၂၀၂၀ ပြည့်နှစ်ရောက်သည်နှင့် မြောက်ကိုရီးယားသည် နျူကလီးယား လက်နက် ၁၀ဝ ခန့်ပိုင်ဆိုင်နိုင်နေလိမ့် မည်ဖြစ်သည်ဟု အမေရိကန် think- tank အဖွဲ့က သတိပေးပြောဆိုလိုက် ကြောင်း သိရသည်။ ပြီးခဲ့သည့်အားလပ် ရက်အတွင်းထုတ် ပြန်ခဲ့သည့်အစီရင်ခံစာတွင် RAND Corporation က မြောက်ကိုရီးယားကို လက်ရှိကမ္ဘာကြီးတွင် အမေရိကန်ရင် ဆိုင်နေရသည့်အဓိက အန္တရာယ်ငါးခုထဲမှတစ်ခုအဖြစ် သတ်မှတ်ဖော်ပြခဲ့သည်။ ရုရှား၊ IS အဖွဲ့၊ တရုတ်နှင့် ဆိုက်ဘာတိုက်ခိုက်မှု အန္တရာယ်များက အလွန်ကြီးမားသော် လည်း မြောက်ကိုရီးယားက ၎င်းတို့ထက် ထိပ်ဆုံးမှရောက်ရှိနေခဲ့သည်။ လက်ရှိ မြောက်ကိုရီးယားတွင် နျူကလီးယား လက်နက် ၁၃ ခုမှ ၂၁ ခုအထိရှိနေပြီဖြစ် ပြီး ၂၀၂၀ ရောက်သည်နှင့် ၅၀ မှ ၁၀ဝ ကြား ပိုင်ဆိုင်နိုင်နေပြီဟု ဆိုထားသည်။လက်ရှိ မြောက်ကိုရီးယားသည် နျူကလီး ယားဒုံးကျည်များကို လေယာဉ်နှင့် သင်္ဘောမှ တစ်ဆင့်ပစ်ခတ်နိုင်ပြီး ရေငုပ် သင်္ဘောမှ ပစ်ခတ်နိုင်ရန်စမ်းသပ်နေ ပြီဖြစ်သောကြောင့် အမေရိကန်အပါအ ဝင် ပစိဖိတ်သမုဒ္ဒရာတစ်လျှောက်ရှိပစ် မှတ်များကို ခြိမ်းခြောက်လာနိုင်နေပြီဖြစ် သည်။လာမည့်လေးနှစ်အတွင်း မြောက် ကိုရီးယား၏နျူကလီးယားလက်နက်အင် အားသည် အရွယ်အစားကြီးမားပြီး အ ရည်အသွေးလည်းပိုမိုကောင်းမွန်လာကာ ဒေသတွင်းစစ်အခြေစိုက်စခန်းများ နှင့်အိမ်နီးချင်းနိုင်ငံများကို အန္တရာယ်ပြု လာနိုင်သည်။အသစ်တက်လာမည့်အ မေရိကန်သမ္မတသစ်သည် မြောက်ကိုရီး ယားတွင် လက်နက်သစ်များထုတ်လုပ် နေခြင်းပြဿနာနှင့်ရန်စပြောဆိုမှုများ ဆက်လက်လုပ်ဆောင်နေပါက မည်သို့ တုံ့ပြန်ရမည်ဆိုသည့်ပြဿနာများအ တွက် မူဝါဒရေးရာမေးခွန်းများနှင့်ရင် ဆိုင်ရမည်ဖြစ်သည်။ဂျပန်နှင့် တောင်ကို ရီးယားသည် အမေရိကန်၏နျူကလီး ယားအကာအကွယ်ကို အယုံအကြည် ပျောက်ဆုံးလာနေပြီဖြစ်သောကြောင့် နှစ်နိုင်ငံလုံးတွင် ကိုယ်ပိုင်နျူကလီးယား လက်နက်တိုက်များတည်ဆောက်လာ နိုင်ခြေရှိနေသည်ဟုလည်း သတိပေး ထားကြောင်း သိရသည်။
(DM,14.10.16)မေဇွန်

