မြန်မာနိုင်ငံတွင် ဒရုန်းနှင့်မောင်းသူမဲ့ လေယာဉ်ပေါင်းစပ်ကာထုတ်လုပ်မည့် ဒေါင်လိုက်အတက်အဆင်းပြုလုပ်နိုင် သော ဘက်စုံအသုံး မောင်းသူမဲ့လေယာဉ် ကို ပထမဆုံးအကြိမ်အဖြစ်ထုတ်လုပ် သွားမည်ဖြစ်ကြောင်း မြန်မာနိုင်ငံလေ ကြောင်းနှင့်အာကာသပညာတက္ကသိုလ် ပါမောက္ခချုပ်ဒေါက်တာ ကြည်သွင်က အောက်တိုဘာလ ၆ ရက်တွင်ပြောသည်။
ဒေါင်လိုက်အတက်အဆင်းပြုလုပ် နိုင်သော ဘက်စုံအသုံး မောင်းသူမဲ့လေ ယာဉ်ကို လေယာဉ် ဆင်းသက်ရာတွင် အ ခက်အခဲမရှိစေဘဲ စစ်ဘက်ဆိုင်ရာ၊ သု တေသနလုပ်ငန်း၊ သဘာ၀ဘေးအန္တ ရာယ်ဖြစ်ပွားသောနေရာများနှင့် အ ခြားလုပ်ငန်းများတွင် ဘက်စုံအသုံးပြု နိုင်ရန် ဒီဇိုင်းရေးဆွဲတည်ဆောက်ခြင်း ဖြစ်ကြောင်းသိရသည်။


အားသာချက်
''အခုထုတ်လုပ်မယ့် လေယာဉ်က ဒရုန်းနဲ့မောင်းသူမဲ့လေယာဉ်ပေါင်းစပ် ထုတ်လုပ်မှာပါ။ ဒရုန်းတွေလို ဒေါင်လိုက် အတက်အဆင်းလုပ်ပြီးရင် လေယာဉ်ပျံ လို တန်းပျံသွားလို့ရမှာပါ။ လေယာဉ်ဆိုရင် ပြေးလမ်းလိုမယ်။ ဒါက တော့အတက်အ ဆင်းအတွက် ကွင်းမလိုတော့ဘူး။ ဒါက အားသာချက်ပဲ။ နောက်တစ်ခုက လေ ယာဉ်ပျံဖြစ်တော့ ခရီးဝေးသွားလို့ရတယ်။ ဒရုန်းဆိုရင် လူနဲ့ အဝေးကြီးသွားလို့မရ ဘူး။ အခုဒီအတွက် ဒီဇိုင်းရေးဆွဲနေပါ တယ်။ ၂၀၁၈ ခုနှစ်မှာ စတင်ထုတ်လုပ်မှာ ပါ။ စစ်ဘက်ဆိုင်ရာမှာဆိုရင်လည်း ရန်သူ တွေဘယ်မှာ ခိုအောင်းနေတယ်ဆိုတာကို ရှာဖွေမှုလုပ်နိုင်မယ့်စနစ်တွေပါတယ်''ဟု ၎င်းက ပြောသည်။ မြန်မာနိုင်ငံတွင် စိတ် တိုင်းကျ ထုတ်လုပ်မည်ဖြစ်သောကြောင့် အသုံးပြုစဉ် လိုအပ်ချက်၊ ချို့ယွင်းချက် များရှိလာပါကလည်းပြည်ပနိုင်ငံများသို့ ပေးပို့ပြုပြင်စရာမလိုဘဲ ပြည်တွင်း၌ ဆောင်ရွက်နိုင်မည်ဖြစ်ကြောင်းသိရသည်။


