ယနေ့ခေတ်လူသားတို့၏ဘ၀တွင် စက်ရုပ်သည် နေရာယူလာပြီး မကြာမီချစ်သူရည်းစားနေရာကိုပင်လျှင် လုယူ လာတော့မည်ဟု လေ့လာချက်အသစ်က ဆိုလိုက်သည်။ အသက် ၁၈ နှစ်မှ ၃၄ နှစ်အတွင်း လူငယ်များကိုမေးမြန်းကြည့် ရာ ၂၇ ရာခိုင်နှုန်းက ၎င်းတို့သည် အနာ ဂတ်တစ်ချိန်ချိန်တွင် လူသားအစား စက် ရုပ်နှင့်မိတ်ဆွေဖွဲ့ရန်၊ စက်ရုပ်နှင့်တွဲရန် ဝန်လေးမည်မဟုတ်ဟု ဖြေကြားခဲ့ကြ သည်။ထိုသို့ဖြေဆိုသူများထဲတွင် အမျိုးသားများသည် အမျိုးသမီးများထက် စက် ရုပ်နှင့် ပိုမိုချစ်ကြိုက်လိုကြသည်ဟု ယူဆ ရသည်။ စက်ရုပ်နှင့်နည်းပညာအပေါ် အနာဂတ်တွင် လူသားများ မည်သို့သဘောထားလာမည်ဆိုသည်ကို ပြင်သစ်အခြေ စိုက်အဖွဲ့က လေ့လာခဲ့ခြင်းဖြစ်သည်။ ကမ္ဘာတစ်လွှားရှိ လူငယ်ပေါင်း ၁၂၀၀၀ ၏ သဘောထားကို မေးမြန်းကြည့်အပြီးတွင်မှ ယင်းလေ့လာချက်ကိုထုတ်ပြန်ခဲ့ခြင်းဖြစ်သည်။
ဗြိတိန်တွင် စက်ရုပ်ချစ်သူကို လက်ခံနိုင်ကြောင်း ဖြေဆိုသည့် အမျိုးသားများသည်အမျိုးသမီးများထက် ပိုများနေခြင်း ဖြစ်သည်။ ထို့ပြင် အမျိုးသားများသည် လက်တွေ့လောကတွင် နေထိုင်ခြင်းထက် လူမှုကွန်ရက်တွင်နေထိုင်ပြောဆိုဆက်သွယ်ရသည်ကိုပိုမို သဘောကျကြောင်း ဖြေဆိုကြသည်။ ယခုဆိုလျှင် လိင်ဖျော်ဖြေရေးစက်ရုပ်မများသည် အလွန်ခေတ်စားနေပြီဖြစ်သည်။
( DM , 8.12.2017)

မြို့တော်ဝန်ဟောင်းကတော် ပလက်ဖောင်းတွင် လဲကျသွားကာရင်သား အတုကွဲထွက်သွားသဖြင့် အမေရိကန်ပြည်ထောင်စုဆန်ဒီယေဂိုမြို့က ဒေါ်လာ ၈၅ ၀၀၀ နစ်နာကြေး ပေးရတော့မည်ဖြစ်သည်။ ၂၀၁၅ ခုနှစ် ဇူလိုင်လ ၃၁ ရက် တွင်မိမိသည် လက်တစ်ဖက်တွင် စာရွက် စာတမ်းများနှင့် အခြားလက်တစ်ဖက်က ဖုန်းကိုင်ပြီး ပလက်ဖောင်းတွင် လမ်း လျှောက်နေစဉ် ချော်လဲကျသွားခဲ့ကြောင်း၊ လက်နှစ်ဖက်လုံးမအားသဖြင့် မိမိမှာ လက်မထောက်လိုက်နိုင်ဘဲ ရင် ဘတ်သည် ပလက်ဖောင်းပေါ် ဘုန်းခနဲ ကျသွားတော့ကြောင်း၊ ထိုသို့ လဲကျ သွားသဖြင့် မိမိရင်သားအတုမှာ ကွဲထွက်သွားတော့ကြောင်း အသက် ၇၀ အရွယ် စင်သီယာဟတ်ဂ်ျကွတ်ခ်က ဆိုသည်။
