ပိုလန်နိုင်ငံ ဝါဆောမြို့တွင် ကမ္ဘာ့ ဝှီးလ်ချဲအလှမယ်ပြိုင်ပွဲကြီးကို ပထမဦး ဆုံးအကြိမ် ကျင်းပသွားပြီးဘယ်လာရုစ်သူ အလက်ဆန်ဒရာချီချီကိုဗာက ပထမဆု ဆွတ်ခူးသွားခဲ့ကြောင်း သိရသည်။ တစ်မူ ထူးခြားလှသည့် အထက်ပါ အလှမယ်ပြိုင် ပွဲကြီးတွင်ဆုရသွားသူမှာ စိတ်ပညာ အထူးပြုကျောင်းသူတစ်ဦးဖြစ်သည်။ မသန်စွမ်းအမျိုးသမီးနှစ်ဦး စတင် တည် ထောင်ခဲ့သည့် ပိုလန်အဖွဲ့အစည်း တစ်ခု က ယင်းကို ကျင်းပခြင်းဖြစ်သည်။ မသန် စွမ်းများအပေါ်ထားသည့် လူတို့၏အမြင် သဘောထားကို ပြောင်းလဲနိုင်ရန်ရည်ရွယ် ကာ ယင်းပွဲကို ကျင်းပခြင်းဖြစ်ကြောင်း အေပီသတင်းဌာနတွင် ဖော်ပြထားသည်။
ဒုတိယဆုကို တောင်အာဖရိကမှ လီဘိုဟန်မွန်ယက်ဆီက ရရှိသွားကာ တတိယဆုကို ပိုလန်နိုင်ငံမှအန်ဒရီယန် နာဇဝက်ဇင်စကာက ရရှိသွားသည်။ ဒီဇိုင်းဆန်း ရောင်စုံဂါဝန်များ ဝတ်ဆင် ထားသည့် အလှမယ်က ပြိုင်ပွဲကို ယုံ ကြည်ချက်အပြည့်ဖြင့် အလှဆင်ပေးနေ တော့သည်။
( PD , 9.10.17)

ဆွစ်ဇာလန်နိုင်ငံ Erlenbach im Simmental ဒေသ၏အရှေ့ဘက်ဝင်ဝင် ချင်းတွင်တည်ရှိသည့် Brunnlisau သေနတ်ပစ်ကွင်းသည် ကားများသွားလာနေ သည့်လမ်းမကြီးကိုအလယ်တွင်ထား၍ ဆောက်လုပ်ထားခြင်းဖြစ်သည်ဟု သိရ သည်။
လမ်း၏တစ်ဖက်ခြမ်းတွင် သေနတ် ပစ်ရုံကိုဆောက်လုပ်ထားပြီး ပစ်မှတ်များ မှာ လမ်း၏တစ်ဖက်ခြမ်း ၉၈၄ ပေအကွာ ရှိ တောင်ကုန်းလေးတစ်ခုပေါ်တွင်တည်ရှိ သည်။သေနတ်ပစ်ရုံနှင့်ပစ်မှတ်များကြား တွင် ကားများသွားလာနေသည့်လမ်းမ ကြီးရှိနေခြင်းသည် အန္တရာယ်ရှိသည်ဟု ထင်မှတ်နိုင်ဖွယ်ရာရှိသော်လည်း အားလုံး အတွက်အန္တရာယ်ကင်းစိတ်ချရသည့်သေ နတ်ပစ်ကွင်းဖြစ်သည်။သေနတ်ပစ်ရုံအ နီးတွင် လမ်းမြင်ကွင်းကိုမမြင်ရအောင် ပိတ်ထားပေးသည့်ကွန်ကရစ်နံရံကြီးကို ဆောက်လုပ်ထားသောကြောင့် သေနတ် ပစ်သူများသည် မတော်တဆပင်လျှင် လမ်းမကြီးပေါ်သို့ပစ်နိုင်စွမ်းရှိမည်မဟုတ် ပေ။ဆွစ်ဇာလန်နိုင်ငံတွင် သေနတ်ကိုင် ဆောင်မှုကိုထောက်ခံသူများပြားပြီး က မ္ဘာပေါ်တွင် ကိုယ်ပိုင်သေနတ်ပိုင်ဆိုင်မှု နှုန်းအများဆုံးနိုင်ငံများထဲမှတစ်ခုဖြစ် သည်။သို့တိုင်အောင် သေနတ်နှင့်ပတ် သက်ဆက်နွယ်၍ဖြစ်ပွားသည့်ရာဇဝတ် မှုများမှာ အံ့ဩဖွယ်ရာကောင်းလောက် အောင်နည်းပါးသည်ဟု သိရသည်။