နည်းပညာပံ့ပိုးနိုင်
''ပြည်တွင်းမှာပဲ ထုတ်လုပ်တာဖြစ် တော့ ဈေးသက်သာတယ်။ သုံးနေတုန်း စက်တစ်ခုခုချို့ယွင်းတာရှိရင်လည်း နည်း ပညာထောက်ပံ့ပေးနိုင်ပါတယ်။နိုင်ငံခြား ကဝယ်တာက ပျက်ရင် နိုင်ငံခြားကို ပြန်ပို့ ရတယ်။ အဲဒီအတွက် ကုန်ကျစရိတ်များ တယ်။ အခု မြန်မာနိုင်ငံမှာလည်း လိုအပ်တဲ့ ဒီဇိုင်းအလိုက် မောင်းသူမဲ့လေယာဉ် တွေကို ထုတ်လုပ်နိုင်တဲ့ အနေအထား ရှိ ပါတယ်''ဟု ၎င်းကထပ်မံပြောသည်။ မြန် မာနိုင်ငံလေကြောင်းနှင့်အာကာသပညာ တက္ကသိုလ်အနေဖြင့် ယခုအခါ သဘာ၀ ဘေးအန္တရာယ်ဖြစ်ပွားသောနေရာများ အား မောင်းသူမဲ့လေယာဉ်များဖြင့် ဆေး ပစ္စည်း၊ အဝတ်အထည်နှင့် အသက်ကယ် ဘောကွင်းများချပေးနိုင်သည့် မောင်းသူမဲ့ လေယာဉ်များကို ထုတ်လုပ်ထားရာနောက် ပိုင်းတွင် ချလိုသည့်နေရာသို့ အတိအကျ ရောက်ရှိရန် လေထီးများတွင် ထိန်းချုပ်စနစ်တပ်ဆင်ချထားပေးနိုင်ရေး ဆောင်ရွက် နေကြောင်းသိရသည်။