    ရုရှားတပ်ဖွဲ့ကို ဆီးရီးယားတွင် အချိန်အကန့်အသတ်မရှိ
ဆက်လက်ထားရှိမည်ဟူသော ဆီးရီးယားနှင့် ချုပ်ဆိုထားသည့် စာချုပ်ကို
ရုရှားသမ္မတပူတင်က အောက်တိုဘာလ ၁၄ ရက်တွင် အတည်ပြုလက်မှတ်
ရေးထိုးလိုက်ပြီဖြစ်ကြောင်း သိရသည်။ ရုရှားသည် ဆီးရီးယားတွင်
အချိန်ကြာမြင့်စွာ တပ်စွဲထားလိုသဖြင့် ယင်းသို့လုပ်ခြင်းဖြစ်သည်ဟု
အများက ယူဆနေကြသည်။ ရုရှားနှင့်ဆီးရီးယားသည် ယင်းစာချုပ်ကို
၂၀၁၅ ခုနှစ် ဩဂုတ်လက လက်မှတ်ရေးထိုးခဲ့ပြီး ပူတင်က ယခုမှ
အတည်ပြုလိုက်ခြင်းဖြစ်သည်။ ထို့အတွက် ရုရှားသည် မီမင်အရပ်ဒေသရှိ
လေတပ်စခန်းမှနေ၍ ဆီးရီးယားသမ္မတအာဆတ်ဘက်မှ တိုက်ခိုက်ပေးနိုင်
သွားမည်ဖြစ်သည်။ ယင်းစခန်းကို အစဉ်အမြဲထားရှိသွားနိုင်ရန်ဆိုသည့်
ရည်ရွယ်ချက် တရားဝင်ဖြစ်သွားစေရန်အတွက် ပူတင်က ထိုသို့ လက်မှတ်
ထိုးလိုက်ခြင်းဖြစ်မည်ဟု အများက အခိုင်အမာယုံကြည်ကြသည်။
ရုရှားပါလီမန်နှင့် အထက်လွှတ်တော်က ထောက်ခံလိုက်ပြီးနောက်တွင်
၎င်းက ယင်းသို့အတည်ပြုပေးလိုက်ခြင်းဖြစ်သည်။ သူပုန်လက်ထဲ
ကျရောက်နေသည့် ဆီးရီးယား အယ်လက်ပိုမြို့ကို ပြန်လည်သိမ်းပိုက်နိုင်ရေး
အတွက် ရုရှားက ယင်းမြို့ပေါ် ဗုံးကြဲချနေသဖြင့် ရုရှားနှင့်အနောက်နိုင်ငံများ
ဆက်ဆံရေး ကတောက်ကဆဖြစ်နေချိန်တွင် ပူတင်က ယင်းသို့လုပ်ဆောင်
လိုက်ခြင်းဖြစ်သည်။ အထက်ပါစာချုပ်ကို အတည်ပြုရန် ပူတင်က
လွှတ်တော်အမတ်များကို ဩဂုတ်လတွင် တိုက်တွန်းဆော်ဩခဲ့သည်။
စာချုပ် တရားဝင်ဖြစ်သွားလျှင် ဆီးရီးယားရှိ ရုရှားတပ်ဖွဲ့ဝင်များကို
မည်သည့်အဖွဲ့အစည်းကမှ တရားစွဲ၍ရမည်မဟုတ်တော့သဖြင့်
ပူတင်က ယင်းအရေးကို တွန်းတွန်းတိုက်တိုက်လုပ်ဆောင်ခဲ့ခြင်းဖြစ်သည်။
(AFP, 15.10.2016)

    တရုတ်သမ္မတ ရှီကျင့်ဖျင်သည် ကမ္ဘောဒီးယားသို့
အောက်တိုဘာလ ၁၃ ရက်တွင် နှစ်ရက်တာခရီးစဉ်
ရောက်ရှိလာပြီး စီးပွားရေးစာချုပ်ပေါင်းများစွာကို ချုပ်ဆိုလိုက်ကြောင်း
သိရသည်။ ကမ္ဘောဒီးယားသည် တရုတ်နှင့် အလွန်ရင်းနှီးပြီး
တောင်တရုတ်ပင်လယ်အရေးတွင်လည်း
တရုတ်ဘက်မှ ရပ်တည်သည်။ အတိုးနှုန်းနည်းချေးငွေ ဒေါ်လာ ၂၃၇ သန်းတန်
