ဂျပန်နိုင်ငံ၊ မီယာဇာကီစီရင်စုအနောက်တောင်ပိုင်းရှိ မီးတောင်ရှင်မိုအီဒက်မှာ ခြောက်နှစ်တာအတွင်း ပထမဆုံးအကြိမ်ပြန်လည်လှုပ်ရှားလာခဲ့ပြီး အဆိပ်မီးခိုးပြာမှုန်များ အမြင့်ပေ ၅၆၀ဝထိ ပန်းထွက်နေခဲ့ကြောင်းသိရသည်။ အနီးအနားရှိ မြို့များတွင်လည်း ပြာမှုန်များဖုံးလွှမ်းနေခဲ့ကြောင်း၊ မီးတောင်တောင်ခြေရှိစာသင်ကျောင်းတစ်ခုသို့ ကျောင်းသူ ကျောင်းသားများက အကာအကွယ်ဦးထုပ်များ ၊နှာခေါင်းစည်းများဝတ်ဆင်လျက် လာရောက်နေကြရကြောင်းသိရသည်။ မီးတောင်မှပြာများဖုံးလွှမ်းနေရသည့် မြို့ကြီးများနှင့် မြို့နယ် များ လေးခုထက်မနည်းရှိနေပြီး ဂျပန်မိုးလေဝသဌာနမှ မီးတောင်လှုပ်ရှားမှုအန္တရာယ်သတိပေးချက် အဆင့်၅ချက်ရှိသည့်အနက် အဆင့်၂မှ ၃သို့ပြောင်းလဲကြေညာထားခဲ့ပြီဖြစ်ကြောင်း သိရသည်။ မီးတောင်လှုပ်ရှားမှုကြောင့် မီးတောင်ဝမှ ၁ဒသမ၂မိုင်အတွင်း ဓာတ်ငွေ့ပူထုတ်လွှတ်မှုများရှိနေပြီး ပြာမှုန်များနှင့် ချော်ကျောက်များထွက်လာနိုင်ပြီး လေကြောင်းအခြေအနေ ပေါ်မူတည်လျက် ဒေသခံများအန္တရာယ်ရှိနိုင်ခြေရှိကြောင်းသိရသည်။ မြေငလျင်လှုပ်ခတ်မှုများဖြစ်ပေါ်နေခဲ့သည့် ပစိဖိတ်မီးကွင်းဒေသတွင်တည်ရှိနေသည့် ဂျပန်နိုင်ငံတွင် လှုပ်ရှားဆဲ မီးတောင်များလည်းရှိနေဆဲဖြစ်ပြီး ယခုမီးတောင်လှုပ်ရှားမှုမှာမူ ခြောက်နှစ်တာကာလအတွင်း ပထမဆုံးအကြိမ်ပြန်လည်လှုပ်ရှားမှုဖြစ်ကြောင်း ဂျပန်နိုင်ငံမိုးလေဝသဌာနက ကြေညာ
ထုတ်ပြန်ထားခဲ့သည်။
(DM, 13.10.17)