ရှိန်းဝင်းထိုက်

အိတ်ခ်ျအိုင်ဗီ အေအိုင်ဒီအက်စ်ရော ဂါဖြစ်ပွားနေမှုများကို မြန်မာနိုင်ငံတွင် အ မျိုးသားမဟာဗျူဟာစီမံကိန်းများချမှတ်၍ ကာကွယ်ကုသခြင်းများဆောင်ရွက်လျက် ရှိနေရာ လာမည့် ၂၀၃၀ ပြည့်နှစ်တွင် အိတ်ခ်ျအိုင်ဗီပိုးကင်းစင်သည့် လူ့အသိုင်း အဝိုင်းဖြစ်လာစေရန် မျှော်မှန်းချက်ထား လုပ်ဆောင်မည်ဖြစ်ကြောင်း အမျိုးသား ခုခံ ကျကာလသားရောဂါတိုက်ဖျက်ရေး စီမံချက်မန်နေဂျာ ဒေါက်တာထွန်းညွန့်ဦးက ပြောသည်။
မြန်မာနိုင်ငံတွင် ခုခံအားကျရောဂါ ကာကွယ်ရေးနှင့် ကုသရေးလုပ်ငန်းများကို ငါးနှစ်တာအမျိုးသားမဟာဗျူဟာစီမံကိန်း များအနေဖြင့် စီမံချက်ထားပြီး ရေးဆွဲအ ကောင်အထည်ဖော်ဆောင်ရွက်လျက်ရှိ နေကာ ပထမငါးနှစ်တာစီမံကိန်းကို ၂၀၀၅ ခုနှစ်မှ-၂၀၁၀ ခုနှစ်ထိလုပ်ဆောင်ခဲ့ပြီး ၂၀၁၁ ခုနှစ်မှ-၂၀၁၅ ပြည့်နှစ်တွင် ဒုတိယ ငါးနှစ်စီမံကိန်းနှင့် ၂၀၁၆ ခုနှစ်မှ-၂၀၂၀ ပြည့်နှစ်တွင် တတိယငါးနှစ်စီမံကိန်းအဖြစ် ဆောင်ရွက်နေခြင်းဖြစ်ကြောင်း သိရသည်။
''အိတ်ခ်ျအိုင်ဗီ အေအိုင်ဒီအက်စ် ရောဂါကာကွယ်ခြင်း၊ ကုသခြင်း၊ လျော့ ကျအောင်ဆောင်ရွက်ခြင်း၊ အမျိုးသားမ ဟာဗျူဟာ ငါးနှစ်တာစီမံကိန်းတွေကို မျှော်မှန်းချက်များအတိုင်း Target ပြည့်မီ အောင်ဆောင်ရွက်နေသလို လာမယ့် ၂၀၂၀ ပြည့်မှာ 5th 90 ဆိုတဲ့ မဟာဗျူဟာ မှတ်တိုင်ပြည့်မီအောင် ဆောင်ရွက်သွားဖို့ ရှိပါတယ်။ အဲဒါကတော့ ဗျွှ ဆေးနဲ့ ကုသနေတဲ့သူတွေထဲကမှ ၉၀ ရာခိုင်နှုန်း ကို ပိုးကောင်ရေထိန်းချုပ်နိုင်တဲ့အဆင့် ရောက်သွားအောင် ဆောင်ရွက်သွားဖို့နဲ့ထပ်မံလုပ်ဆောင်နေကြတဲ့လုပ်ငန်းတွေ ကိုအရှိန်အဟုန်နဲ့လုပ်ဆောင်ဖို့တွေ ပါဝင် ပါတယ်။ End HIV ကို ၂၀၃၀ ပြည့်နှစ် မှာ အိတ်ခ်ျအိုင်ဗီပိုးကင်းစင်တဲ့လူအဖွဲ့အ စည်းတစ်ရပ် ပေါ်ပေါက်နိုင်အောင်ဆောင် ရွက်ဖို့လုပ်ဆောင်သွားဖို့လည်း မျှော်မှန်း ထားပါတယ်]]ဟု ဒေါက်တာထွန်းညွန့်ဦး က ပြောသည်။
HIV/AIDS ဖြစ်ပွားမှုနှုန်းကို နှစ် နှစ်လျှင်တစ်ကြိမ် ဆာဗေးများကျန်းမာ ရေးနှင့် အားကစားဝန်ကြီးဌာနကပြုလုပ်လျက်ရှိနေရာ မြန်မာနိုင်ငံတွင် ၂၀၀၀ ပြည့် နှစ်က ဖြစ်ပွားမှု ၀ ဒသမ ၉၄ ရာခိုင်နှုန်း ရှိခဲ့ပြီး ၂၀၁၆ ခုနှစ်တွင် ၀ ဒသမ ၆ ရာခိုင်နှုန်းရှိလာသဖြင့် ရောဂါဖြစ်ခြင်းကျဆင်း လာကာ HIV/AIDS ပိုးကူးစက်ခံရသူ လူနာအသစ်အရေအတွက်မှာလည်း ၂၀၀၀ ပြည့်နှစ်တွင် ၃၅၀၀၀ ရှိခဲ့ရာမှ ၂၀၁၆ ခု နှစ်တွင် ၁၀၀၀၀ ကျော် ကျဆင်းသွား ကြောင်းနှင့် ရောဂါဖြစ်၍သေဆုံးသူ ပမာ ဏသည် ၂၀၁၀ ပြည့်နှစ်တွင် ၁၀၄၀၀ အ ရေအတွက်မှ ၂၀၁၆ ခုနှစ်တွင် ၈၀၀၀ အ ထိသာရှိတော့သဖြင့် ၅၀ ရာခိုင်နှုန်းအထိ ရောဂါပိုးကူးစက်ခံရမှု လျော့ကျခြင်း ကြောင့် သေဆုံးမှုလျော့ကျသွားကြောင်း သတင်းရရှိသည်။ မေဆု

စင်ကာပူနိုင်ငံ One-Leicester လမ်းရှိ One-Leicester ကွန်ဒို ၁၈ ထပ် တွင် အိမ်ကူအဖြစ်အလုပ်လုပ်ကိုင်နေသော မြန်မာအလုပ်သမား အမျိုးသမီး ငယ်တစ်ဦးသည် အောက်တိုဘာ ၈ရက်က အဆိုပါကွန်ဒိုမှ ခုန်ချရ်ျ သေဆုံးမှုဖြစ်ပွားခဲ့ကြောင်း အောက်တိုဘာ ၉ ရက်က သိရ သည်။ အဆိုပါအမျိုးသမီးငယ်သည် ယခင်လကမှ စင်ကာပူနိုင်ငံသို့ အိ်မ်အကူအလုပ်လုပ်ကိုင်ရန် ရောက်ရှိလာခြင်းဖြစ်ပြီး ၎င်းအား အိမ်ရှင်ဖြစ်သူက ဘာသာစကား နား မလည်၍ အလုပ်ခိုင်း၍မရသဖြင့် သူမ အားပို့ဆောင်ခဲ့သည့် အေဂျင်စီနှင့်ပြန် လည်ပို့ဆောင်ရန်ညှိနှိုင်းထားပြီး မပြန် မီအချိန်တွင် ယခုကဲ့သို့ဖြစ်ပွားခဲ့ခြင်း ဖြစ်ကြောင်း သိရသည်။

