekking တောင်တက်တာတို့၊ ငါးဖမ်းရွာတွေ သွားလေ့လာတာတို့လည်း ပြုလုပ်နိုင် ပါတယ်။ ရာသီဥတုသာယာပြီး လေငြိမ်ရင် မီးပုံးပျံစီးလို့လည်းရပါတယ်။
ငပလီကမ်းခြေတောင်ဘက်အစွန်းမှာရှိတဲ့ မဒေးတောင်ပေါ်မှာ ရပ်တော်မူဘုရားကြီး ရှိပြီး တောင်ပေါ်ကနေမြင်ရတဲ့ ရှုခင်းအရမ်းလှပါတယ်တဲ့။ သံတွဲမြို့နဲ့ ၄မိုင်လောက်သာဝေး တာကြောင့် သံတွဲမြို့ပေါ်မှာရှိတဲ့ ရှေးဟောင်းသမိုင်းဝင်စေတီတွေဖြစ်တဲ့ အံတော်၊ နံတော်၊ ဆံတော်လို့ အတိုကောက်ခေါ်တဲ့ ဖိုခနောက်ပုံ တစ်နေရာဆီမှာ တည်ထားတဲ့ စေတီ၃ဆူကို ဖူးမြော်နိုင်ပါတယ်။ ဘုရားဖူးရင်း တစ်လက်စတည်း သံတွဲဈေးဝင်ပြီး အိမ်ပြန်လက်ဆောင် တွေလည်း ဝယ်သွားနိုင်ပါသေးတယ်။ သံတွဲမြို့ကနေ (၁၀)မိုင်လောက်ဝေးတဲ့ နာရီဝက် လောက်မောင်းသွားရတဲ့ ဇလွန်မဒေးကျေးရွာမှာတော့ အခုထိ မပုပ်မသိုး မပျက်မစီးတဲ့ ဆရာတော်ကြီးနှစ်ပါးရဲ့ ရုပ်ကလပ်တော်တွေကိုလည်း သွားရောက်ဖူးမျှော်လို့ရပါတယ်။

9-11-17ngapaliB


ငပလီက သိပ်လှပေမဲ့ ပြည်တွင်းခရီးသွားတွေ သိပ်မရောက်ဖြစ်ကြတာကို သတိထား မိပါတယ်။ စာရေးသူအနေနဲ့လည်း တခြားကမ်းခြေတွေဆီသာ အရောက်များပြီး ငပလီကို တော့ သိပ်မရောက်ဖြစ်ခဲ့ပါဘူး။ ဆယ်စုနှစ်နှစ်ခုကျော်ကြာပြီးတဲ့အခါမှာတော့ အရင်လက ငပလီကို ဒုတိယအကြိမ်သွားရောက်ဖြစ်ခဲ့ပါတယ်။ အရင်က ငပလီဆိုရင် သွားရလာရခက်ခဲ ပြီး ဝေးလံတယ်။ လေယာဉ်နဲ့သွားမှ အဆင်ပြေတယ်။ ကားနဲ့ဆို ခရီးလမ်းဝေးပြီး သက် တောင့်သက်သာမရှိဘူးလို့ မှတ်ယူထားကြပါတယ်။ အခုဆိုရင် ငပလီကို တိုက်ရိုက်ပြေးဆွဲတဲ့ အဆင့်မြင့်ကားတွေရှိလို့ သွားရအဆင်ပြေသွားပါပြီ။ ရန်ကုန်ကနေ ငပလီကို ဂွ-ငါးသိုင်း ချောင်း ကားလမ်းကနေသွားတာဖြစ်ပြီး ကားမောင်းချိန်က ၁၀နာရီကျော်သာ ကြာပါတယ်။ တစ်တန်းမှာ ၃ခုံသာရှိတဲ့ VIP Tour Bus ကြီးတွေဖြစ်လို့ ခုံနေရာကျယ် ဝန်းပါတယ်။ သုခလမ်းညွှန် Travels & Tours ကနေ နေ့စဉ်ပြေးဆွဲနေတာဖြစ်ပြီး တစ်ကြောင်းကို ၂၂၅၀၀ကျပ်နဲ့ သွားရောက်နိုင်လို့ လှပသာယာလွန်းတဲ့ ငပလီကို သက်တောင့်သက်သာ သွားနိုင်တာ ဝမ်းသာစရာကောင်းလှပါတယ်။ 

More Articles ...