(AP,9.10.17)

တောင်အာဖရိကမှ Sunland Baobab သစ်ပင်ကြီးသည် တောင်အာဖရိက၏ အကြီးဆုံးသစ်ပင်ကြီးများထဲမှ တစ်ခုအ ဖြစ်လူသိများပြီး အဝန်း ၁၅၄ ပေနှင့် အမြင့် ၇၂ ပေရှိသည်။ သစ်ပင်ကြီး၏အ ရွယ်အစားကြီးမားမှုထက် သစ်ပင်ကြီး၏ ပင်စည်ထဲတွင် ဖွင့်လှစ်ထားသည့်အရက် ဘားသည် လူစိတ်ဝင်စားခံရဆုံးဖြစ်သည်။ အရက်ဘားဖွင့်လှစ်နိုင်အောင် သစ်ပင် ကြီးကို ခေါင်းပွပြုလုပ်ခဲ့ခြင်းမဟုတ်ဘဲ Baobab သစ်ပင်မျိုးစိတ်များသည် သ ဘာ၀အားဖြင့် ခေါင်းပွများဖြစ်သည်။ ၁၉၃၃ ခုနှစ်တွင် သစ်ပင်ကြီး၏ပင်စည် ထဲ၌ အရက်ဘားဖွင့်လှစ်ခဲ့ပြီး ယနေ့ထိ တိုင်အောင် လူကြိုက်များစည်ကားသည့် နေရာတစ်ခုဖြစ်နေဆဲဖြစ်သည်။ သစ်ပင် ထဲမှအရက်ဘား၏ မျက်နှာကြက်သည် ၁၃ ပေအမြင့်ရှိပြီး အနည်းဆုံးလူ ၁၅ ဦး အသာလေးဝင်ဆံ့သည်။ သစ်ပင်ကြီးသည် Van Heerden မိသားစုပိုင်ဆိုင် သည့် မြေပေါ်တွင်တည်ရှိပြီး ၎င်းတို့ မိသားစုကပင် သစ်ကြီးကို ထိန်းသိမ်း စောင့်ရှောက်ခဲ့ကြခြင်းဖြစ်သည်။ ယင်း Baobab သစ်ပင်ကြီးသည် ကမ္ဘာပေါ်တွင် သက်တမ်းအရင့် ဆုံးသစ်ပင်များထဲမှတစ် ခုအပါအဝင်ဖြစ်ပြီး နှစ်ပေါင်း ၆၀၀၀ ခန့် သက်တမ်းရှိနေပြီဖြစ်သည်ဟု ခန့်မှန်းရ ကြောင်း သိရသည်။
(AP, 9.10.17)

ခင်ပွန်းအများစုက ပန်းများ၊ ချောက လက်များဖြင့် မိမိတို့၏ အမှားများအတွက် ဇနီးသည်ကို တောင်းပန်လေ့ရှိကြသော် လည်း တရုတ်နိုင်ငံ စီချွမ်ပြည်နယ် ကွမ် ယန်မြို့မှ ဝမ်ဟုသာသိရသည့် အမျိုးသား တစ်ဦးသည် မိမိအမှားအတွက်မည်မျှ နောင်တရကြောင်းကြေညာရန် တက္ကစီ ကားပေါင်း ၆၀၀ ကျော်၏ ဆိုင်းဘုတ်များ တွင် ကြော်ငြာထည့်ခဲ့သည်ဟု သိရသည်။
၎င်းအမျိုးသားသည် မကြာသေးမီ ကမှ ဇနီးသည်နှင့်ရန်ဖြစ်ကာ ဇနီးက အိမ် မှထွက်သွားခြင်းဖြစ်သည်။ ဇနီးကို အိမ် ပြန်ခေါ်ရန်အတွက် ဝမ်အမည်ရှိအမျိုး သားသည် မြို့အတွင်းရှိ တက္ကစီကား ပေါင်း ၆၂၆ စီး၏ ကြော်ငြာဆိုင်းဘုတ်များ တွင် ဒေါ်လာ ၄၅၀ ကျော်အကုန်အကျခံကာ ကြော်ငြာထည့်၍ တက္ကစီများကို ''မိန်းမ ကိုယ်မှားပါတယ်။ ကိုယ့်ကိုခွင့်လွှတ်ပါကွာ'' ဟူသောစာတန်းဖြင့် မြို့အနှံ့လှည့်လည် ကားဆွဲစေခဲ့သည်။ မည်သို့ပင်ဖြစ်စေ ၎င်း ၏နည်းလမ်းမှာလည်း အသုံးဝင်ခဲ့ပြီး ဇနီး သည်ထံမှ ဖုန်းလက်ခံရရှိခဲ့သည်ဟု ပြည် တွင်းမီဒီယာများတွင် ဖော်ပြထားသည်။ ပြီး ခဲ့သည့်နှစ်ကလည်း စီချွန်ပြည်နယ်၏ အ ခြားမြို့တစ်မြို့တွင် အမျိုးသားတစ်ဦး သည် တက္ကစီကားပေါင်း ၁၀၀၀ ကျော် တွင် ကြော်ငြာထည့်၍ ဇနီးသည်ကို ပြန် လည်တောင်းပန်ခဲ့ဖူးသည်ဟု သိရသည်။