“ကောင်မလေးက ရောက်တာတော့ မကြာသေးဘူး။ သူလုပ်တဲ့အိမ်ကလည်း ၁၈ထပ်မှာလုပ်တာ။ အိမ်ရှင်က သူ့ကို ရိုက်တာနှက်တာမလုပ်ဘူး။ ဒါပေမဲ့ အိမ်စင်ကာပူတွင် မြန်မာအိမ်အကူအမျိုးသမီးငယ်တစ်ဦး ၁၈ ထပ်တိုက်မှ ခုန်ချသေဆုံးမှု ဖြစ်ပွား ရှင်မိန်းမက သူ့ကိုခိုင်းမရပြုမရ၊ အင်္ဂလိပ်စကားလည်း နားမလည်၊ သူ့ကို မရိုက်ရဆိုတော့ စိတ်ကြီးတော့ ဒေါသထွက်ပြီး ဟိုပစ္စည်းနဲ့ပေါက်၊ ဒီပစ္စည်းနဲ့ပေါက်တယ် လို့တော့ ကြားတယ်။ ကလေးမ အိမ်ပြန် ချင်တယ်ဆိုလို့ အေးဂျင့်ဆီမှာ ဆွေးနွေးချိန်မှာ အိမ်ရှင်ကနေလာပြန်ခေါ်သွားတယ်။ နောက်မှပြန်ပို့မယ်ဆိုပြီးသိရတယ်။ အဲ့ လိုပြန်မပို့ခင်မှာ အခုလိုဖြစ်သွားတာ လို့သိရတယ်”ဟု စင်ကာပူရောက်မြန်မာအလုပ်သမားများအား ကူညီပေးသူတစ်ဦးက ပြောသည်။ ထိုသို့ တိုက်ပေါ်မှ ခုန်ချချိန်တွင် အိမ်ရှင်မိသားစုသည် အပြင်သွားချိန်ဖြစ်ပြီး အိမ်တွင် ၎င်းတစ်ဦးတည်းသာကျန်ရှိခဲ့ ကြောင်း၊ ယင်းသို့ဖြစ်ပွားချိန်တွင် မျက် မြင်သက်သေတစ်ဦးမှ မရှိသည့်အတွက် ဖြစ်စဉ်ကို အတိအကျမသိရကြောင်း၊ အဆိုပါ မိန်းကလေးသည် ရမည်းသင်း မြို့နယ်၊ ကျေးရွာတစ်ရွာမှဖြစ်ပြီး စင်ကာ ပူတွင် သူမ၏အစ်မ၊ အစ်မဝမ်းကွဲတော် စပ်သူများနှင့်အတူ လွန်ခဲ့သည့်လပိုင်းမှ လာရောက်၍ အလုပ်လုပ်ကိုင်ခြင်းဖြစ်ပြီး နိုင်ငံကူးလက်မှတ်တွင် အသက် ၂၃ နှစ်ဟု ဖော်ပြထားသော်လည်း သူမ၏ အသက်မှာ ၁၆နှစ်နှင့် ၁၈နှစ်ခန့်သာ ရှိသေးကြောင်း သိရသည်။ စင်ကာပူနိုင်ငံသို့ မြန်မာအိမ်အကူအလုပ်သမား တရားဝင်စေလွှတ်ခွင့်မပြု ထားသော်လည်း နည်းမျိုးစုံဖြင့်သွား ရောက် အလုပ်လုပ်သူများလာကာ တိုက် အမြင့်က ခုန်ချသည့်ဖြစ်စဉ်များမှာလည်း မကြာခဏ ဖြစ်ပွားလျက်ရှိပြီး ပြီးခဲ့သည့် ဇွန်လက တိုက်၁၉ ထပ်မှ မြန်မာ အိမ်အကူအမျိုးသမီးတစ်ဦးခုန်ချသေဆုံးခဲ့ဖူးကြောင်း၊ တိုက်ကိုးထပ်နှင့် နှစ်ထပ် တိုက်တို့မှ ခုန်ချသဖြင့် ခါးအောက်ပိုင်း ဒဏ်ရာများရရှိပြီး မြန်မာနိုင်ငံသို့ ပြန်လာ ကာ ဆေးကုသနေရသူများလည်းရှိကြောင်း သိရသည်။

