အိန္ဒိယနိုင်ငံ၏ လွတ်လပ်ရေးနေ့တွင် သုံးနှစ်အရွယ် မိန်းကလေးတစ်ဦးနှင့် လေးနှစ်အရွယ် ယောက်ျm;လေးတစ်ဦးတို့ မှာ စွန်ကြိုးများနှင့်ငြိကာ လည်ပင်းလှီးမိခဲ့ သောကြောင့် သေဆုံးခဲ့ရသည်ဟု သိရ သည်။ နှစ်ရက်အတွင်း စုစုပေါင်း လူသုံး ဦးမှာ စွန်ကြိုးကြောင့်သေဆုံးခဲ့ရသည့် အတွက် ဒေလီအစိုးရက ဓားသွားအလား ထက်သည့်စွန်ကြိုးများ အသုံးပြုမှုကို တားမြစ်ပိတ်ပင်ခဲ့သည်။ သုံးနှစ်သမီးလေး ဂိုရယ်သည် မိဘများနှင့်အတူ ကားပေါ် တွင် လိုက်ပါလာခဲ့ပြီး မိခင်ဖြစ်သူ၏ပေါင် ပေါ်၌မတ်တပ်ရပ်ကာ ကားခေါင်မိုးမှခေါင်း ထွက်၍ ကြည့်ရှုနေစဉ်၌ စွန်ကြိုးနှင့်ငြိ ကာ လည်လှီးမိခဲ့ခြင်းဖြစ်သည်။ ဖခင်က ကားမောင်းနေကာ မိခင်က ပျော်ရွှင်နေခဲ့ သော်လည်း ကလေးငယ်မှာ လည်ပင်းတွင် သွေးများနှင့် လဲကျလာသည့်အချိန်မှ ထိတ်လန့်ခဲ့ရသည်။ ကလေးငယ်မှာ ဆေး ရုံအရောက်တွင် သေဆုံးခဲ့သည်။ ဟယ်ရီ အမည်ရှိ လေးနှစ်သားလေးတစ်ဦးမှာ လည်း မိဘများနှင့်အတူ ဈေးဝယ်ထွက်ရာ မှပြန်လာချိန်တွင် ကားခေါင်မိုးပေါ်မှ ခေါင်းထွက်နေသည့်အချိန်၌ စွန်ကြိုးနှင့် လည်လှီးမိခဲ့ခြင်းဖြစ်သည်။ တရုတ်မှလာ သည့်စွန်ကြိုးများသည် ခိုင်မာသည့်နိုင် လွန်ကြိုးများကို စွန်လွှတ်ပြိုင်ပွဲများတွင် အားသာစေရန် သတ္တုတစ်မျိုးထပ်အုပ်ကာ ပြုလုပ်ထားခြင်းဖြစ်ပြီး ထက်လှသော ကြောင့် အသက်သေစေနိုင်သည်။ သို့သော် ဈေးပေါသောကြောင့် လူကြိုက်များ သည်။ အသက် ၂၂ အရွယ်အမျိုးသားတစ် ဦးမှာလည်း မော်တော်ဆိုင်ကယ်စီးနေစဉ် တွင် ဘေး၌လွှတ်နေသည့် စွန်ကြိုးနှင့်ငြိမိ ကာ လည်ပင်းလှီးမိ၍သေဆုံးခဲ့ရသည်။ အိန္ဒိယပြည်နယ်အများစုတွင် တရုတ်မှ လာသည့် manjha စွန်ကြိုးများကိုတား မြစ်ထားသည်ဟု သိရသည်။
(DM,19.8.16) မေဇွန်

၂၀၁၄ ဇူလိုင်လတွင် ထိုင်ဝမ်ဝက် ဆိုက်ဒ်တစ်ခုမှသေနတ်အတု ၂၄ လက် ဝယ်ယူခဲ့သော အသက် ၁၈ နှစ်အရွယ် ဆယ်ကျော်သက်လေးလူဒါဝေမှာ ထောင် ဒဏ်တစ်သက်တစ်ကျွန်း ချမှတ်ခံခဲ့ရ သည်ဟု သိရသည်။ လူသည် သေနတ်အတုများကို ဒေါ်လာ ၄၆၀၀ ပေး၍ ဝယ်ယူခဲ့ရသော်လည်း လူမှာယူခဲ့သည့် သေနတ်အတုများကို အကောက်ခွန်အရာရှိများက သိမ်းယူခဲ့ကြပြီးနောက် ကွမ်ကျိုးရှိနေအိမ် အထိရောက်ရှိလာ၍ လက်နက်မှောင်ခိုမှု ဖြင့်ဖမ်းဆီးခဲ့ကြသည်။ လူမှာယူခဲ့သည့် သေနတ်အတုများသည် 1.8J/cm2 စွမ်းအင်ရှိသောကြောင့် တရုတ်ပြည်မကြီးတွင် လက်နက်အဆင့် သတ်မှတ်ခံထားရသည့် သေနတ်များဖြစ်သည်ဟု ရဲများက ဆိုခဲ့ ကြသည်။ တရားခွင်တွင် လူ၏ရှေ့နေက ယင်းတရုတ်လက်နက်မှောင်ခို ဥပဒေသည် အဓိပ်္ပာယ်မရှိကြောင်း ငြင်းခုံခဲ့ပြီး လူကလည်း သေနတ်အတုများဝယ်ယူခဲ့ခြင်းသည် ဥပဒေကို ဖောက်ဖျက်ခဲ့မိမှန်းပင် မသိရှိခဲ့ရပါကြောင်း ဆိုခဲ့သည်။ ၂၀၁၅ ဧပြီလ ၃၀ တွင် တရားသူကြီးက လူကို ထောင်ဒဏ်တစ်သက်တစ်ကျွန်းချမှတ်ခဲ့ သည်။ တရုတ်တွင်လက်နက်မှောင်ခိုမှုအတွက် အနည်းဆုံးပြစ်ဒဏ်သည် ထောင်ဒဏ်ခုနစ်နှစ်ဖြစ်သော်လည်း လူဝယ်ယူခဲ့သည့်သေနတ်အတုများမှာ အလက် ၂၀ ဖြစ်သောကြောင့် သေဒဏ်ချမှတ်ရန် ထိုက်တန်သည်ဟု တရားသူကြီးက ထင်မှတ်သော်လည်း အသက် ၁၈ နှစ်သာရှိ သေးသောကြောင့် ထောင်ဒဏ်တစ်သက် တစ်ကျွန်းသို့ ပြောင်းလဲချမှတ်ခဲ့ခြင်းဖြစ် သည်။ စီရင်ချက်ချမှတ်ပြီးနောက် လူက “ကျွန်တော့်ကိုသာ ပစ်သတ်လိုက်ပါတော့။ သေမှပဲ အပြစ်ရှိတာဝန်ခံတော့မယ်”ဟု အော်ဟစ်သောင်းကျန်းခဲ့သည်။ ထိုအချိန် မှစ၍ ဆက်တိုက်အယူခံဝင်လာခဲ့ရာ ပြီးခဲ့သည့် ဧပြီလတွင် ဖူကျန်းပြည်သူ့တရား ရုံးက လက်ခံလိုက်ပြီဖြစ်သည်ဟု သိရသည်။
(OC,19.8.16) မေဇွန်

လတ်စ်ဗီးဂတ်စ် McCarran နိုင်ငံ တကာလေဆိပ်တွင် အခြေစိုက်သော ခရီး သည်လေယာဉ်အုပ်တစ်အုပ်သည် မည် သည့်ကုမ်္ပဏီတံဆိပ်မှ တပ်ဆင်ထားခြင်း မရှိဘဲ အဖြူပေါ်တွင် အနီရောင်အစင်း ကြောင်း တစ်ခုသာပါရှိကာ ခရီးသည်များ လည်းတင်ဆောင်ခြင်းမရှိဟု သိရသည်။ ခရီးသည်တင်လေယာဉ်များပေါ်၌ လိုက် ပါနေသူများမှာ မည်သူများဖြစ်သည်၊ မည် သည့်နေရာသို့သွားသည်၊ မည်သည့်အ လုပ်လုပ်ကိုင်ကြသူများဖြစ်သည်ကို မသိ ရှိရဘဲ လေယာဉ်အုပ်တွင် Boeing 737s လေယာဉ်အများစုပါဝင်သည်။ နီဗားဒါး ပြည်နယ်တွင်တည်ရှိသော အမေရိက၏ အလျှို့ဝှက်ဆုံးစစ်အခြေစိုက်စခန်း Area 51 လက်အောက်မှလေယာဉ်များဖြစ်သော ကြောင့် လျှို့ဝှက်စွာလှုပ်ရှားနေကြခြင်း ဖြစ်ပြီး လေ့လာဆန်းစစ်သူများက စစ်အ ခြေစိုက်စခန်းတွင်UFO နည်းပညာများ စမ်းသပ်နေသည်ဟု ခန့်မှန်းပြောဆိုထား သည်။ လေဆိပ်ရှိ Gold Coast ဟု အ မည်ပြောင်ပေးထားသော သီးသန့် Terminal