မိဘများ အပြည့်အဝ ထိန်းချုပ်၍ရသည့် ကလေးသုံးမက်ဆင်ဂျာကို ဖေ့စ်ဘွတ်ခ်က စတင်မိတ်ဆက်လိုက်ပြီဖြစ်သည်။ ထို့ကြောင့် မိမိကလေးများ မည်သည့်အရာကိုသာ မြင်ရမည်ဆိုသည်ကို မိဘများက ထိန်းချုပ်ခွင့်ရသွားပြီဖြစ်သည်။ လက်ရှိတွင် ဖေ့စ်ဘွတ်ခ်သုံးစွဲသူသည် အနည်းဆုံးအသက် ၁၃ နှစ်ဖြစ်ရမည်ဖြစ်သည်။ သို့သော် ထို့ထက်ငယ်သည့်ကလေးများက စနက်ပ်ချက်ထ်ကဲ့သို့သော လူမှုကွန်ရက်ပလက်ဖောင်းများကို သုံးနေကြသဖြင့် ဖေ့စ်ဘွတ်ခ်မှာ ကလေးဈေးကွက်တွင် အခက်တွေ့နေရသည်။ သို့သော် ၁၃ နှစ်အောက်ကလေးများအတွက် ရည်ရွယ်သည့် ကလေးသုံးမက်ဆင်ဂျာကို စတင်လိုက်ပြီဖြစ်သည့်အတွက် ကလေးဈေးကွက်ကိုလည်း သိမ်းယူလိုက်ပြီးဖြစ်ကာ မိဘများသည်လည်း စိတ်အေးရမည်ဖြစ်သည်။ မိဘများသဘောတူလျှင် သုံး၍ရသည့် အက်ပလီကေးရှင်းများ လက်ရှိတွင်လည်း ရှိနေသည်။ ကလေးငယ်များသည် ယင်းနည်းပညာကို အခြားသောလူကြီးများကဲ့သို့ပင် ပုံမှန်သုံးစွဲနေသည်ဟု သုတေသနအရသိရကြောင့် ဖေ့စ်ဘွတ်ခ်က ဆိုသည်။ သို့သော် အရွယ်ရောက်သူများအတွက် ရည်ရွယ်ထုတ်လုပ်ထားသည့် အက်ပလီကေးရှင်းကို ကလေးများ သုံးသည့်အခါ ကလေးများ သူစိမ်းများနှင့်တွေ့ပြီး အလိမ်အညာခံရ၊ အမြတ်ထုတ်ခံရမည်ကို မိဘများက အလွန်အမင်းစိုးရိမ်ပူပန်လာကြသည်။ ထို့ကြောင့် ထိုလိုအပ်ချက်ကို ဖေ့စ်ဘွတ်ခ်က ယခုကဲ့သို့ဖြည့်ဆည်းပေးလိုက်ခြင်းဖြစ်သည်။

( Reuters, 6.12.17)

ဖိလစ်ပိုင်နိုင်ငံတွင် နာမည်ကျော်ရုပ် ရှင်မင်းသမီးမာရီယာအစ္စဘယ်လိုပက်ဇ်သည် မနီလာမြို့တွင်ကျင်းပသည့်ညီလာ ခံတစ်ခု၌ အာဏာပိုင်များအတွက်သီးသန့် ထားသောလမ်းကိုအသုံးပြုမိခဲ့သော ကြောင့် ကားမောင်းလိုင်စင်နှစ်နှစ်အပိတ် ခံခဲ့ရသည်ဟု သိရသည်။ ဒဏ်ငွေလည်းရိုက်ခံခဲ့ရသည့်လို ပက်ဇ်က ဆီးသွားချင်လွန်းသောကြောင့် ဗီအိုင်ပီလမ်းမှဖြတ်လိုက်ရခြင်းဖြစ်သည် ဟု ဆိုသည်။ဖိလစ်ပိုင်နိုင်ငံတွင် ထူးချွန် ဆုပေါင်းများစွာရရှိထားသည့်အသက် ၅၅ နှစ်အရွယ်မင်းသမီးလိုပက်ဇ်က နာရီ ပေါင်းများစွာကားမောင်းလာရသော ကြောင့် ဆီးအောင့်နေသည်ဟု ဆိုခဲ့သော် လည်း အစိုးရသယ်ယူပို့ဆောင်ရေးဌာန က လိုပက်ဇ်သည် လမ်းပိတ်ထားသည့် ကတော့ခွက်များကိုဖယ်ရှားကာ အန္တ ရာယ်ရှိသည့်အနေအထားမျိုးဖြင့် ကား မောင်းဝင်လာခဲ့သည်ဟု စွပ်စွဲထားသည်။ ယခုလအစောပိုင်း၌ကျင်းပခဲ့သည့်အာဆီ ယံအစည်းအဝေးတွင်ဖြစ်ပွားခဲ့ခြင်းဖြစ်ပြီး မိမိအသက်အန္တရာယ်အတွက်စိုးရိမ်ရရုံ သာမက ဗီအိုင်ပီလမ်းပေါ်တွင် ဂုဏ်သ ရေရှိလူကြီးများ၏လုံခြုံရေးထိခိုက်စေ သောအပြုအမူအားလုပ်ဆောင်သည့်အ တွက် လိုပက်ဇ်ကို ဒဏ်ငွေဒေါ်လာ ၁၆၀ နှင့်ကားမောင်းလိုင်စင်နှစ်နှစ်ပိတ်ခဲ့သည်။ နောက်ပိုင်းတွင် လိုပက်ဇ်က ပြန်လည် တောင်းပန်ကာ အာဏာပိုင်များအနေဖြင့် သက်ညှာပေးပါရန်အသနားခံခဲ့သည်ဟု သိရသည်။
(BBC, 1.12.2017)