သံသာ

ဂျပန်နိုင်ငံ၊ မီယာဇာကီစီရင်စုအနောက်တောင်ပိုင်းရှိ မီးတောင်ရှင်မိုအီဒက်မှာ ခြောက်နှစ်တာအတွင်း ပထမဆုံးအကြိမ်ပြန်လည်လှုပ်ရှားလာခဲ့ပြီး အဆိပ်မီးခိုးပြာမှုန်များ အမြင့်ပေ ၅၆၀ဝထိ ပန်းထွက်နေခဲ့ကြောင်းသိရသည်။ အနီးအနားရှိ မြို့များတွင်လည်း ပြာမှုန်များဖုံးလွှမ်းနေခဲ့ကြောင်း၊ မီးတောင်တောင်ခြေရှိစာသင်ကျောင်းတစ်ခုသို့ ကျောင်းသူ ကျောင်းသားများက အကာအကွယ်ဦးထုပ်များ ၊နှာခေါင်းစည်းများဝတ်ဆင်လျက် လာရောက်နေကြရကြောင်းသိရသည်။ မီးတောင်မှပြာများဖုံးလွှမ်းနေရသည့် မြို့ကြီးများနှင့် မြို့နယ် များ လေးခုထက်မနည်းရှိနေပြီး ဂျပန်မိုးလေဝသဌာနမှ မီးတောင်လှုပ်ရှားမှုအန္တရာယ်သတိပေးချက် အဆင့်၅ချက်ရှိသည့်အနက် အဆင့်၂မှ ၃သို့ပြောင်းလဲကြေညာထားခဲ့ပြီဖြစ်ကြောင်း သိရသည်။ မီးတောင်လှုပ်ရှားမှုကြောင့် မီးတောင်ဝမှ ၁ဒသမ၂မိုင်အတွင်း ဓာတ်ငွေ့ပူထုတ်လွှတ်မှုများရှိနေပြီး ပြာမှုန်များနှင့် ချော်ကျောက်များထွက်လာနိုင်ပြီး လေကြောင်းအခြေအနေ ပေါ်မူတည်လျက် ဒေသခံများအန္တရာယ်ရှိနိုင်ခြေရှိကြောင်းသိရသည်။ မြေငလျင်လှုပ်ခတ်မှုများဖြစ်ပေါ်နေခဲ့သည့် ပစိဖိတ်မီးကွင်းဒေသတွင်တည်ရှိနေသည့် ဂျပန်နိုင်ငံတွင် လှုပ်ရှားဆဲ မီးတောင်များလည်းရှိနေဆဲဖြစ်ပြီး ယခုမီးတောင်လှုပ်ရှားမှုမှာမူ ခြောက်နှစ်တာကာလအတွင်း ပထမဆုံးအကြိမ်ပြန်လည်လှုပ်ရှားမှုဖြစ်ကြောင်း ဂျပန်နိုင်ငံမိုးလေဝသဌာနက ကြေညာ
ထုတ်ပြန်ထားခဲ့သည်။
(DM, 13.10.17)

သံသာ

ဘုရင်ကြီး နတ်ရွာစံသည့် တစ်နှစ်ပြည့်အနေဖြင့် ဘန်ကောက်ရှိ ဆရီရာ့ဂ်ျဆေးရုံတွင် ဗုဒ္ဓဘာသာ သံဃာတော်ပေါင်း ၁၉၉ ပါးကို ဆွမ်းကပ်လှူဒါန်းခဲ့သည်။ ဘုရင်ကြီးသည် ပြီးခဲ့သည့်နှစ် အောက်တိုဘာလ ၁၃ ရက်တွင် မကွယ်လွန်မီ၌ ထိုဆေးရုံတွင် ကုသမှု ခံယူခဲ့သည်။ ဝမ်းနည်းခြင်းအထိမ်းအမှတ်အနေဖြင့် အနက်ရောင်ဝတ်စုံများ ဝတ်ဆင်ထားသည့် ရာပေါင်းများစွာသော ထိုင်းများက ထိုဘုန်းကြီးများကို လှူဖွယ်ဝတ္ထုများ ကပ်လှူခဲ့ကြသည်။ ဝန်ကြီးချုပ် ပရာယုသ်ချန်အိုချာနှင့် အခြားသော ထိပ်တန်းအစိုးရခေါင်းဆောင်များကလည်း ၈၉ မိနစ်ငြိမ်သက်ကာ ဘုရင်ကြီးအား အောက်မေ့သတိရခဲ့ကြသည်။ ဘုရင်ကြီး၏ရုပ်ပုံများကိုနောက်ခံထားကာ ဘုန်းတော်ကြီးများက ရွတ်ဖတ်ခဲ့ကြသည်။ မီးသင်္ဂြိုဟ်သည့်ဈာပနအခမ်းအနားကို အောက်တိုဘာလ ၂၆ ရက်တွင် ကျင်းပသွားရန် စီစဉ်ထားသည်။ ထိုဈာပနအခမ်းအနားကို ငါးရက်တိုင်တိုင် ကျင်းပသွားမည်ဖြစ်သည်။