တစ်ခုမှ ထွက်ခွာတတ်သောလေ ယာဉ်အုပ်ကို အမေရိကန်လေတပ်မှ အ ရာရှိများက မောင်းနှင်သည်။ လတ်စ်ဗီး ဂတ်စ်မှ Area 51 သို့ပျံသန်း သည့်လေ ပိုင်နက်သည် ကမ်္ဘာပေါ်တွင် ကန့်သတ်ချက် အများဆုံးလေပိုင်နက်ဖြစ်ပြီး Janet Airlines ဟုအမည်ပေးထားသော ခရီး သည်တင်လေယာဉ်ကြီးများသည် Area 51 နားသို့ရောက်ရှိလာပါက Call sign  ကိုJanet 210 မှ bones 58 သို့ ပြောင်း လဲပစ်လေ့ရှိသည်။ Area 51 သည် အမေရိကန်စစ်တပ်၏ အဆင့်အမြင့်ဆုံးစစ်လက်နက်ပစ်္စည်းများ စမ်းသပ်တည် ဆောက်ရာနေရာဖြစ်သည်ဟု ဖော်ပြမှုများ ရှိခဲ့ပြီး Area 51 ကို လူသူဝေးကွာသည့် နေရာတွင် သီးသန့်တည် ဆောက်ထား ခြင်းဖြစ်သည်။    
(DM,18.8.16) မေဇွန်

တောင်တရုတ်ပင်လယ်အတွင်းရှိ ပိုင်နက်အငြင်းပွားကျွန်းများပေါ်တွင် တိုက်လေယာဉ်များထားရှိရန် တရုတ်က လေယာဉ်ရုံနှင့် ထိန်းချုပ်ရေးတာဝါများဆောက်လုပ်နေသည့် ဂြိုဟ်တုပုံရိပ်များ ထွက်ပေါ်လာခဲ့သည်ဟု သိရသည်။ Spratly ကျွန်းစုအတွင်းရှိ Fiery Cross, Subi, Mischief  သန္တာကျောက်တန်းများတွင် တရုတ်လေတပ်မှ မည်သည့်တိုက်လေယာဉ်ကိုမဆို ထားသိုနိုင်သည့်လေယာဉ်ရုံများ ဆောက်လုပ်နေခြင်းဖြစ်သည်ဟု ဝါရှင်တန်အခြေစိုက် Think Tank အဖွဲ့က
ဆိုလိုက်သည်။ The Hague မြို့ရှိ နိုင်ငံတကာ ခုံရုံးက တရုတ်ကို ဆန့်ကျင်၍စီရင်ချင်ချ မှတ်ခဲ့ပြီးနောက် တစ်လခန့်အကြာတွင် ဂြိုဟ်တုပုံရိပ်များ ထွက်ပေါ်လာခဲ့ခြင်းဖြစ်သည်။ ဝါရှင်တန်ရှိ Center for Strat- egic and International Studies၏တင်ပြချက်တွင် ယခုနှစ်အစောပိုင်း၌ Fiery Cross သန္တာကျောက်တန်းပေါ်သို့ စစ်တပ်သယ်ယူပို့ဆောင် ရေးယာဉ်တစ် စင်း ခေတ္တရောက်ရှိလာခဲ့ရုံမှအပ တရုတ် သည် ၎င်း၏အခြေစိုက်စခန်းများကို ကာ ကွယ်ရန် တိုက်လေယာဉ်များပို့ဆောင် ထားသည့် သက်သေအထောက်အထား များမြင်တွေ့ရခြင်းမရှိသေးဟု ပါရှိသည်။သို့သော် လေယာဉ်ရုံများကိုအမြန်ဆုံးပြီး စီးအောင် ဆောက်လုပ်နေသောကြောင့် အခြေအနေမှာ ပြောင်းလဲလာနိုင်ခြေရှိ သည်။ တရုတ်က တောင်တရုတ်ပင်လယ် အတွင်းရှိ ကျွန်းများအနီးသို့ တိုက်လေ ယာဉ်များနှင့် ဗုံးကြဲလေယာဉ်များပို့ဆောင် ထားပြီးဖြစ်သည်ဟုလည်း သတင်းများထွက် ပေါ်နေသည်။ တရုတ်က ကျွန်းများပေါ်၌ လေယာဉ်ရုံများအပြင် တာဝါကြီးများနှင့် ဆဋ္ဌဂံပုံစံ အဆောက်အအုံကြီးများကိုလည်း ပြီးခဲ့သည့်လများမှ စတင်ဆောက်လုပ်လာခဲ့သည်ဟု သိရသည်။