(AP,6.10.17)

အမေရိကန်နိုင်ငံ၊ မင်နီဆိုးတာပြည် နယ်က အကြင်နာတရားကြီးမားတဲ့ လယ် သမားတစ်ဦးက ပြန်ပေးဆွဲခံသွားရတဲ့၁၅ နှစ်အရွယ် မိန်းကလေးကို ကယ်ဆယ်ကူ ညီပေးခဲ့တဲ့အတွက် ဒေါ်လာ ၇၀၀၀ ဆု ကြေးငွေချီးမြှင့်ခံခဲ့ရပေမယ့် ရရှိတဲ့ဆု ကြေးငွေအားလုံးကို အဆိုပါပြန်ပေးဆွဲခံမိန်းကလေးကိုပဲပေးပြီး ကူညီလိုက်တယ် လို့သိရပါတယ်။ တစ်လနီးပါးလောက် ပြန် ပေးဆွဲခံခဲ့ရပြီး အမျိုးသားသုံးဦးရဲ့ အဓမ္မ ကျင့်မှုခံခဲ့ရတဲ့ ၁၅ နှစ်အရွယ် မိန်းကလေး ဂျက်စမင်ဘလော့ခ်ကို အသက် ၆၅နှစ်အ ရွယ် လယ်သမားကြီး အားလ်မားချက်က ကူညီကယ်ဆယ်ပေးခဲ့တာဖြစ်ပြီး ဂျက်စ မင်ရဲ့ မိသားစုနဲ့အမည်မသိလှူဒါန်းသူ တစ်ဦးက ဆုကြေးငွေထုတ်ပြန်ထားခဲ့တဲ့ ဒေါ်လာ ၇၀၀၀ ကို အားလ်မားချက်ကို ပေးခဲ့ပေမယ့် အားလ်က လက်သင့်မခံ ဘဲဂျက်စမင်အတွက် အသုံးပြုဖို့ပြန်လည် ပေးအပ်ခဲ့တာဖြစ်ပါတယ်။ ပြန်ပေးသမား နှစ်ဦးက အစားအစာထွက်ဝယ်နေပြီး အ စောင့်တစ်ဦးသာ ကျန်ခဲ့ချိန်မှာ ဂျက်စမင် က ထွက်ပြေးလာနိုင်ခဲ့ပြီး မြစ်ကိုဖြတ် ကူး ခဲ့ပြီး အားလ်အလုပ်ကနေ ကားမောင်းပြန် လာတဲ့ လမ်းခုလတ်မှာတွေ့ဆုံပြီး ကယ် တင်လာခဲ့တာဖြစ်ပါတယ်။ ခုလိုကူညီ ပေး ခဲ့တဲ့အပြင် ဆုကြေးငွေကိုလည်း လက်မ ခံတဲ့ အားလ်ကို ဂျက်စမင်နဲ့မိသားစုက သူ ရဲကောင်းအဖြစ် ချီးမွမ်းကာ ကျေးဇူးတင် မဆုံးဖြစ်နေခဲ့ပါတယ်။ တရားခံဖြစ်သူ ပြန် ပေးသမားသုံးဦးကိုလည်း ဖမ်းဆီးထားခဲ့ ပြီး ပြန်ပေးဆွဲမှု၊ လိင်ပိုင်းဆိုင်ရာ စော်ကား မှု၊ အကျဉ်းချမှုစတာတွေနဲ့ တရားစွဲဆို ထားတယ်လို့ သိရပါတယ်။
Independent, 9.10.17
သံသာ

More Articles ...