( Yahoo , 13.10.17)

လေဖိအားနည်းရပ်ဝန်းကြောင့် ဗီယက်နမ် မြောက်ပိုင်းနှင့်အလယ်ပိုင်းတွင် ရေကြီးမြေပြိုမှုများ ဖြစ်ပွားခဲ့ပြီး သေဆုံးသူ ၅၄ ဦးအထိ ရှိသွားပြီဖြစ်သည်။ ပျောက်ဆုံးသူ ၃၉ ဦးလည်း ရှိနေပြီး ၎င်းတို့ကို ကယ်ဆယ်ရေးလုပ်သားများက လိုက်လံရှာဖွေနေသည်။ မုန်တိုင်းကြောင့် လူပေါင်း ၃၁ ဦး ထိခိုက်ဒဏ်ရာရသွားခဲ့ပြီး အိမ်ပေါင်း ၃၀ ၀၀၀ ကျော် ရေမြုပ်သွားသည်။ စိုက်ခင်းများ၊ ခြံမွေးတိရစ္ဆာန်များနှင့် အခြေခံအဆောက်အအုံများလည်း ထိခိုက်ဆုံးရှုံးခဲ့သည်။ မြောက်ပိုင်းရှိ ယန်ဘိုင်ပြည်နယ်တွင် လူ ၁၆ ဦးပျောက်ဆုံးနေပြီး စစ်သားနှင့်ရဲတပ်ဖွဲ့ဝင်ပေါင်း ၅၈၀ နှင့် ဒေသခံပေါင်း ၂ ၀၀၀ ခန့်က ၎င်းတို့ကို လိုက်လံရှာဖွေနေသည်။ လေဖိအားနည်းရပ်ဝန်းသည် အောက်တိုဘာလ ၁၀ ရက်တွင် ဗီယက်နမ်ထဲစဝင်ခဲ့သည်။ ခါနမ်ဆိုသည့် နောက်ထပ်မုန်တိုင်းကလည်း ဗီယက်နမ်ဘက်ရွေ့လာနေပြီဟု မိုးလေ၀သ သတင်းများက ဆိုသည်။ 

( Fox , 13.10.17)