စာချုပ်အပါအဝင် စာချုပ်ပေါင်း သုံးဆယ့်တစ်ခုကို ရှီကျင့်ဖျင်က
အောက်တိုဘာလ ၁၃ ရက်တွင် လက်မှတ်ရေးထိုးခဲ့သည်။ ကမ္ဘောဒီးယား
ဝန်ကြီးချုပ် ဟွန်ဆန်နှင့်တွေ့ဆုံဆွေးနွေးပြီးနောက်တွင် ယင်းသို့လက်မှတ်
ရေးထိုးခဲ့ခြင်းဖြစ်ကြောင်း ဟွန်ဆန်၏လက်ထောက်က ဆိုသည်။
ကမ္ဘောဒီးယားတွင် မြန်နှုန်းမြင့်ရထားဆောက်လုပ်မည့်စီမံကိန်းနှင့်
ဆီယန်ရိပြည်နယ်တွင် လေဆိပ်ဆောက်လုပ်မည့်စီမံကိန်းတို့တွင်
တရုတ်လုပ်ငန်းရှင်များ ရင်းနှီးမြှုပ်နှံလာစေရန် တိုက်တွန်းပေးသွားမည်ဟုလည်း
ရှီက ကတိပြုသွားခဲ့သေးကြောင်း အထက်ပါပုဂ္ဂိုလ်က ဆက်လက်ပြောကြား
သွားခဲ့သည်။ အကြွေး ဒေါ်လာ ၈၉ သန်းကိုလည်း လျှော်ပေးသွားသည့်
အပြင် စစ်ရေးအကူအညီ ဒေါ်လာ ၁၄ သန်း ပေးသွားမည်ဟုလည်း
ရှီက ကတိပြုသွားခဲ့သေးသည်ဟု သိရသည်။ တောင်တရုတ်ပင်လယ်တွင်
တရုတ်က နယ်ချဲ့ပြီး အင်အားပြထောင်လွှားနေသဖြင့် အာဆီယံအဖွဲ့က
ဝေဖန်နေသော်လည်း ကမ္ဘောဒီးယားက တရုတ်ဘက်မှ ကာကွယ်ပေးလေ့ရှိ
သည်။ အာဆီယံအဖွဲ့ဝင်များဖြစ်သည့် ဗီယက်နမ်၊ ဖိလစ်ပိုင်၊ မလေးရှားနှင့်
ဘရူနိုင်းတို့သည် ယင်းပင်လယ်ရှိ ရေပိုင်နက်နှင့်ပတ်သက်၍
တရုတ်နှင့် အငြင်းပွားနေကြသည်။

Ref ; Yahoo, 14.10.16

ကမ္ဘာ့နန်းသက်အရှည်ဆုံး ထိုင်းဘုရင်မင်းမြတ်ဘူမိဘောအဒူလျာဒက်သည် အောက်တိုဘာလ ၁၃ ရက်တွင် အသက် ၈၈ နှစ်အရွယ်၌ နတ်ရွာစံခဲ့သည်။၁၉၄၆ ခုနှစ် ဇန်နဝါရီလ ၉ ရက်တွင် အစ်ကိုတော်ဘုရင် Ananda Mahidol ၏ထီးနန်းကိုဆက်ခံခဲ့ပြီးနောက် နှစ်ပေါင်း ၇၀ ကြာအောင် ထီးနန်းစိုးစံခဲ့ပြီး ထိုင်းပြည်သူအများစုက စွဲစွဲမြဲမြဲမှတ်မိနေခဲ့ သည့်ဘုရင်တစ်ပါးဖြစ်လာခဲ့သည်။အသက် ၈၄ နှစ်အရွယ်မိဖုရားကြီးသီရိခေတ်နှင့် သားတော်တစ်ပါး၊သမီးတော်သုံးပါး ထွန်းကားခဲ့သည်။သားတော်မှာ အိမ်ရှေ့စံမင်းသား Maha Vajiralongkorn ဖြစ်ပြီး သမီးတော်သုံးပါးမှာ မင်းသမီး Ubol Ratana၊ မင်းသမီး Maha Chakri Sirindhorn နှင့် မင်းသမီး Chulabhorn Walailak တို့ဖြစ်ကြသည်။ဘူမိဘောသည် အသက် ၁၈ နှစ်အရွယ်တွင် Chakri