လဝန်း

အမေရိကန်ဒေါ်လာ ၁၅ သန်းတန်ဖိုးရှိ Distribution Transformer အလုံးရေ ၅၄ဝဝ ခန့်ကို ဟီတာချီစိုးလျှပ်စစ်က လျှပ်စစ် နှင့် စွမ်းအင်ဝန်ကြီးဌာနအတွက် ပေးပို့ရန် အမှာစာများ လက်ခံရရှိထားကြောင်း စက်တင်ဘာလ ၂၈ ရက်တွင် သိရသည်။ 

“လာမယ့်အနာဂတ်မှာလည်း မြန်မာနိုင်ငံအတွက် တည်ငြိမ်တဲ့ လျှပ်စစ်စွမ်းအင်ကို ထောက်ပံ့ပေးနိုင်ဖို့ Electrical Transformer တွေကို အဓိကထားပြီး စွမ်းအင်ပို့ဆောင်ခြင်းဆိုင်ရာ နဲ့ ဖြန့်ဖြူးခြင်းဆိုင်ရာ ကိရိယာ တွေ ထုတ်လုပ်ခြင်၊ ရောင်းချခြင်း၊ တပ်ဆင်ခြင်း နဲ့ ပြုပြင်ထိန်းသိမ်းခြင်းတို့ကို ဆက်လက်ဆောင်ရွက်သွားမှာ ဖြစ်ပါတယ်”ဟု ဟီတာချီစိုးလျှပ်စစ်မှ တာဝန်ရှိသူတစ်ဦးက ပြောသည်။
ဟီတာချီစိုးလျှပ်စစ်သည် အောက်တိုဘာလမှစတင်ပြီး ထရန်စဖော်များကို စတင်ပေးပို့မည်ဖြစ်ပြီး အဆိုပါ ထရန်စဖော်မာများသည် လာမည့် ၂ဝ၂ဝပြည့်နှစ်တွင် မြန်မာနိုင်ငံ၏ ၅ဝ ရာခိုင်နှုန်းအထိ လျှပ်စစ် စွမ်းအားတိုးမြှင့်ပေးဝေနိုင်စေမည့် အစီအစဉ်ကို ပြည့်မှီရန် ကူညီပေးသွားမည်ဖြစ်ကြောင်း သိရသည်။
မြန်မာနိုင်ငံ၏ လျှပ်စစ်စွမ်းအင်လိုအပ်ချက်သည် လျှင်မြန်စွာ တိုးတက်လာလျှက်ရှိပြီး အဆိုပါ လိုအပ် ချက်ကို ဖြည့်ဆည်းနိုင်ရန်အတွက် စွမ်းအင်အခြေခံအဆောက်အအုံများတည်ဆောက်ရေးသည် အဓိက ကိစ္စတစ် ရပ်ဖြစ်လာကြောင်း သိရသည်။ ၂၀၁၆ ခုနှစ်အထိ မြန်မာနိုင်ငံအစိုးရသည် လျှပ်စစ်စွမ်းအားကို တစ်နိုင်ငံလုံး၏ ၃၇ ရာခိုင်နှုန်းကို ပေးဝေနိုင်ခဲ့ပြီး လာမည့် ၂ဝ၃ဝ ပြည့်နှစ်တွင် ၁၀၀ ရာခိုင်နှုန်းအပြည့် တိုးမြှင့်လာနိုင်ရန် ရည်မှန်းထားကြောင်း သိရသည်။