အမေရိကန်နိုင်ငံရဲ့ အဆိုးရွားဆုံးတောမီးလောင်မှုဖြစ်ရပ်တွေအနက် တစ်ခုအပါအဝင်ဖြစ်လာခဲ့တဲ့ ကယ်လီဖိုးနီးယားတောမီးကြောင့် သေဆုံးသူ ၂၃ထက်မနည်းရှိလာခဲ့ပြီး အိုးအိမ်ပေါင်း ၃၅၀ဝခန့်လောင်ကျွမ်းပျက်စီးခဲ့ကာ ရာနှင့်ချီပျောက်ဆုံးနေကြောင်းသိရသည်။ စီရင်စုရှစ်ခုတွင် မီးညွန့်ကြီး နှစ်ဒါဇင်ခန့်ဖြစ်ပေါ်ခဲ့ပြီး မီးလောင်ပြာကျမှုအကျယ်အဝန်း ဧက ၁၇၀၀၀ဝခန့်ရှိခဲ့ရသည်။ အောက်တိုဘာလ ၈ရက်ညက လေပြင်းတိုက်ခတ်မှုများကြောင့် ကယ်လီဖိုးနီးယားပြည်နယ်တွင်း ဓာတ်အားလိုင်းပြတ်ကျပြိုလဲမှုများဖြစ်ပေါ် ခဲ့ရာမှ မီးစတင်လောင်ကျွမ်းခဲ့ခြင်းဖြစ်သည်။ ကယ်လစ်စတိုဂါမြို့မှာမီးလောင်မှုနှင့်ထိပ်တိုက်ရင်ဆိုင်ရသည့် ပထမဆုံးမြို့ဖြစ်ပြီး အောက်တိုဘာလ၁၁ရက်တွင် ဒေသခံ ၅၀၀ဝခန့်ကို ဘေးလွတ်ရာရွှေ့ပြောင်းကြရန် စီရင်စုရဲတပ်ဖွဲ့က ညွှန်ကြားခဲ့ကြောင်းသိရသည်။ တက်ဘ်ဖိုင်းယားဟုအမည်ပေးထားသည့် အဆိုပါတောမီးလောင်ကူးမှုအရှိန်လျော့ကျသွားခဲ့ပြီ  ဖြစ်သော်လည်း တိုက်ခတ်နေသည့်လေကြောင့် ဆက်လက်လောင်ကျွမ်းနေဦးမည်ဖြစ်ကြောင်း အွန်လိုင်းအရေးပေါ်သတိပေးကြေညာချက်တွင်ရေးသားဖော်ပြထားခဲ့သည်။ မီးစတင်လောင်ကျွမ်းရခြင်းအကြောင်းရင်းကို တရားဝင်ထုတ်ပြန်မှုမရှိသေးသော်လည်း လေပြင်းတိုက်ခတ်မှုကြောင့် လျှပ်စစ်ဝါယာကြိုးများ ပြိုလဲရမှ မီးပွားပွင့်ထွက်ပြီး မီးစတင်လောင်ကျွမ်းခဲ့ခြင်းဖြစ်နိုင်သည်ဟု ကယ်လီဖိုးနီးယားသစ်တောနှင့်မီးကာကွယ်ရေးအဖွဲ့မှ ပြောရေးဆိုခွင့်ရှိသူ ဒန်နီယယ်ဘာလန့်ကပြောကြားခဲ့သည်။ သေဆုံးခဲ့ရသူအများစုမှာ အိပ်ပျော်နေခဲ့ကြပြီး အလျင်အမြန်ကူးစက်လာသည့်မီးကြောင့် အချိန်မီထွက်ပြေးလွတ်မြောက်နိုင်ခြင်းမရှိဘဲ သေဆုံးခဲ့ရခြင်းဖြစ်ကြောင်း ဘာလန့်က ပြောကြားခဲ့သည်။ မီးလောင်မှု သုံးရက်တိုင်တိုင်ရှိခဲ့ပြီး လူ ၂၀၀၀ဝထက်မနည်း ဘေးလွတ်ရာရှောင်ပြေးနေထိုင်နေရကြောင်းသိရသည်။ ဆိုနိုမာစီရင်စုတွင် လူ ၅၅၀ကျော်ခန့် ပျောက်နေဆဲဖြစ်ပြီး မီးလောင်မှုကြောင့် ထွက်ပြေးကြရသည့် ဖရိုဖရဲကာလအတွင်း သတင်းပေးပို့စစ်ဆေးရန် အခက်အခဲဖြစ်နေခြင်းကြောင့်လည်းဖြစ်နိုင်ကြောင်း စီရင်စု၏ပြောရေးဆိုခွင့်ရှိသူက ပြောကြားခဲ့သည်။ အဆိုပါပျောက်ဆုံးစာရင်းများအနက် မီးအတွင်းသေဆုံးသွားသူများလည်းရှိနိုင်ပြီး အတိအကျသိရှိနိုင်ရန် ခက်ခဲနေဆဲကာလဖြစ်ပြီး ထွက်ပြေးလွတ်မြောက်နေသည့်မိသားစုဝင်များအနေဖြင့် သက်ဆိုင်ရာဌာနများထံ အသက်ရှင်လျက်ကျန်ရစ်ကြောင်း အသိပေးအကြောင်းကြားကြရန် ကယ်လီဖိုးနီးယားအာဏာပိုင်များက တိုက်တွန်းပြောကြားထားခဲ့သည်။
(Fortune, 12.10.17)

 

 

More Articles ...