မင်းဆက်၏ကိုးဆက်မြောက်ဘုရင်ဖြစ်လာခဲ့သည်။  ထိုင်းနိုင်ငံ တွင် ဩဇာအာဏာကြီးမားသောဘုရင်ဘူမိဘောသည် နိုင်ငံတည်ငြိမ်အေးချမ်းမှုအတွက် အဓိကကျသည့်အခန်းကဏ္ဍမှ ပါဝင်ခဲ့သည်။၁၉၇၃ နှင့် ၁၉၉၂ ခုနှစ်ကြား သွေးထွက်သံယိုများခဲ့သောနိုင်ငံရေးပဋိပက္ခများဖြစ်ပေါ်ချိန်တွင် စကားအနည်း ငယ်နှင့် နိုင်ငံကိုပြန်လည်အေးချမ်းအောင် စွမ်းဆောင်နိုင်ခဲ့သူဖြစ်သည်။


အမေရိကမှဘုရင်
ဘုရင်ဘူမိဘောသည် မင်းသား Mahidol Adulyadej နှင့်မင်းမျိုးမင်းနွယ်မဟုတ်သောဇနီးသည် Sangwal တို့၏သားတော်ဖြစ်သည်။၁၉၂၇ ဒီဇင်ဘာလ ၅ ရက်တွင် မန်ဆာချူးဆက်ပြည်နယ်ရှိ ကိန်းဘရစ်ခ်ျမြို့မှ Mount Auburn ဆေးရုံတွင် မွေးဖွားခဲ့သည်။ဘူမိဘောသည် ဘုရင်ဖြစ်ရန်မွေးဖွားလာသူမဟုတ်သော်လည်း ၁၉၃၂ ခုနှစ်တွင် အပြောင်းအ လဲတစ်ခုကြောင့် ကံကြမ္မာပါပြောင်းလဲခဲ့ရသည်။သက်ဦးဆံပိုင်ဘုရင်စနစ်မှ ဖွဲ့စည်းပုံအခြေခံဥပဒေအရတည်ရှိသော ဘုရင်စနစ်သို့ပြောင်းလဲခဲ့ရပြီးနောက် စစ်တပ်၏ဩဇာအာဏာကြီးမားလာကာ ဘုရင် Rama VII နန်းစွန့်ခဲ့ရပြီး ဘူမိဘော၏အသက်ကိုးနှစ်အရွယ်အစ်ကိုတော် Ananda ကို ထီးနန်းလွှဲပြောင်းပေးအပ်ခဲ့သည်။ထိုအချိန်တွင် ဘူမိ ဘော၏ဖခင်ကွယ်လွန်သွားပြီဖြစ်ပြီး တစ်မိသားစုလုံးမှာ နိုင်ငံရေးမတည်ငြိမ်မှုများရှိနေသောထိုင်းနိုင်ငံနှင့်ဝေးကွာရာ ဆွစ်ဇာလန်နိုင်ငံ၊ Lausanne မြို့သို့ ပြောင်းရွှေ့လာခဲ့ကြသည်။ဘူမိဘောသည် ပြင်သစ်၊ဂျာမန်နှင့်လက်တင်ဘာသာစကား များကို သင်ယူခဲ့ပြီး Laysanne တက္ကသိုလ်တွင် သိပ္ပံဘွဲ့တစ်ခုရရှိခဲ့သည်။
ဒုတိယကမ္ဘာစစ်ပြီးနောက် ဘူမိဘောမိသားစုသည် ထိုင်းနိုင်ငံသို့ခေတ္တလာရောက်လည်ပတ်ခဲ့သည်။ပညာဆက် လက်သင်ကြားရန် Lausanne သို့ ပြန်လည်မထွက်ခွာမီတွင် ဘုရင် Ananda မှာ သေနတ်ဒဏ်ရာနှင့် နတ်ရွာစံခဲ့သော ကြောင့် ၁၉၄၆ ခုနှစ်တွင် ရုတ်တရက်ထီးနန်းဆက်ခံခွင့်ရရှိသူဖြစ်လာခဲ့သည်။သို့သော် ဘုရင်ငယ်ဘူမိဘောသည် ဆွစ် ဇာလန်သို့ပြန်လာကာ ဆက်လက်စာသင်ကြားခဲ့ပြီး ဥပဒေနှင့်နိုင်ငံရေးသိပ္ပံဘာသာရပ်ကို ပြောင်းယူခဲ့သည်။ဥရောပတွင် မတော်တဆမှုတစ်ခုကြောင့် ညာဘက်မျက်လုံးအမြင်အာရုံထိခိုက်ခဲ့ရသော်လည်း ပြင်သစ်နိုင်ငံဆိုင်ရာ ထိုင်းသံအမတ်ကြီး ၏သမီး Sirikit Kitiyakara နှင့်လက်ထပ်ထိမ်းမြားနိုင်ခဲ့သည်။