ဆီးရီးယားလေယာဉ်မှူးကို အရှင်လတ်လတ် မီးရှို့သတ်နေပုံ ဗီဒီယိုဖိုင်ကို အိုင်အက်စ်အဖွဲ့က ထုတ်ပြန်လိုက်သည်။ အက်ဆမ်အစ်မောင်းနှင်သည့်လေယာဉ်ကို အိုင်အက်စ်အဖွဲ့က ပြီးခဲ့သည့်နှစ် ဧပြီလတွင် ပစ်ချခဲ့ပြီး ၎င်းကို ဖမ်းဆီးခဲ့ခြင်းဖြစ်သည်။ ၎င်းကို ဖမ်းဆီးအပြီး ၁၈ လအကြာခန့်အကြာတွင်မှ ယင်းသို့ မီးရှို့သတ်လိုက်ပုံ ဗီဒီယိုဖိုင်ကို အိုင်အက်စ်တို့ ထုတ်ပြန်လိုက်ခြင်းဖြစ်သည်။ ထိုဗီဒီယိုဖိုင်ကို မည်သည့်ရက်က ရိုက်ကူးထားသည်ကိုမူ ဖော်ပြမထားပေ။ အိုင်အက်စ်တပ်မှူးများက အထက်ပါဗီဒီယိုဖိုင်အား ထုတ်ပြန်လိုက်ခြင်းဖြစ်သည်။ လေယာဉ်မှူးသည် ခေါင်းတုံးနှင့်ဖြစ်နေပြီး ၎င်းလည်ပင်းကို အိုင်အက်စ်တစ်ဦးက သံကြိုးဖြင့်ဆွဲချည်ထားသည်ကို ဗီဒီယိုဖိုင်တွင်မြင်တွေ့ရမည်ဖြစ်သည်။ ပြီးနောက် ၎င်းအား သစ်ပင်တွင် ချည်ထားကာ မီးရှို့လိုက်တော့သည်။ အိုင်အက်စ်တို့သည် ယခင်ကလည်း လေယာဉ်မှူးတစ်ဦးကိုထိုသို့သောလူမဆန်သည့်နည်းဖြင့် ကွပ်မျက်ခဲ့ဖူးသည်။ 

( DM , 5.12.17)

မြောက်ကိုရီးယား နောက်ဆုံး ပစ်လွှတ်လိုက်သည့် ဒုံးကျည်ကို ဆန်ဖရန်စစ္စကိုမှ ဟောင်ကောင်သို့ သွားသည့် ခရီးစဉ်တွင် လှမ်းမြင်လိုက်ကြောင်း လေကြောင်းလိုင်းတစ်ခုမှဝန်ထမ်းများက ပြောကြားခဲ့သည်။ ဂျပန်ကိုဖြတ်ပျံသန်းနေစဉ်တွင် ယင်းကို မြင်ခဲ့ခြင်းဖြစ်ကြောင်း ကေသီပစိဖိတ်လေကြောင်းလိုင်းမှ ဝန်ထမ်းများက ဆိုခြင်းဖြစ်သည်။ ထို့ကြောင့် မြောက်ပစိဖိတ်ကို ဖြတ်သန်းသွားသည့် ဝန်ထမ်းများ ထိုနေရာသို့ ရောက်လျှင် သတိထားကြရန် လေကြောင်းလိုင်းက သတိပေးချက်ထုတ်ပြန်လိုက်တော့သည်။ နိုဝင်ဘာလ ၂၉ ရက်တွင် မြောက်ကိုရီးယားက နျူကလီးယားဒုံးကျည်ကို စမ်းသပ်ခဲ့ပြီး ယင်းသည် တိုက်ချင်းပစ်ဒုံးကျည်အဆင့်ရှိကာ အမေရိကန်နိုင်ငံ၏ ပင်လယ်ကမ်းခြေပိုင်းအထိ ရောက်နိုင်ဖွယ်ရှိသည်။ အကွာအဝေးအရမူ ယင်းဒုံးကျည်သည် ဝေးဝေးမသွားနိုင်ဘဲ ဂျပန်ကမ်းလွန်ပင်လယ်တွင် ကျသွားခဲ့သည်။ သို့သော်လည်း ယင်းသည် အမြင့် မိုင်ပေါင်း ၁ ၇၄၀ ကျော်အထိ ရောက်ခဲ့သည်ဟု အရာရှိများက ဆိုသည်။ ၎င်းတို့မြင်လိုက်ရသည့် အလင်းရောင်စူးစူးသည် ထိုဒုံးကျည်ဟု ဟောင်ကောင်လေကြောင်းလိုင်းမှ ဝန်ထမ်းများက ယူဆသည့်အပြင် ယင်းအချိန်တွင် ဂျပန်ပင်လယ်ကို ဖြတ်ပျံသန်းခဲ့သည့် ကိုရီးယားလေကြောင်းလိုင်းပိုင် လေယာဉ်နှစ်စင်းမှ လေယာဉ်မှူးကလည်း ယင်းကိုမြင်ခဲ့ကြောင်းဆိုကြသည်။