ထို့ကြောင့်မြို့အုပ်ချုပ်ရေးအဖွဲ့ ဒေါ်လာ ၈၅၀၀၀ လျော်ကြေးပေးရန် တရားသူကြီးက အမိန့်ချမှတ်လိုက်တော့ သည်။ ခွဲစိတ်ထည့်ထားသည့် ရင်သားအတု ကွဲသွားသဖြင့် မိမိသည် ရင်သား အတုအသစ် ခွဲစိတ်ထည့်လိုက်ရကာ ဒေါ်လာ ၂၀၀၀၀ နီးပါး ကုန်သွားခဲ့သည်ဟု ၎င်းကဆိုသည်။ ၎င်းခင်ပွန်းမြို့တော်ဝန်ဟောင်းကလည်း မိမိသည် ဇနီးကို အိမ် တွင် ပြုစုလိုက်ရသဖြင့် အလုပ်မလုပ် နိုင်ဘဲ ဝင်ငွေမရတော့ကြောင်း ဆိုသည်။ ထို့ကြောင့် ခွဲစိတ်ခ ဒေါ်လာ ၂၀၀၀၀ နှင့် စိတ်ရောကိုယ်ပါ ပင်ပန်းဆင်းရဲခဲ့ရသည့် အတွက် ဒေါ်လာ ၆၅၀၀၀ ပေးရန် ၎င်း တို့က တရားရုံးတွင်လျှောက်ထားခဲ့ခြင်း ဖြစ်သည်။ ရင်သားအတုသည် သက်တမ်း နှစ် ၂၀ ကျော်ပြီဖြစ်၍ ၂၀၁၂ ခုနှစ်က တည်းကပင် ပေါက်ပြဲနေပြီဖြစ်ကာ လဲ သင့်နေပြီဖြစ်ကြောင်း၊ လဲကျမှ ကွဲထွက် သွားခြင်းမဟုတ်ကြောင်း မြို့တာဝန်ရှိသူများက လျှောက်လဲသော်လည်း တရားသူကြီးက လက်မခံပေ။ ထို့ကြောင့် ၎င်းတို့က အယူခံဝင်သွားရန်ပြင်ဆင်နေပြီ ဖြစ်သည်။
( DM , 9.12.2017)

၂၀၁၇ ခုနှစ်၏ ကွန်ဖြူးရှပ်ငြိမ်းချမ်းရေးဆုအတွက် ပဏာမရွေးချယ်ခံရသူ များစာရင်းထဲတွင် ဖိလစ်ပိုင်သမ္မတဒူတာတီနှင့် ကမ္ဘောဒီးယားဝန်ကြီးချုပ်ဟွန်ဆင်တို့ပါဝင်လာခဲ့သည်ဟု သိရသည်။
၂၀၁၀ ပြည့်နှစ်က ဘေဂျင်းမြို့အ ခြေစိုက်ပညာရှင်အဖွဲ့တစ်ဖွဲ့က စတင် ပေးအပ်ခဲ့သောကွန်ဖြူးရှပ်ငြိမ်းချမ်းရေးဆုသည် တရုတ်အစိုးရဆန့်ကျင်ရေးသ မားလူရှောက်ဘိုကို နိုဘယ်လ်ငြိမ်းချမ်း ရေးဆုပေးအပ်ချီးမြှင့်မှုကို ဆန့်ကျင်သည့်အနေဖြင့် ပေါ်ပေါက်လာခဲ့ခြင်းဖြစ်သည်။ ဆုချီးမြှင့်ရေးကော်မတီဥက္ကဋ္ဌထန်ချန်လူ က ဆု၏ရည်ရွယ်ချက်သည် အရှေ့တိုင်း ရှုထောင့်မှနေ၍ ကမ္ဘာကြီး၏ငြိမ်းချမ်းရေး ကို မြှင့်တင်ပေးရန်ဖြစ်သည်ဟု ဆိုခဲ့သည်။ ကွန်ဖြူးရှပ်ငြိမ်းချမ်းရေးဆုကိုနှစ်စဉ်ပေးအပ်ချီးမြှင့်ခဲ့ပြီး ၂၀၁၀ ပြည့်နှစ် တွင် လင်ချန်၊၂၀၁၁ တွင် ဗလာဒီမာပူတင်၊ ၂၀၁၂ တွင် ကိုဖီအာနန်၊၂၀၁၄ တွင် ဖီဒဲလ်ကတ်စထရို၊၂၀၁၅ တွင် ရောဘတ်မူ ဂါဘီတို့ အသီးသီးရရှိခဲ့သည်။ တရုတ်နိုင်ငံခြားရေးဝန်ကြီးက အဆိုပါဆုသည် တ ရုတ်အစိုးရနှင့် ပတ်သက်ဆက်နွှယ်ခြင်း မရှိဟု ငြင်းဆိုခဲ့ပြီးနောက် ရွေးချယ်ရေး