(DM,11.8.16) မေဇွန်

မိုးမည်မျှသည်းထန်ကာ လေမည်မျှ ပြင်းနေစေကာမူ ဖိလစ်ပိုင်နိုင်ငံသားများ က လမ်းပေါ်ထွက်ကာ ၎င်းင်းတို့ မကျေနပ် ချက်ကို ထုတ်ဖော်ပြသခဲ့ကြသည်။ သမ်္မတ ရော့ဒရီဂိုဒူတာတီက အာဏာရှင် ဖာနီနန် မားကို့စ်အား သူရဲကောင်းဗိမာန်တွင် မြှုပ် နှံရန် သဘောတူထောက်ခံလိုက်သည့် အတွက် ယင်းကိုနိုင်ငံသားများက ဆန့် ကျင်ဆန်္ဒပြကြခြင်းဖြစ်သည်။
လူပေါင်း ၁၅၀၀ ခန့်က“မားကို့စ် ဟာ သူရဲကောင်းမဟုတ်ဘူး”ဆိုသည့် စာ သားရေးသားထားသည့် ဗီနိုင်းစကြီးကို ကိုင်ဆောင်ကာ မနီလာမြို့တွင် သြဂုတ် ၁၄ ရက်က ဆန်္ဒထုတ်ဖော်ခဲ့ကြခြင်းဖြစ် သည်။ လာမည့်လတွင်လည်း ၎င်းင်းတို့က လက်မှတ်လိုက်လံစုဆောင်းကာလှုပ်ရှား ကြဦးမည်ဖြစ်သည်။ စီဘူးမြို့တွင်လည်း အလားတူဆန်္ဒပွဲမျိုး ဖြစ်ပွားခဲ့သေးသည်။  မားကို့စ်သည် ၁၉၈၉ ခုနှစ်တွင် ရာထူးမှ ဖြုတ်ချခံခဲ့ရပြီး အမေရိကသို့ထွက်ပြေး ကာ ပြည်ပြေးဘဝဖြင့် သုံးနှစ်အကြာ ၇၂ နှစ်အရွယ်တွင် ကွယ်လွန်သွားခဲ့သည်။ မားကို့စ်အား သူရဲကောင်းဗိမာန်တွင် မြှုပ် နှံရန်အတွက် ပြင်ဆင်စရာရှိသည်များကို ပြင်ဆင်ရန် ဒူတာတီက ကာကွယ်ရေးဝန် ကြီးကို အမိန့်ပေးထားပြီးပြီဖြစ်ကြောင်း သတင်းတစ်ရပ်က ဆိုသည်။ မားကို့စ် သည် သမ်္မတဟောင်းတစ်ဦးဖြစ်ခဲ့သည့်အတွက် ၎င်းင်းကို သူရဲကောင်းဗိမာန်တွင် မြှုပ်နှံသင့်ကြောင်း ဒူတာတီက ဆိုသည်။ ဖိလစ်ပိုင်ကို နှစ်ပေါင်း ၂၁ နှစ်ကြာ အုပ် ချုပ်စဉ်တွင် မားကို့စ်၏အစိုးရအဖွဲ့သည် အကျင့်ပျက်ခြစားမှုများနှင့် နှိပ်ကွပ်ညှဉ်း ပန်းမှုများကိုလုပ်ဆောင်ခဲ့သည်ဟု မကောင်းသတင်း လှိုင်လှိုင်ထွက်ခဲ့သည်။ ထို့ပြင် ၎င်းင်းနှင့်၎င်းင်းမိသားစုသည် ရွှေဘုံစံ ဘဝဖြင့် နေထိုင်ခဲ့သည်။ ၎င်းင်းအုပ်ချုပ်စဉ် ကာလတွင် ဖိလစ်ပိုင်သည် ကြွေးမြီ ဒေါ် လာ ၂ ဘီလျံ ရှိရာမှ ဒေါ်လာ ဘီလျံ ၃၀ အထိတစ်ဟုန်ထိုး တက်လာခဲ့သည်။ ထို့ ပြင် ၎င်းင်းသည် နိုင်ငံကို စစ်အုပ်ရေးစနစ် ဖြင့်လည်း အုပ်ချုပ်ခဲ့သေးသည်။
(Yahoo,15.8.16) ချယ်ရီ

More Articles ...