မြန်မာအပါအဝင် အိန္ဒိယ၊ ထိုင်း၊ တရုတ်၊ ကိုရီးယား၊ မလေးရှား၊ ဗီယက်နမ်၊ ထိုင်ဝမ် အစရှိသည့် နိုင်ငံ ပေါင်း ရှစ်နိုင်ငံမှ ပြခန်းပေါင်း ၁၇၃ ခန်းပါဝင်သည့် ကားပိုင်းဆိုင်ရာ နှင့် ပါဝါပိုင်းဆိုင်ရာ ပြပွဲကြီးကို ရန်ကုန်မြို့ တပ်မတော်ခန်းမ၌ စက်တင်ဘာလ ၂၈ ရက်မှ အောက်တိုဘာလ ၁ ရက်နေ့အထိ ကျင်းပသွားမည်ဖြစ်ကြောင်း သိရသည်။

“ဒီပြပွဲမှာ ထိုင်းနိုင်ငံက ကုမ္ပဏီတွေ ပထမဦးဆုံး အကြိမ် ပါဝင်ပြသလာပါတယ်။ ပြပွဲမှာ နာမည်ကြီးအမှတ်တံ ဆိပ်လည်း ပါဝင်တဲ့အတွက် လာရောက်လေ့လာ ကြည့်ရှုသူတွေ အနေနဲ့လည်း အကောင်းဆုံးသော အတွေ့အကြုံတွေရမယ်လို့ မျှော်လင့်ပါတယ်”ဟု Taipei World Trade Center မှ တာဝန်ရှိသူတစ်ဦးက ပြောသည်။
အဆိုပါပြပွဲကို မြန်မာနိုင်ငံတွင် ကျင်းပခဲ့သည်မှာ ငါးကြိမ်မြောက်ရှိပြီဖြစ်ပြီး Taipei World Trade Center နှင့် Yorkers Trade & Service Co.,ltd တို့ ပူးပေါင်းဆောင်ရွက်ကာ ကုန်သည်များနှင့် စက်မှုလက်မှု လုပ်ငန်းရှင်များအသင်း၊ မြန်မာနိုင်ငံ စက်မှု ကုန်ထုတ်လုပ်သူများအသင်း၊ မြန်မာ့ မော်တော်ယာဉ် ထုတ်လုပ် ရေး နှင့် ဖြန့်ဖြူးရောင်းချရေးလုပ်ငန်းရှင်များအသင်း၊ ဂျီတီအိုင် ကျောင်းသားဟောင်းများအသင်းတို့က ပံ့ပိုးကူညီ ကြောင်း သိရသည်။
ပြပွဲတွင် ကားပိုင်ဆိုင်ရာနှင့်ပတ်သက်ပြီး မော်တော်ယာဉ်အစိတ်အပိုင်းများ၊ ဝန်ပင့်ယာဉ် အစားထိုးအ စိတ်အပိုင်းများ၊ နောက်တွဲယာဉ်အပိုပစ္စည်းများ၊ မော်တော်ဆိုင်ကယ်များအပါအဝင် ပါဝါစွမ်းအင်နှင့်ပတ်သက် ပြီး ပါဝါ နှင့်လျှပ်စစ်စက်ပစ္စည်းကိရိယာများ၊ စမ်းသပ်တိုင်းထွာရေးကိရိယာမျး၊ စက်မှုလုပ်ငန်းသုံး အီလက်ထရောနစ် ကိရိယာများ၊ ဘက်ထရီ နှင့်ဆဲလ်များ၊ ဆက်သွယ်ရေး ကိရိယာများအစရှိသည့် ပစ္စည်းများ ပါဝင်ကြောင်း သိရ သည်။ ပြပွဲသို့လည်း ခန့်မှန်းခြေ ဧည့်သည် ၅ဝဝဝ ခန့်ဝင်ရောက်ကြည့်ရှုမည်ဟု ခန့်မှန်းထားကြောင်း သိရသည်။
ပြည့်ရည်ဖူး (သတင်း ဓာတ်ပုံ)

More Articles ...