( DM , 5.12.17)

တောင်ကိုရီးယားနိုင်ငံရဲ့ အလှအပခွဲစိတ်ပြုပြင်မှုစွမ်းရည်ကို ပြသနေတဲ့ ရုပ်သံအစီအစဉ်မှာ ထိုင်းနိုင်ငံက အသက် ၂၂ နှစ်အရွယ် ကောင်လေးတစ်ယောက်ကို ခွဲစိတ်ပြုပြင်ပေးခဲ့ပြီး ခွဲစိတ်မှုလက်ရာ က အရမ်းကိုကောင်းမွန်ခဲ့ပြီး ယခင်ရုပ် ရည်ထက် အဆပေါင်းများစွာ ပိုမိုချောမော တဲ့လူတစ်ယောက်အဖြစ် ပြောင်းလဲသွား ခဲ့ပါတယ်။ ထိုင်းနိုင်ငံက စက်ရုံတစ်ရုံမှာ အလုပ်လုပ်ကိုင်သူဖြစ်ပြီး ရုပ်ရည်သွင်ပြင် ချို့တဲ့ရှာတဲ့ နော့ပါဂျစ်မွန်လင်ဆိုသူ ကောင်လေးက ထိုင်းဘာသာနဲ့ထုတ်လွှင့် တဲ့ Let Me In ဆိုတဲ့ ရုပ်သံအစီအစဉ်နဲ့ လိမ်ကောက်နေတဲ့မေးရိုး၊ မောက်နေတဲ့ နဖူးပြင်၊ မျက်လုံးတွေနဲ့ သွားတွေအပါ အဝင် မျက်နှာပြုပြင်မှုတွေလုပ်ပေးခဲ့တာမှာ ယခင်ကနဲ့မတူဘဲ ချောမောတဲ့ ကောင်လေးအဖြစ် အံ့အားသင့်ခဲ့ရတာဖြစ်ပါ တယ်။ ချောမောတဲ့သားအဖြစ် မိခင်ဖြစ်သူထံ ပြန်လာခဲ့တဲ့အခါ နော့ပါဂျစ်ကို မိခင်ရင်းဖြစ်သူကတောင် မမှတ်မိနိုင်ဘဲ အံ့အားသင့်သွားခဲ့ရပါတယ်။ ခွဲစိတ်ထား တဲ့ ဒဏ်ရာတွေကို အသေအချာကြည့်ပြီး မှ သားအရင်းဖြစ်တာကို ယုံကြည်ခဲ့ရကာ သားအတွက် ကြည်နူးမိပေမယ့် ယခင်က ရုပ်ဆိုးဆိုးနဲ့သားဖြစ်သူကိုပဲ လွမ်းဆွတ် နေမိတယ်လို့မိခင်ဖြစ်သူက ဆိုပါတယ်။ ရုပ်ရည်ပြောင်းလဲသွားခဲ့ပေမယ့် သူရဲ့ နှလုံးသားကတော့ မပြောင်းလဲဘဲ ယခင်က ဖေ့ဘွတ်ကနေခင်မင်ခဲ့ရာကနေ ချစ်ကြိုက်ခဲ့တဲ့ လိင်ပြောင်းအမျိုးသမီးဖြစ်တဲ့ ချစ်သူကိုပဲ မပြောင်းလဲဘဲ ဆက်ချစ်သွား မှာပါလို့ နော့ပါဂျစ်က ပြောကြားသွားခဲ့ပါတယ်။

(OC, 24.11.17)

More Articles ...