ခေါင်းတလားကို မည်သူမဆို မြင်ဖူး ကြသော်လည်း အရက်ဝင်သောက်၍ ရ သည့် ခေါင်းတလားမှာမကမ္ဘာပေါ်တွင် တစ်ခုသာရှိမည်ဟုယူဆရသည်။ ယူ ကရိန်း နိုင်ငံ ထရပ်စ်ကဗက်စ်မြို့ရှိသုဘရာဇာများက ခရီးသွားများကို ဆွဲဆောင် နိုင်ရန် ယင်းကို တည်ဆောက်လိုက်ခြင်း ဖြစ်သည်။ အလျား မီတာ ၂၀၊ အနံ ခြောက်မီတာနှင့် အမြင့် ခြောက်မီတာ ရှိသည့် ယင်းတွင် အရက်၊ ဘီယာအပြင် အမြည်းနှင့် စားသောက်ဖွယ်ရာများပါမှာယူရရှိနိုင်မည်ဖြစ်သည်။ သာမန် အရွယ် အစားရှိသည့် ခေါင်းတလားကိုစားပွဲအဖြစ် အသုံးပြုထားပြီး ထိုပေါ်တွင် အစား သောက်နှင့် အရက်များ လာချပေးမည် ဖြစ်သည်။ ထို့ပြင် ခေါင်းတလားအစစ် များကိုလည်းနံရံတွင် ထောင်ထားသေးပြီး နံရံများကိုလည်း ပန်းခွေများဖြင့် အလှ ဆင်ထားသေးသည်။
ဝိတ်တာအမျိုးသမီးများကလည်း ထိုအပြင်အဆင်နှင့်လိုက်ဖက်စွာဝတ်စားမည်ဟုသုဘရာဇာများကဆိုသည်။ အယူ အစွဲကြီးသူများကထိုနေရာကို ဝေးဝေး ရှောင်ကြမည်ဖြစ်သော်လည်း စပ်စု ကြည့်လိုသူ၊ အယူအစွဲမကြီးသူများ ထိုနေ ရာတွင် ကျိတ်ကျိတ်တိုးနေကြမည်မှာ အသေအချာပင်ဖြစ်သည်။
( DM, 7.10.17)

အင်ဒိုနီးရှားနိုင်ငံ၊ ဆူမားတြားကျွန်း၊ ဘာတန်ဂန်ဆယ်ခရိုင်မှာ အရှည် ၂၆ပေ ရှိတဲ့ ဧရာမစပါးအုံးမြွေကြီးကိုဖမ်းဆီးခဲ့ တယ်လို့သိရပါတယ်။ ကျေးရွာလုံခြုံရေး အရာရှိဖြစ်သူ ရောဘတ်နာဘာဘန်က ရွာနားက ဆီအုန်းခြံတွေနားမှာ လှည့် လည်စစ်ဆေးနေတုန်း ဒီဧရာမစပါးအုံးမြွေကြီးနဲ့တိုးခဲ့ပြီး စပါးအုံးမြွေတိုက် ခိုက်တာကိုပြန်လည်ခုခံ တိုက်ခိုက်ရင်း လက်မောင်းမှာတောင် ဒဏ်ရာ အပြင်းအထန်ရရှိခဲ့တယ်လို့သိရပါတယ်။ အသက် ၃၇နှစ်အရွယ် လုံခြုံရေးအရာရှိနာဘာဘန် က မြွေဖမ်းပြီး မြွေသားစားတာကို ခုံမင် သူဖြစ်တာကြောင့် ဆီအုန်းခြံနားမှာ ဒီမြွေ နဲ့တိုးပြီးဖမ်းဖို့လုပ်ရာမှာ မြွေက ပြန်ကိုက် ခဲ့တာကြောင့် လက်မောင်းမှာ ဒဏ်ရာ အပြင်းအထန်ရခဲ့တယ်လို့ ရဲအရာရှိဆူ တာဂျာက ဆိုပါတယ်။ နောက်ထပ်လုံခြုံရေးအရာရှိတစ်ဦးနဲ့ ရွာသားတွေ ရောက်လာပြီး ဝိုင်းဝန်းတိုက်ခိုက်ရာမှာ တစ်ယောက်က မြွေကိုသစ်တုံးနဲ့ပစ်လိုက် တာကြောင့် နာဘာဘန်အသက်ရှင်ခွင့်ရခဲ့တာလို့သိရပါတယ်။ နာဘာဘန်ကို အ နီးအနားက ဆေးရုံကို အရေးပေါ်ပို့ဆောင် ကုသပေးခဲ့ရတယ်လို့ သိရပါတယ်။ ရွာ သားတွေက မြွေကိုသတ်လိုက်ပြီး ရွာ လယ်မှာ ချိတ်ပြထားပြီးတဲ့နောက် မြွေကို အမဲဖျက်ကာ ရွာထဲမှာ ဝေငှချက်ပြုတ် စားသောက်ခဲ့ကြတယ်လို့သိရပါတယ်။ ပေ ၂၀လောက်ရှည်တဲ့ ဧရာမစပါးအုံးမြွေ တွေကို အင်ဒိုနီးရှားနဲ့ဖိလစ်ပိုင်နိုင်ငံတွေ မှာ တွေ့ရလေ့ရှိပြီး မတ်လတုန်းကလည်း ၂၅နှစ်အရွယ် အင်ဒိုနီးရှားလယ်သမား တစ်ဦး စပါးအုံး မြွေမြိုခံရကာ သေဆုံးခဲ့ရ တယ်လို့သိရပါတယ်။
BBC, 7.10.17