ကော်မတီကို တရုတ်နိုင်ငံတကာငြိမ်းချမ်း ရေးသုတေသနစင်တာဟု အမည်ပြောင်းကာ ဟောင်ကောင်တွင် ပြောင်းရွှေ့အခြေစိုက်ခဲ့သည်။ယခုနှစ်အတွက်ဆုချီးမြှင့်ရန် ပဏာမစာရင်း၌ပါဝင်လာသူများထဲမှ ဒူတာတီသည် ၎င်း၏လူအသေအပျောက်များခဲ့သောမူးယစ်တိုက်ပွဲကြောင့် လူ့အခွင့်အရေးအဖွဲ့များနှင့်ကမ္ဘာ့ခေါင်ဆောင် များ၏ဝေဖန်မှုကိုခံနေရသူဖြစ်သည်။ ကမ္ဘောဒီးယားဝန်ကြီးချုပ်ဟွန်ဆင်မှာလည်း ၁၉၈၅ ခုနှစ်ကတည်းက ဝန်ကြီးချုပ်တာ ဝန်ထမ်းဆောင်ခဲ့ခြင်းဖြစ်ပြီး အတိုက်အခံများကို ဖိနှိပ်မှုများပြုလုပ်နေသူဖြစ်သည်။ကွန်ဖြူးရှပ်ငြိမ်းချမ်းရေးဆု ဆွတ်ခူးရရှိသူ ကို ယခုလနှောင်းပိုင်းတွင် ကြေညာသွားမည်ဖြစ်သည်ဟု သိရသည်။
(AP, 9.12.17)

ခင်ပွန်းသည်က အခြားလိင်ဆက်ဆံဖော်နှင့် ဖောက်ပြန်နေသည်ဟု သံသယ ဖြစ်နေသည့်အခါ သို့မဟုတ် ခင်ပွန်းက ကွန်ဒုံးအသုံးပြုရန် ငြင်းဆန်သည့်အခါ မျိုးတွင် အမျိုးသမီးများအတွက် တစ်ကိုယ်ရေကူးစက်မှုကာကွယ်ရေးအသုံးအဆောင်အဖြစ် အားထားနိုင်မည့် အမျိုးသမီးသုံးလျှို့ဝှက်အကာအကွယ်ကွင်း (Vagina Ring) ကို မာလာဝီနိုင်ငံတွင် အသုံး ပြုနိုင်ရန် ကျန်းမာရေးစီမံချက်များဖြင့် တိုက်တွန်းလှုံ့ဆော်နေကြောင်း သိရသည်။ အမျိုးသမီးသုံးကွန်ဒုံးနှင့် အရွယ်အစား ဆင်တူသည့် ဆီလီကွန်းကွင်းဖြစ်ပြီး ၎င်း တွင် HIV ဗိုင်းရပ်စ်ကူးစက်မှု ဟန့်တား ပေးနိုင်မည့်ဆေးဖြစ်သည့် Dapivirine 25 mg ပါရှိသဖြင့် အမျိုးသမီးများ၏ လိင် ပိုင်းဆိုင်ရာ ကူးစက်မှုရောဂါများအတွက် ကာကွယ်နိုင်မည်ဖြစ်သည်။ မာလာဝီနိုင်ငံ၏ ထုံးတမ်းဓလေ့အရ အမျိုးသမီးများအ တွက် လိင်ပိုင်းဆိုင်ရာကာကွယ်မှုပေးရန် ခင်ပွန်းသည်များနှင့် ဆွေးနွေးညှိနှိုင်းမှုမျိုး လက်သင့်မခံကြခြင်းကြောင့် ယခု အမျိုးသမီးသုံးအကာအကွယ်ကွင်းမှာ ဖြေရှင်းမှုတစ်ခုဖြစ်လာနိုင်မည်ဟု လေ့ လာမှုဦးဆောင်သူဒေါက်တာအန်နယ်လင်နယ်လ်က ဆိုသည်။ တစ်ခုလျှင် ၇ဒေါ်လာ ခန့်သာကျသင့်မည့်အဆိုပါကွင်းမှာ အမျိုး သမီးများတွင် ထည့်ထားသော်လည်း လိင်ဆက်ဆံမှုတွင် အနှောင့်အယှက်မဖြစ်စေဘဲ ခင်ပွန်းသည်အမျိုးသားများပင် သတိမထားမိစေနိုင်သည့် လျှို့ဝှက်ကာကွယ် ရေးလက်နက်ဖြစ်ကြောင်း ဒေါက်တာနယ်လ်က ဆိုသည်။ အသက် ၁၈နှစ်မှ ၄၅ နှစ်ကြား အမျိုးသမီး ၂၆၀၀ ဦးနှင့် လေ့လာမှုများအရ Dapivirine ပါရှိသည့် အဆိုပါကွင်းထည့် သူအမျိုးသမီးများတွင် ၂၅ ရာခိုင်နှုန်းအောက်သာ HIV ကူး စက်မှုရှိခဲ့ပြီး ကျန်ရာခိုင်နှုန်းမှာ ကာကွယ် မှုအောင်မြင်ထိရောက်ကြောင်း တွေ့ရှိ ထားခဲ့ပြီး အထိုက်အလျောက်ထိရောက်မှု ရှိစေသည့် အကာအကွယ်ဖြစ်ကြောင်း ဒေါက်တာနယ်လ်က ဆိုသည်။ မာလာဝီ နိုင်ငံ၏ အမျိုးသမီးလူဦးရေစုစုပေါင်း၏ ၁၀ ရာခိုင်နှုန်းမှာ လိင်ပိုင်းဆိုင်ရာအကာကွယ်မဲ့ဆက်ဆံမှုထုံး တမ်းဓလေ့ကြောင့် HIV ကူးစက်ခံနေရပြီး AIDSကြောင့် အသက်ဆုံးရှုံးရသူ ၂၄၀၀၀ ဦး ရှိခဲ့ကြောင်း ၂၀၁၆ ခုနှစ် UNAIDSစစ်တမ်းများအရ သိရသည်။
(DM, 8.12.2017)

အိန္ဒိယသမုဒ္ဒရာအရှေ့ပိုင်းကနေ ဩစတြေးလျနိုင်ငံအနီး အနောက်ဘက် ပစိဖိတ်သမုဒ္ဒရာထိ ကျက်စားနေထိုင်လေ့ ရှိတဲ့ ထင်းရှူးသီးငါး သို့မဟုတ် ပိုင်းကုန်း ငါး (Pinecone Fish)) က ထူးခြားတဲ့ ပင်လယ်နေရေသတ္တဝါတစ်မျိုးဖြစ်ပြီး ခန္ဓာကိုယ်တစ်ခုလုံးကို သံချပ်ကာဝတ် ထားသည့်အလား ကာကွယ်ထားတဲ့ အရိုး ပြားတွေနဲ့ကာကွယ်ပေးထားတာဖြစ်ပါ တယ်။ သမုဒ္ဒရာရေနက်ပိုင်းမှာ ကျက်စား နေထိုင်ပြီး ညပိုင်းအချိန်မှာသာ အပြင် ထွက်လေ့ရှိတဲ့ ငါးဖြစ်ပါတယ်။ နာနတ်သီးငါး (Pinecone Fish)) လို့လည်း လူသိများပြီး သတ္တဗေဒအမည်ကတော့ Cleidopus gloriamari လို့သိရပါတယ်။ ၈ ဒသမ ၇ လက်မထိရှည်တဲ့ငါး ဖြစ်ပြီး အသက်အရွယ်ကြီးလာတာနဲ့ အမျှ စိမ်းဖန့်ဖန့်အရောင်အသွေးကနေ အနီ ရောင်အဖြစ် ပြောင်းလဲသွားတတ်ပါတယ်။ စီတီစကင်နည်းပညာကိုအသုံးပြုပြီး ဝါရှန် တန်တက္ကသိုလ်ဖရိုင်းဒေးဟာဘာဓာတ်ခွဲ ခန်းသုတေသီ မက်ကော်မန်က ဒီတွေ့ရှိ ချက်ကို တင်ပြနိုင်ခဲ့တာဖြစ်ပါတယ်။ ရေ နေသတ္တဝါတွေရဲ့ထူးခြားတဲ့ သွင်ပြင် လ က္ခဏာတွေကိုလေ့လာနေခဲ့တာဖြစ်ပြီး ပိုင်းကုန်းငါးမှာ ခုလိုတစ်ကိုယ်လုံး အရိုး ချပ်ပြားတွေနဲ့ကာရံထားတာကို တွေ့ရှိခဲ့ တာ ဖြစ်ပါတယ်။
(DM, 8.12.2017)

More Articles ...