ဘုရင့်ကတိ
ငယ်ရွယ်စဉ်ကတည်းက နိုင်ငံခြားတွင်နေထိုင်ခဲ့သောဘုရင်ဘူမိဘောအတွက် ထိုင်းနိုင်ငံက အစိမ်းသက်သက်ဖြစ် နေခဲ့သည်။သို့သော် ဘုရင်လာချိန်တွင် ပြည်သူများနှင့်ဘုရင်ကြားကွာဟမှုများမရှိအောင် လုပ်ဆောင်နိုင်ခဲ့သည်။ဆွစ်ဇာ လန်မှ သူငယ်ချင်းတစ်ဦးထံရေးသားခဲ့သောစာထဲတွင် “ဥရောပမှာပညာသင်စဉ်တုန်းက ကိုယ့်နိုင်ငံက ဘာလဲ။ကိုယ်နဲ့ ဘယ်လိုဆက်နွယ်မှုရှိနေတယ်ဆိုတာ နားမလည်ခဲ့ဘူး။အခုပြည်သူတွေနဲ့ထိတွေ့ရတဲ့အချိန်မှာ ပြည်သူတွေရဲ့ ချစ်ခင်မှုကိုခံစားမိခဲ့တယ်။အရင်တုန်းက ထိုင်းနိုင်ငံကိုလွမ်းဆွတ်တမ်းတတာမျိုးမရှိခဲ့ပေမယ့် အခုအချိန်မှာတော့ ဒီကမ္ဘာကြီး ထဲမှာမှ ထိုင်းနိုင်ငံက ကိုယ့်အိမ်၊လူတွေအားလုံးထဲမှာမှ ထိုင်းပြည်သူတွေက ကိုယ့်ပြည်သူတွေဆိုတာ သိလာခဲ့ပြီ”ဟု ရေးသားခဲ့ဖူးသည်။
၁၉၅၀ မေလ ၅ ရက်တွင် အစ်ကိုတော်နတ်ရွာစံပြီးနောက်လေးနှစ်အကြာ၌ ဘူမိဘောမှာ တရားဝင်နန်းတက်နိုင်ခဲ့ သည်။ဘန်ကောက်မြို့ရှိ တော်ဝင်နန်းတော်တွင်ကျင်းပသော နန်းတက်ပွဲ၌ ဘုရင်က“ထိုင်းပြည်သူတွေရဲ့ပျော်ရွှင်မှုနဲ့ အကျိုးအမြတ်အတွက် မှန်ကန်စွာအုပ်ချုပ်ပါမယ်”ဟု ကတိပေးခဲ့သည်။၆၆ နှစ်ကျော်ကာလအတွင်း ကတိတည် နိုင်ခဲ့သောဘူရင်ဘူမိဘောသည် နိုင်ငံအနှံ့ကျေးလက်တောရွာများပါမကျန်လှည့်လည်သွားလာကာ ပြည်သူများနှင့် တွေ့ဆုံခဲ့သည်။ဆင်းရဲသားများနှင့်ကျေးလက်ဒေသဖွံ့ဖြိုးရေးအတွက် စွမ်းစွမ်းတမံဆောင်ရွက်ခဲ့သည်။ကျေးလက်ဒေသ များတွင် ကြမ်းတမ်းသည့်မြေအနေအထား၌ ခြေဗလာဖြင့်လမ်းလျှောက်သွားသောဘုရင်ကို မြေပုံကြီးတစ်ခုကိုင်ကာ လည်ပင်းတွင် ကင်မရာတစ်လုံးနှင့်အတူမကြာခဏမြင်တွေ့ရလေ့ရှိသည်။ခရီးစဉ်တိုင်းတွင် ပြည်သူများနှင့်စကားပြောဆိုပြီး ပြည်သူများ၏အသံကိုနားထောင်လေ့ရှိသည်။ပြည်သူများက တင်ပြသည့်ပြဿနာများကိုဖြေရှင်းရန် နည်းလမ်းရှာရာမှ တစ်ဆင့် နိုင်ငံတစ်ဝှမ်းတွင် ဖွံ့ဖြိုးတိုးတက်မှုပရော့ဂျက်ပေါင်း ၄၀၀၀ ကျော်လုပ်ဆောင်နိုင်ခဲ့သည်။


“ဘုရင်လည်း အမှားလုပ်နိုင်တာပဲ”
ထိုင်းနိုင်ငံတွင် ဘုရင်မင်းမြတ်နှင့်တော်ဝင်မိသားစုကိုစော်ကားသူများနှင့်အကြည်ညိုပျက်အောင်ပြုလုပ်သူများကို အပြစ်ပေးနိုင်သည့် တင်းကြပ်သောဥပဒေတစ်ခုကိုပြဠာန်းထားပြီး ထိုင်းနိုင်ငံ၏ပြစ်မှုဆိုင်ရာဥပဒေပုဒ်မ ၁၁၂ အရ အပြစ် ကျူးလွန်သူကို ထောင်ဒဏ် ၁၅ နှစ်နှင့်အထက် ချမှတ်နိုင်သည်။သို့သော် ဘုရင်ဘူမိဘောက ၂၀၀၅ ခုနှစ်၊သက်တော် ၇၈ နှစ်ပြည့်မွေးနေ့အတွက် မိန့်ခွန်းထဲတွင် “ဘုရင်လည်း အမှားလုပ်နိုင်တာပဲလို့ ပြောမိရင် ပုံမှန်အားဖြင့်တော့ ဒါဟာ ဘုရင်ကိုစော်ကားလိုက်တာပါပဲ။ဒါပေမဲ့ ဘုရင်ဘာလုပ်လုပ်မှန်နေရောတဲ့လား။ဒီလိုဆို ဘုရင်က လူဘယ်ဟုတ်ပါတော့ မလဲ။ဘုရင်လည်း အမှားလုပ်နိုင်ပါတယ်။ဘုရင်ကိုဝေဖန်သူတွေကို စိတ်မဆိုးပါဘူး။ဘုရင်ကိုဆန့်ကျင်သူတွေကို ဘယ်တုန်းကမှလည်း ထောင်မချခဲ့ဖူးပါဘူး။ထောင်ကျခဲ့ရင်လည်း လွတ်ငြိမ်းချမ်းသာခွင့်ပေးမှာပါ။”ဟု ထည့်သွင်းပြောဆို ခဲ့ဖူးသည်။


ငြိမ်းချမ်းရေးကိုဆောင်ကျဉ်းပေးသူ
ဘုရင်ဘူမိဘောလက်ထက်တွင် စစ်အာဏာသိမ်းမှုများ၊အစိုးရအဖွဲ့နှင့်ဖွဲ့စည်းပုံအခြေခံဥပဒေပြောင်းလဲမှုများ၊ သွေးထွက်သံယိုဖြစ်ခဲ့ရသည့်လမ်းပေါ်ထွက်ဆန္ဒပြမှုပေါင်းများစွာ ဖြစ်ပေါ်ခဲ့သည်။၁၉၇၃ ခုနှစ် အောက်တိုဘာလ ၁၄ ရက်တွင် တက္ကသိုလ်ကျောင်းသားများ၏ဆန္ဒပြပွဲကိုနှိမ်နှင်းရန် စစ်အစိုးရက အမိန့်ပေးခဲ့သည်။ထိုအချိန်တွင် ဘုရင် ဘူမိဘောက ရေဒီယို၊တီဗီတို့မှတစ်ဆင့် မိန့်ခွန်းပြောဆိုခဲ့ပြီး နှစ်ဖက်လုံးကို အကြမ်းဖက်မှုများရပ်တန့်ရန် တောင်းဆိုခဲ့ပြီးနောက် ဘန်ကောက်မြို့တွင် တည်ငြိမ်အေးချမ်းမှုများပြန်လည်ရရှိခဲ့သည်။