သံသာ

အမေရိကန်နိုင်ငံ၊ ဆောက်သ်ဒါကို တာပြည်နယ်၊ ဆော့ဖောမြို့က စိန့်ဘာ နက်အမျိုးအစား ခွေးလေး မိုချီမိုရစ်ကာ့ လေးက လျှာအရှည်ဆုံးခွေးလေးအဖြစ် ကမ္ဘာ့စံချိန်တင်သွားခဲ့တယ်လို့သိရပါ တယ်။ လျှာအရှည်က ၇ဒသမ၃၁ လက်မရှိခဲ့ပြီး ကမ္ဘာ့လျှာအရှည်ဆုံးခွေး လေးအဖြစ် စံချိန်တင်သွားခဲ့တာပါ။ မိုချီ လေးက ယဉ်ပါးတဲ့ခွေးလေးဖြစ်ပြီး အိမ် နီးနားချင်းတွေ ဖြတ်သွားရင်းဓာတ်ပုံအတူ ရိုက်တာတောင် မငြိုငြင်တဲ့ခွေးလေးဖြစ် ပါတယ်။ မိုချီလေးရဲ့ ကမ္ဘာ့မှတ်တမ်းဝင် နိုင်မှုအတွက် ဂုဏ်ယူမိပြီး အမှတ်တရ အဖြစ်ကျန်ရစ်မှာဖြစ်ကြောင်း၊ မိုချီလေး ကြောင့် မြင်သူတိုင်းကြည်နူးပြုံးပျော် သွားရရင်ကိုပဲ ကျေနပ်ပျော်ရွှင်မိပါ ကြောင်း မိုချီလေးရဲ့သခင်မ ကလာရာ ရစ်ကာ့ကဆိုပါတယ်။ မိုချီလေးက မှုန်ပြ တဲ့အသွင်ရှိပေမယ့် လူတိုင်းနဲ့ရင်းနှီးတဲ့ ချစ်စရာခွေးလေးဖြစ်ပြီး သာမန်ထက် လွန်ကဲစွာရှည်လျားနေတဲ့လျှာကြောင့် တခါတရံ အသက်ရှူရခက်တဲ့ပြဿနာဖြစ် ပြီး ပစ္စည်းတွေကိုလည်း ကိုက်ချီယူဖို့ အတွက် အခက်အခဲဖြစ်နေရတယ်လို့ ကလာရာက ဆိုပါတယ်။ မိုချီလေးက အသက် ရှစ်နှစ်အရွယ်ရှိပြီဖြစ်ပြီး ယခုလို စံချိန်တင်နိုင်ခဲ့တာက မိသားစုအတွက် အမြဲအမှတ်တရအဖြစ်ကျန်ရစ်နေမှာပါ လို့ ကလာရာက ဆိုပါတယ်။
DM, 6.10.17