၁၉၉၂ ခုနှစ်တွင်လည်း ထိုင်းနိုင်ငံအတွက် ဘုရင်ဘူမိဘော၏ငြိမ်းချမ်းရေးဆောင်ကျဉ်းပေးခဲ့ပုံကို မျက်ဝါးထင်ထင်မြင်တွေ့ခဲ့ရဖူးသည်။မိမိဘာသာခန့်အပ်ထားသောဝန်ကြီးချုပ် ဗိုလ်ချုပ်Suchinda Kraprayoon ကိုဆန့်ကျင်၍ နိုင်ငံရေးသမား Chamlong Srimuang က ဦးဆောင်ဆန္ဒပြရာတွင် လက်နက်ကိုင်တပ်ဖွဲ့ဝင်များ နှင့်ထိပ်တိုက်ရင်ဆိုင်တွေ့ခဲ့ပြီး လူပေါင်း ၅၀ ကျော်သေဆုံးကာ ပျောက်ဆုံးဒဏ်ရာရရှိသူမှာ ရာနှင့်ချီရှိခဲ့သည်။နှစ်ရက် အကြာတွင် အဓိကပါဝင်သူနှစ်ဦးမှာ ဘုရင်ဘူမိဘောရှေ့တွင် ဒူးထောက်လျက်နှင့်ပေါ်လာခဲ့ပြီး ဘုရင်က“အချင်းချင်း ဆက်ပြီးထိပ်တိုက်တွေ့နေမယ်ဆိုရင် နိုင်ငံပျက်စီးလိမ့်မယ်။စည်းလုံးညီညွတ်မှုအတွက် အခုလိုခေါ်လိုက်ရခြင်းဖြစ်တယ်။ ပြန်လည်ပေါင်းစည်းပြီး နိုင်ငံကိုဘယ်လိုရှေ့ဆက်မယ်ဆိုတာ ဆွေးနွေးကြပါ။နှစ်ဦးနှစ်ဖက်တိုက်ခိုက်မနေဘဲ ပြဿနာကို ပူးပေါင်းအဖြေရှာကြပါ”ဟု ဆိုခဲ့သည်။ဘုရင်ဘူမိဘောသည် လက်နက်အင်အားမရှိသော်လည်း ဘုရင်ဘူမိဘော၏တည်ရှိမှု နှင့်စကားလုံးများက ငြိမ်းချမ်းရေးကို ဆောင်ကျဉ်းပေးနိုင်ခဲ့သည်။နာရီပိုင်းအတွင်း ဆန္ဒပြပွဲများအားလုံးရပ်ကာ လွတ်ငြိမ်း ချမ်းသာခွင့်အမိန့်လည်း ထုတ်ပြန်နိုင်ခဲ့သည်။ ဗိုလ်ချုပ် Suchinda က နုတ်ထွက်ပေးခဲ့ပြီး Chamlong နှင့်အတူ နိုင်ငံရေး လောကမှထွက်ကာ လေးလအကြာတွင် အထွေထွေရွေးကောက်ပွဲကြီးကျင်းပနိုင်ခဲ့သည်။


ဘူမိဘော - တိုင်းပြည်ရဲ့ခွန်အား
ဖော်ပြပါဖြစ်ရပ်နှစ်ခုသည် ဘုရင်ဘူမိဘောက တိုင်းပြည်ကိုကယ်တင်ခဲ့သည့် သမိုင်းဝင်ဖြစ်ရပ်နှစ်ခုအဖြစ် ပြည်သူ များက အမှတ်ရနေဆဲဖြစ်သည်။ဘူမိဘောသည် Sanskrit ဘာသာဖြင့်ဆိုလျှင်“ နှိုင်းယှဉ်မရသောတိုင်းပြည်ရဲ့ခွန်အား”ဟု အဓိပ္ပါယ်ရသည်။ဘုရင်ဘူမိဘောသည် နာမည်နှင့်လိုက်အောင် ထိုင်းနိုင်ငံ၏ငြိမ်းချမ်းရေး၊သာယာ၀ပြောရေးနှင့်တည်ငြိမ် အေးချမ်းမှုအတွက် ဆောင်ရွက်ပေးခဲ့သည်။


ဘုရင်ဘူမိဘော နတ်ရွာစံပြီးနောက် လက်ရှိအခြေအနေ
ဘုရင်ဘူမိဘော နတ်ရွာစံပြီးနောက် အိမ်ရှေ့စံမင်းသား Maha Vajiralongkorn က ပြည်သူများဝမ်းနည်းပူဆွေး နေသည့်အချိန်တွင်  နန်းတက်ပွဲကို ခေတ္တဆိုင်းငံ့ထားပါရန် မေတ္တာရပ်ခံထားသည်။ ဘုရင်မင်းမြတ်၏ရုပ်ကလာပ်ကို Emerald Temple သို့ ပို့ဆောင်သွားမည်ဖြစ်ပြီး ထိုင်းအစိုးရက တစ်နှစ်တာဝမ်းနည်းကြေကွဲဖွယ်ရာအထိမ်းအမှတ် ကြေညာထားသည်။ အောက်တိုဘာလ ၁၄ ရက်ကို အစိုးရအားလပ်ရက်အဖြစ်ကြေညာထားပြီး တစ်လလုံးလုံး အလံများကို တိုင်ဝက်ချထားမည်ဖြစ်သည်။ ဝမ်းနည်းကြေကွဲသည့်အထိမ်းအမှတ်ဖြင့် အနက်ရောင်ဝတ်ဆင်ကြရန်နှင့် ဖျော်ဖြေရေး များအားလုံးမှာလည်း တစ်လကြာရပ်ဆိုင်းထားရန် တိုက်တွန်းထားသည်။ ဘုရင်ဘူမိဘောမှာ နိုင်ငံတည်ငြိမ်အေးချမ်းမှု၏ အကြောင်းရင်းတစ်ခုဖြစ်ခဲ့သည့်အတွက် ဘုရင်ဘူမိဘောနတ်ရွာစံသည့်အချိန်တွင် နိုင်ငံရေးမတည်ငြိမ်မှုများဖြစ်ပေါ်လာမည် ကို စိုးရိမ်ပူပန်လျက်ရှိကြသည်။
မေဇွန်

    ပင်လယ်နီရှိ အမေရိကန်စစ်သင်္ဘော ရက်ပိုင်းအတွင်း ဒုံးကျည်ဖြင့်
နှစ်ကြိမ်တိုင်တိုင် တိုက်ခိုက်ခံရပြီးနောက်
ယီမင်ရှိ ရေဒါထားရှိထားသည့်နေရာများကို အမေရိကန်က
တိုက်ခိုက်လိုက်ကြောင်း  အောက်တိုဘာလ ၁၃ ရက် သတင်းတွင် ဖော်ပြထား
သည်။ ဟူသီသူပုန်လက်ထဲ ကျနေသည့် နေရာများကို တိုက်ခိုက်ခဲ့ခြင်း
ဖြစ်ကြောင်း ပင်တဂွန်က ဆိုသည်။ ယီမင်ပြည်တွင်းစစ် ၂၀၁၅ ခုနှစ်မတ်လတွင်
စတင်ဖြစ်ပွားခဲ့ပြီး အမေရိကန်က သူပုန်များကို တိုက်ခိုက်သည်မှာ
ယခုအကြိမ်သည fပထမဦးဆုံးဖြစ်သည်။ အမေရိကန်စစ်သင်္ဘောကို
ဒုံးကျည်ဖြင့် တိုက်ခိုက်ခဲ့မှုတွင် ပါဝင်သည့် ရေဒါစခန်းသုံးခုကို ဖျက်ဆီးလိုက်
နိုင်ကြောင်း ကနဦးစစ်ဆေးချက်က ဆိုသည်။ အဆိုပါတိုက်ခိုက်မှုများကို
သမ္မတဘားရက်အိုဘားမားက ခွင့်ပြုခဲ့ခြင်းဖြစ်ကြောင်း သိရသည်။
အဝေးထိန်းစက်ဖြင့် ထိန်းချုပ်သည့် တာဝေးပစ်ဒုံးကျည်ဖြင့် ပစ်မှတ်များကို
ဖျက်သင်္ဘောမှ ပစ်လိုက်ခြင်းဖြစ်ကြောင်း အမေရိကန်အရာရှိများက
ဆိုသည်။ အမေရိကန်စစ်သည်များ၊ သင်္ဘောများနှင့် အရေးပါသည့်
ရေကြောင်းလမ်းများတွင် လွတ်လပ်စွာ မောင်းနှင်ခွင့်တို့ကို ကာကွယ်ရန်အလို့ငှာ
ယင်းသို့ တိုက်ခိုက်ခဲ့ခြင်းဖြစ်ကြောင်း ပင်တဂွန်မှပြောရေးဆိုခွင့်ရှိသူက
ဆိုသည်။ အမေရိကန်သင်္ဘောများကို နောက်ထပ်ခြိမ်းခြောက်လာပါကလည်း
သင့်တော်သည့်အတိုင်း တုံ့ပြန်သွားမည်ဟု အထက်ပါပုဂ္ဂိုလ်က
ထည့်သွင်းပြောကြားသွားခဲ့သည်။
(BBC, 13.10.2016)

More Articles ...