သံသာ

အမေရိကန်ကားကုမ္ပဏီ အပ်တရာ မော်တော်ကလောင်စာဆီပြဿနာအတွက် နည်းသစ်တစ်ခု ရှာပေးလိုက်ပြီဖြစ်သည်။ ဘီးသုံးဘီးပါသည့်အမိုက်စားကားလေးက လောင်စာဆီ ၁ လီတာတည်းဖြင့် ကီလိုမီတာ ၁၀၀ သွားနိုင်ကာတစ်နာရီ ၈၈ ဒသမ ၅ ကီလိုမီတာနှုန်းဖြင့် သွား နိုင်သည်။ ပုံတွင်မြင်တွေ့ရသည့် အတိုင်း ပင် ကားဒီဇိုင်းမှာ အပျံစားဖြစ်သည်။ ထို ကား ဒီဇိုင်းမှာ လိုချင်စဖွယ်ကောင်း သကဲ့သို့ တစ်နာရီ ကီလိုမီတာ ၁၀၀ ဆို သည့် နှုန်းကိုလည်း၁၀ စက္ကန့်အတွင်း ရောက်နိုင်သေးသည်။ ကား၏ကိုယ်ထည် အလေးချိန်အလွန်တရာပေါ့ပါးခြင်း၊ ကိုယ်ထည်ဒီဇိုင်းမှာ လေဟုန်ကို ခွင်း နိုင်သည့်ဒီဇိုင်းဖြစ်ခြင်းနှင့် နည်းပညာမြင့် နှစ်မျိုးစပ် တွန်းအားစနစ်တို့ တပ်ဆင် ထားခြင်းတို့ကြောင့် ယင်းသုံးဘီးကား သည် ထိုသို့ စွမ်းဆောင်ရည် မြင့်မားခြင်း ဖြစ်သည်။
ထိုကားကို မှာလိုသည်ဆိုပါက အပ် တရာ၏ တရားဝင်စာမျက်နှာတွင် ကြို တင်ငွေ ဒေါ်လာ ၅၀၀ ပေးကာ ကြိုမှာရုံ ပင်ဖြစ်သည်။ ကားတန်ဖိုးမှာဒေါ်လာ ၃၀ ၀၀၀ ဝန်းကျင်ခန့်ဖြစ်ပြီး ကား မှာအပြီး တစ်နှစ်အတွင်းမိမိလက်ထဲ ကားရောက် လာမည်ဖြစ်သည်။
DM , 7.10.17

ချယ်ရီ

အမေရိကန်နိုင်ငံ၊ တက္ကဆက်ပြည် နယ်၊ ဟူစတန်မြို့က ကလော်ဒီရာဆီယာ ရာဆိုသူ အသက် ၄၂နှစ်အရွယ်အမျိုး သမီးက ရင်သားကင်ဆာခံစားခဲ့ရပြီး ကင်ဆာအခြေအနေကို ကုသကျော်လွှား အောင်မြင်နိုင်ခဲ့ပြီးနောက် အမေရိကန် သမ္မတကတော်မီလာနီယာထရမ့်နဲ့ ရုပ် ချင်းဆင်တူအောင် ဒေါ်လာ ၅၀၀၀၀ အကုန်အကျခံ ခွဲစိတ်ပြုပြင်ခဲ့ပါတယ်။ ငယ်စဉ်ကတည်း ရုပ်ဆိုးမလေးအဖြစ် ဝိုင်းဝန်းလှောင်ပြောင်ခံခဲ့ရပြီး အသက် ကြီးလာတော့လည်း ကင်ဆာဝေဒနာဖိစီး မှုကြောင့် အသားအရေမွဲခြောက်ကာ မျက်နှာအသွင်အပြင်ကလည်း အားရစ ရာမရှိဘဲ စိတ်ပျက်အားငယ်နေခဲ့ရပြီး စိတ်ပိုင်းဆိုင်ရာပြဿနာတွေလည်း ကြုံ တွေ့ခံစားနေခဲ့ရတာကြောင့် စိတ်ဓာတ် ကြံ့ခိုင်ပြီး ဘ၀သစ်မှာ နေထိုင်ဖို့ရာ အတွက် ရုန်းကန်မှုတွေထဲက ကြံ့ကြံ့ခံ ကျော်လွှားနိုင်ခဲ့သူ မီလာနီယာရဲ့ သန်မာ ပြီးစွမ်းအားကြီးမားရုံသာမက ကျက်သ ရေရှိလှတဲ့အမျိုးသမီးဘ၀ကိုအားကျမိခဲ့ ပြီး မီလာနီယာထရမ့်နဲ့ရုပ်ချင်းဆင်တူ အောင်ခွဲစိတ်ပြုပြင်မှုတွေပြုလုပ်ခဲ့တာလို့ ကလောဒီရာက ဆိုပါတယ်။ ခွဲစိတ်ပြု ပြင်မှုအတွက် နှာခေါင်းရိုးကိုလည်းချိုးကာ ပုံပြန်သွင်းခဲ့ရပြီး ပါးတွေကိုလည်းဆွဲတင်း ခဲ့တဲ့အပြင် ရင်တုတပ်ကာ တင်သားပင့် တင်မှုနဲ့ အဆီဖယ်ရှားမှုတွေလည်း ပြုလုပ်ခဲ့ရတယ်လို့ ကလော်ဒီရာက ဆိုပါ တယ်။ ခွဲစိတ်မှုရလဒ်ကိုကျေနပ်ပြီး ငယ် ငယ်တုန်းက ရုပ်ဆိုးလို့နှိမ်ခဲ့တဲ့ကောင် လေးဖြစ်တဲ့ အမျိုးသားတစ်ဦးကတောင် ချိန်းတွေ့ဖို့တောင်းဆိုခဲ့တယ်လို့ ကလော် ဒီရာက ဂုဏ်ယူစွာနဲ့ပြောကြားခဲ့ပါတယ်။
DM, 6.10.17

သံသာ

More Articles ...